പാകിസ്ഥാനില്‍ സ്വന്തമായി വിമാനം നിര്‍മിച്ച് പോപ്‌കോണ്‍ സെല്ലര്‍

പുതിയ പരിശ്രമത്തിലൂടെ

വിദ്യാഭ്യാസത്തിനും അവസരങ്ങള്‍ക്കുമായി നെട്ടോട്ടമോടുന്നവര്‍ക്കും ജീവിതത്തില്‍ വലിയ സ്വപ്‌നങ്ങള്‍ കാണുന്നവര്‍ക്കും ഏറെ പ്രചോദനമായിരിക്കുകയാണ് മുഹമ്മദ് ഫയസ് എന്ന വ്യക്തിയുടെ ജീവിതം. ലക്ഷക്കണക്കിനു പേരുടെ മനസുപിടിച്ചുപറ്റാന്‍ പുതിയ പരിശ്രമത്തിലൂടെ ഫയസിനായി.

ഏവര്‍ക്കും പ്രചോദനമാകും

ടി.വി ക്ലിപ്പിലൂടെയും ഓണ്‍ലൈന്‍ ബ്ലൂപ്രിന്റും ഉപയോഗിച്ചാണ് വിമാനം നിര്‍മാണം മുഹമ്മദ് ഫയസ് പൂര്‍ത്തിയാക്കിയത്. ' ഞാനിപ്പോള്‍ അഭിമാനത്തിന്റെ കൊടുമുടിയിലാണ്. ഏറെ സന്തോഷം. ഇത് ഏവര്‍ക്കും പ്രചോദനമാകും' -ഫയസ് പറയുന്നു.

ഗൗരവകരമായാണ് കാണുന്നത്

ഫയസ് പ്ലെയിന്‍ പറത്താന്‍ ശ്രമിച്ചത് പാകിസ്ഥാന്‍ എയര്‍ഫോഴ്‌സ് ഏറെ ഗൗരവകരമായാണ് കാണുന്നത്. വിമാനം പറത്തിയ പ്രദേശം അധികൃതര്‍ ഒന്നിലധികം തവണ സന്ദര്‍ശിക്കുകയുണ്ടായി. എയര്‍ഫോഴ്‌സില്‍ ചേരണമെന്നത് ഫയസ് എന്ന 32 കാരന്റെ ജീവിതാഭിലാഷമായിരുന്നു.

കാരണമായി.

കുട്ടിക്കാലത്തുതെന്ന അച്ഛന്‍ മരിച്ചത് എട്ടാം ക്ലാസില്‍ പഠനം നിര്‍ത്താന്‍ കാരണമായി. തന്റെ ആഗ്രഹം ഫയസിന് പാതിവഴിയില്‍ ഉപേക്ഷിക്കേണ്ടിവന്നു. പിന്നെ ജീവിതത്തിന്റെ നെട്ടോട്ടത്തിനിടയില്‍ എയര്‍ഫോഴിലെ ജോലിയെന്നത് സ്വപ്‌നം മാത്രമായി ഒതുങ്ങി.

വിമാനം നിര്‍മിച്ചത്.

പ്രായം കൂടിയപ്പോള്‍ ആഗ്രഹങ്ങള്‍ മങ്ങി. ഒടുവില്‍ വിമാനം നിര്‍മിക്കാന്‍ തീരുമാനിക്കുകയായിരുന്നു. നിലവില്‍ പോപ്‌കോണ്‍ വില്‍പ്പനയാണ് ഫയസിന്റെ പ്രധാന തൊഴില്‍. തനിക്കുള്ള കുറച്ചു സ്ഥലം വില്‍പ്പന നടത്തി 50,000 രൂപ സ്വരൂപിച്ചാണ് നിലവില്‍ വിമാനം നിര്‍മിച്ചത്.