കരുതൽ വേണം! പേജറുകൾ പൊട്ടിത്തെറിച്ചു; നിങ്ങളുടെ ഫോണും ബോംബാക്കി മാറ്റാൻ കഴിയുമോ?

ലെബനനിൽ നടന്ന വിചിത്രവും മാരകവുമായ ഒരു സംഭവത്തിൽ, തീവ്രവാദ ഗ്രൂപ്പായ ഹിസ്ബുള്ള ഉപയോഗിച്ചുവെന്ന് ആരോപിക്കപ്പെടുന്ന നൂറുകണക്കിന് പേജറുകൾ സെപ്തംബർ 18ന് രാജ്യത്തുടനീളം ഒരേ സമയം പൊട്ടിത്തെറിച്ചു. സ്ഫോടനങ്ങളിൽ കുറഞ്ഞത് ഒമ്പത് പേരെങ്കിലും മരിക്കുകയും 3,000ത്തിലധികം പേർക്ക് പരിക്കേൽക്കുകയും ചെയ്തു. ഒരാൾ പലചരക്ക് കടയിൽ സാധനങ്ങൾ വാങ്ങുന്നതിന് ഇടക്ക് അപകടം നടന്നതായി കാണിക്കുന്ന വീഡിയോ ഫൂട്ടേജുകൾ പുറത്ത് വന്നിട്ടുണ്ട്. സംഭവത്തെ തുടർന്ന് സ്‌ഫോടനത്തിൻ്റെ കാരണം സംബന്ധിച്ച് ഊഹാപോഹങ്ങൾ ഉയർന്നിട്ടുണ്ട്. ചില ഇനിഷ്യൽ തിയറികൾ ബാറ്ററി അമിതമായി ചൂടാകുന്നതിലേക്ക് വിരൽ ചൂണ്ടുന്നു. ഇത് അസ്വസ്ഥജനകമായ ഒരു ചോദ്യം ഉയർത്തി. സ്മാർട്ട്ഫോണുകളിൽ ഇത്തരമൊരു സംഭവം ഉണ്ടാകുമോ?

നിങ്ങളുടെ ഫോൺ ഹാക്കർമാർക്ക് ബോംബുകളാക്കാൻ കഴിയുമോ? സ്‌മാർട്ട്‌ഫോണുകളുടെ സർവ്വവ്യാപിയും ലിഥിയം-അയൺ ബാറ്ററികളെ ആശ്രയിക്കുന്നതും കണക്കിലെടുക്കുമ്പോൾ, ഈ ഉപകരണങ്ങൾ ഉപയോഗിച്ച് സമാനമായ ആക്രമണത്തിൻ്റെ സാധ്യത തള്ളിക്കളയാനാവില്ല. എന്നിരുന്നാലും ചില ഘടകങ്ങൾ അത്തരം സംഭവത്തെ ബുദ്ധിമുട്ടുള്ളതും വ്യത്യസ്തവുമാക്കുന്നു. സ്‌മാർട്ട്‌ഫോണുകളേക്കാൾ സുരക്ഷിതമെന്ന് കരുതപ്പെടുന്ന പേജറുകൾ ആണ് ഹിസ്ബുള്ള അപകട പ്രവർത്തിക്ക് സ്വീകരിച്ചത്.

ഇസ്രായേൽ രഹസ്യാന്വേഷണ വിഭാഗത്തിൻ്റെ നിരീക്ഷണത്തെ കുറിച്ചുള്ള ആശങ്കകളാണ് പ്രധാനമായും നയിച്ചത്. സ്‌മാർട്ട്‌ഫോണുകളെ അപേക്ഷിച്ച്, ലളിതമായ ഹാർഡ്‌വെയർ ഉള്ള പേജറുകൾ, ട്രാക്ക് ചെയ്യാൻ ബുദ്ധിമുട്ടുള്ളതും ഡിജിറ്റൽ ഹാക്കിംഗിന് ഇരയാകുന്നതും കുറവാണ്. എന്നിരുന്നാലും, അതേ സാങ്കേതികവിദ്യ, ലിഥിയം-അയൺ ബാറ്ററികൾ ഉപയോഗിച്ച് പേജറുകൾക്കും സ്മാർട്ട്ഫോണുകൾക്കും ശക്തി നൽകുന്നു, ഈ സാങ്കേതികവിദ്യ പല രീതിയിൽ ഉള്ള അപകട സാധ്യതകൾ ഉണ്ടാക്കും.

