ഗൂഗിളിന് കൈപൊള്ളിയ സോഷ്യല്‍ നെറ്റ്‌വര്‍ക്കിംഗ് സൈറ്റുകള്‍

#1

ഫോര്‍സ്‌ക്വയര്‍ എന്ന സോഷ്യല്‍ സൈറ്റിനു പിന്നില്‍ പ്രവര്‍ത്തിച്ച വ്യക്തിതന്നെയാണ് ഡോഡ്ജ് ബാള്‍ എന്ന സൈറ്റ് തുടങ്ങിയത്. 2005-ല്‍ ഗൂഗിള്‍ ഇത് ഏറ്റെടുക്കുകയായിരുന്നു. ലൊക്കേഷന്‍ അടിസ്ഥാനമാക്കിയുള്ള സോഷ്യല്‍ നെറ്റ് വര്‍ക്കിംഗ് സൈറ്റായിരുന്നു ഇത്. എന്നാല്‍ എത്ര പേര്‍ ഈ സൈറ്റിനെ കുറിച്ച് കേട്ടിട്ടുണ്ട് എന്നറിയില്ല.

#2

ഫേസ്ബുക്കിനെയും ട്വിറ്ററിനെയും നേരിടാന്‍ ഗൂഗിള്‍ അവതരിപ്പിച്ച സോഷ്യല്‍ സൈറ്റാണ് ഗൂഗിള്‍ Buzz. എന്നാല്‍ തുടക്കം മുതല്‍ ഇതൊരു പരാജയമായിരുന്നു. ജിമെയിലുമായി കണക്റ്റ് ചെയ്ത് ഈ സൈറ്റ് വീഡിയോ, ഫോട്ടോ, ലിങ്കുകള്‍ തുടങ്ങിയവ ഷെയര്‍ ചെയ്യാന്‍ സഹായിക്കുന്ന സൈറ്റായിരുന്നു.

#3

ഇന്നും പ്രചാരമുള്ള ഗൂഗിളിന്റെ സോഷ്യല്‍ നെറ്റ്‌വര്‍ക്കിംഗ് സൈറ്റാണ് ഗൂഗിള്‍ പ്ലസ്. എന്നാല്‍ ഇതൊരു വിജയമാണോ എന്നു ചോദിച്ചാല്‍ അല്ല എന്നു പറയേണ്ടിവരും. ഫേസ്ബുക്കിനോ ട്വിറ്ററിനോ ഉള്ള സ്വീകാര്യത ഇന്നും സാധാരണക്കാര്‍ക്കിടയില്‍ ഗൂഗിള്‍ പ്ലസിനില്ല. മാത്രമല്ല, ഗൂഗിള്‍ പ്ലസിന്റെ മേധാവിയായിരുന്ന വിക് ഗുണ്ടോത്ര അടുത്തിടെ ഗൂഗിള്‍ വിടുകയും ചെയ്തിരുന്നു. ഗൂഗിള്‍ പ്ലസിന്റെ ഭാവി ന്താണെന്നറിയാന്‍ ഇനിയും കാത്തിരിക്കേണ്ടിവരും.

#4

ഡോഡ്ജ് ബാള്‍ വേണ്ടത്ര വിജയമാവാതെ വന്നതോടെ അത് പരിഷ്‌കരിച്ച് ലാറ്റിറ്റിയൂഡ് അവതരിപ്പിച്ചുവെങ്കിലും കാര്യങ്ങള്‍ കൂടുതല്‍ വഷളാവുകയാണ് ചെയ്തത്. തുടര്‍ന്ന് 2013-ല്‍ അത് അടച്ചുപൂട്ടി.

#5

യൂട്യൂബിനെ പൂര്‍ണമായി ഒരു സോഷ്യല്‍ നെറ്റ്‌വര്‍ക്കിംഗ് സൈറ്റായി പരിഗണിക്കാന്‍ കഴിയില്ല. മാത്രമല്ല, ഇന്ന് ഏറെ പ്രചാരമുള്ള ഒന്നുമാണ് ഇത്. എന്നാല്‍ അടുത്തിടെ ഗുഗിള്‍ കൊണ്ടുവന്ന ചില നിബന്ധനകള്‍ യൂട്യൂബിന് വിനയാകുമെന്നാണ് വിലയിരുത്തപ്പെടുന്നത്. യൂട്യൂബില്‍ കമന്റുകള്‍ പോസ്റ്റ് ചെയ്യണമെങ്കില്‍ ഉപഭോക്താക്കള്‍ ഗൂഗിള്‍ പ്ലസില്‍ സൈന്‍ ഇന്‍ ചെയ്യണമെന്നതാണ് ഇതില്‍ പ്രധാനം.