ഉയർന്ന ഊർജ്ജ സാന്ദ്രതയും റീചാർജബിലിറ്റിയും കാരണം വ്യാപകമായി ഉപയോഗിക്കുന്ന ലിഥിയം-അയൺ ബാറ്ററികൾ അപകടങ്ങളിൽ നിന്ന് മുക്തമല്ല. അമിതമായ ചൂട്, അമിത ചാർജിംഗ് അല്ലെങ്കിൽ ശാരീരിക കേടുപാടുകൾ തുടങ്ങിയ ഘടകങ്ങൾ ഈ ബാറ്ററികൾ അമിതമായി ചൂടാകുന്നതിനും അപൂർവ സന്ദർഭങ്ങളിൽ പൊട്ടിത്തെറിക്കുന്നതിനും കാരണമാകും. നിർമ്മാണ വൈകല്യങ്ങളും ഡിസൈൻ പിഴവുകളും അപകട സാധ്യതയ്ക്ക് കാരണമാകാറുണ്ട്.

ഉദാഹരണത്തിന്, സ്‌മാർട്ട്‌ഫോൺ സ്‌ഫോടനങ്ങൾ, അസാധാരണമാണെങ്കിലും, നീണ്ട് നിൽക്കുന്ന ഉപയോഗം, ബാഹ്യ കേടുപാടുകൾ അല്ലെങ്കിൽ തെറ്റായ ഘടകങ്ങൾ എന്നിവയിൽ നിന്നുള്ള അമിത ചൂടാണ് സാധാരണ കാരണം. ഈ സംഭവങ്ങൾ, പലപ്പോഴും ഒറ്റപ്പെട്ടതാണ്. ഒരു കോർഡിനേറ്റഡ് ആക്രമണത്തേക്കാൾ കൂടുതൽ നിർമ്മാണ അല്ലെങ്കിൽ ഉപയോഗ പ്രശ്നമാണ്.

എന്നിരുന്നാലും, ഹിസ്ബുള്ള പേജർ സ്ഫോടനങ്ങൾ കൂടുതൽ സങ്കീർണ്ണമായ ഒരു സാഹചര്യം നിർദ്ദേശിക്കുന്നു. ഉൽപ്പാദന സമയത്ത് സ്ഫോടക വസ്തുക്കളിൽ ഉൾച്ചേർത്ത കൃത്രിമ ഉപകരണങ്ങൾ ഉൾപ്പെടാൻ സാധ്യതയുണ്ട്. NYT റിപ്പോർട്ട് അനുസരിച്ച്, തായ്‌വാനീസ് നിർമ്മാതാക്കളായ ഗോൾഡ് അപ്പോളോയിൽ നിന്ന് ഓർഡർ ചെയ്ത പേജറുകളുടെ ഒരു ബാച്ചിനുള്ളിൽ ഇസ്രായേൽ സ്ഫോടക വസ്തുക്കൾ ഒളിപ്പിച്ചു. എന്നിരുന്നാലും ഗോൾഡ് അപ്പോളോ മാധ്യമ റിപ്പോർട്ടുകൾ നിഷേധിച്ചു.

അവ വിദൂരമായി പൊട്ടിത്തെറിക്കുന്നതിനായി ഒരു സ്വിച്ച് ഉൾച്ചേർത്തതായി റിപ്പോർട്ടുണ്ട്. സമാനമായ ഒരു തന്ത്രം സ്‌മാർട്ട്‌ഫോണുകളിലും പ്രയോഗിച്ചാൽ, വിതരണ ശൃംഖലയിലെ സൂക്ഷ്മമായ ഇടപെടലോ സ്‌ഫോടനങ്ങൾ വിദൂരമായി പ്രവർത്തനക്ഷമമം ആക്കുന്നതിനുള്ള ഒരു രീതിയോ ആവശ്യമായി വരും. ഒരു പക്ഷേ ഒരു ഏകോപിപ്പിച്ച റേഡിയോ സിഗ്‌നൽ അല്ലെങ്കിൽ ഇലക്ട്രോണിക് പൾസ് വഴി ആകാം.

തിയറിയിൽ, ഈ ആശയം സ്മാർട്ട്ഫോണുകളിൽ പ്രയോഗിക്കാൻ കഴിയും. സ്മാർട്ട്‌ഫോണുകൾ, അവയുടെ സങ്കീർണ്ണമായ സോഫ്‌റ്റ്‌വെയറും നെറ്റ്‌വർക്ക് കണക്ഷനുകളും കാരണം, വിദൂര കൃത്രിമത്വത്തിന് കൂടുതൽ അവസരങ്ങൾ പോലും നൽകിയേക്കാം. പ്രത്യേകിച്ചും ഉപകരണത്തിൻ്റെ ഫേംവെയറിലെ ഒരു അപകട സാധ്യത ചൂഷണം ചെയ്താൽ. എന്നിരുന്നാലും, സ്‌മാർട്ട്‌ഫോൺ ബ്രാൻഡുകൾ, മോഡലുകൾ, സോഫ്‌റ്റ്‌വെയർ സംവിധാനങ്ങൾ എന്നിവയുടെ വ്യാപകവും വൈവിധ്യമാർന്നതുമായ സ്വഭാവം കാരണം ഇത്തരമൊരു ആക്രമണം വൻതോതിൽ നടപ്പിലാക്കുന്നത് വളരെ വെല്ലുവിളി നിറഞ്ഞതാണ്.

ആധുനിക സ്‌മാർട്ട്‌ഫോണുകളുടെ വൈവിധ്യമാർന്ന സുരക്ഷാ പ്രോട്ടോക്കോളുകൾ കൂട്ടത്തോടെ ലംഘിക്കാൻ പ്രയാസമുള്ള കാര്യമാണ്. സ്വന്തമായി, ഫോണുകൾ പൊട്ടിത്തെറിക്കുന്നില്ല. അവയിലേക്ക് ഒഴുകുന്ന കറൻ്റ് പരിഷ്കരിച്ച് ബാറ്ററി ചൂട് വർദ്ധിപ്പിക്കാൻ ഹാക്കർമാർ കൃത്രിമം കാണിച്ചാലും അവ കൂട്ടത്തോടെ പൊട്ടിത്തെറിക്കാൻ പോകുന്നില്ല. ഒറ്റപ്പെട്ട ഒന്നോ രണ്ടോ സംഭവങ്ങൾ ഉണ്ടാകാം. കാരണം, അമിതമായ ചൂട് ഉണ്ടാകുമ്പോഴെല്ലാം സുരക്ഷാ മുൻകരുതലുകളോടെ പ്രവർത്തനക്ഷമമാക്കുന്ന ഒരു സർക്യൂട്ട് ഫോണുകളിലുണ്ട്.

ഉദാഹരണത്തിന്, ഒരു ഐഫോണിൽ, ഡൽഹി ചൂടിൽ പോലും, ഫോൺ ചൂടാകാൻ തുടങ്ങിയാൽ, ചാർജിംഗ് ഓട്ടോമാറ്റിക്ക് ആയി കട്ട് ആകും. അതിന് പുറമെ, സ്മാർട്ട്‌ഫോണുകൾ ഇന്ന് അത്യാധുനിക കൂളിംഗ് ചേമ്പറുകൾ ഉപയോഗിക്കുന്നു. അത് ഉപകരണത്തിലെ ഏതെങ്കിലും ബിൽറ്റ് അപ്പ് ഹീറ്റ് ഇല്ലാതാക്കുന്നുവെന്ന് ഉറപ്പാക്കുന്നു.

ആധുനിക സ്മാർട്ട്‌ഫോണുകൾ പലപ്പോഴും വേപ്പർ ചേമ്പറുകളും ഗ്രാഫൈറ്റ് കൂളിംഗ് സിസ്റ്റങ്ങളും ഉപയോഗിക്കുന്നു. അത് ഉപകരണത്തിൽ ഉടനീളം ചൂട് തുല്യമായി സ്‌പ്രെഡ്‌ ചെയ്യുന്നു. ബാഷ്പീകരിക്കപ്പെടുകയും ഘനീഭവിക്കുകയും ചെയ്യുന്ന ദ്രാവകം ഉപയോഗിച്ച് താപം പുറന്തള്ളുന്നു. അതേ സമയം ഗ്രാഫൈറ്റ് പാളികൾ പ്രോസസർ പോലുള്ള നിർണായക ഘടകങ്ങളിൽ നിന്ന് ചൂട് നടത്തുന്നതിന് സഹായിക്കുന്നു.

അതായത്, സ്‌മാർട്ട്‌ഫോൺ ചൂടാക്കാൻ കൃത്രിമം കാണിക്കുന്ന ഒരു സാഹചര്യത്തിൽ പോലും, മിക്ക സന്ദർഭങ്ങളിലും, പൊട്ടിത്തെറിക്കുന്നതിന് പകരം, ഫോണുകൾ ഒരു പരിധി വരെ ഉരുകുകയും ബാറ്ററി വീക്കമോ ചോർച്ചയോ ഉണ്ടാക്കുകയും ചെയ്യും. പക്ഷേ അവ അപൂർവ്വമായി മാത്രമേ പൊട്ടിത്തെറിക്കൂ. ആരുടെയെങ്കിലും ഫോൺ പൊട്ടിത്തെറിക്കുന്നതിനെ കുറിച്ച് നമ്മൾ വായിക്കുന്ന സന്ദർഭങ്ങളിൽ പോലും, അത് ഒരു ചെറിയ തീപിടിത്തം ഉണ്ടായേക്കാമെന്ന് നിങ്ങൾ കാണും. പക്ഷേ അത് പൊട്ടിത്തെറിക്കുന്നില്ല.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.