മള്‍ട്ടി മോഡ് ക്യാമറയോട് കൂടിയ പാനസോണിക് പി91 പുറത്തിറക്കി

പാനസോണിക് അടുത്തിടെ നിരവധി സ്മാര്‍ട്ട് ഫോണുകള്‍ പുറത്തിറക്കിയിരുന്നു. ഇതില്‍ ഏറ്റവും പുതിയതായി എത്തിയത് ബജറ്റ് നിരക്കിലുള്ള എലുഗ എ4 , എലുഗ 15 എന്നിവ ആയിരുന്നു.

നീല, കറുപ്പ് ,സ്വര്‍ണ്ണ നിറങ്ങളിലാണ് ഡിവൈസ് പുറത്തിറക്കിയിരിക്കുന്നത്. രാജ്യത്തെ എല്ലാ അംഗീകൃത പാനസോണിക് ഔട്ട്‌ലെറ്റുകളിലും ഫോണ്‍ ലഭ്യമാകും.

മള്‍ട്ടി- മോഡ് ക്യാമറയാണ് പാനസോണിക് പി91ന്റെ പ്രധാന സവിശേഷത. വ്യത്യസ്ത മോഡുകളില്‍ വിവിധ ഭാവങ്ങള്‍ ഈ ക്യാമറയിലൂടെ ഒപ്പിയെടുക്കാം.

താഴ്ന്ന പ്രകാശത്തില്‍ പോലും മികച്ച ഷോട്ടുകള്‍ എടുക്കാന്‍ കഴിയും. ക്യുആര്‍ കോഡ് സ്‌കാന്‍ ചെയ്യുക, ദൃശ്യങ്ങള്‍ സ്വയമേവ തിരിച്ചറിയുക, സീന്‍ ഫ്രെയിം സെലക്ട് ചെയ്യുക, ടൈം ലാപ്‌സ് റെക്കോര്‍ഡ് ചെയ്യുക, എക്‌സ്‌പോഷര്‍ വാല്യു ക്രമീകരിക്കുക , മികച്ച ഫോട്ടോകള്‍ എടുക്കുന്നതിന് പോര്‍ട്രേയ്റ്റ്, പ്രൊഫഷല്‍ മോഡുകള്‍ ഉപയോഗിക്കുക തുടങ്ങി വിവിധ കാര്യങ്ങള്‍ മള്‍ട്ടി മോഡ് ക്യാമറ അനുവദിക്കും .

തിളങ്ങുന്ന ബോഡിയാണ് സ്മാര്‍ട്‌ഫോണിനുള്ളത് കൂടാതെ അമിതമായി ചൂടാകുന്നതിലൂടെ സര്‍ക്യൂട്ടുകള്‍ തകരാറിലാകുന്നത് തടയാന്‍ ഇതിലുള്ള ഗ്രാഫൈറ്റ് ഫിലിം സഹായിക്കും.

സ്മാര്‍ട്ട് ജെസ്റ്റര്‍, സ്മാര്‍ട് ആക്ഷന്‍ എന്നിങ്ങനെ രണ്ട് സവിശേഷതകള്‍ ഈ ഡിവൈസിനുണ്ട്. ഒരു പ്രത്യേക ഭാവം നിര്‍ണയിക്കാനും നിങ്ങള്‍ക്കാവശ്യമുള്ളപ്പോള്‍ അത് ഉപയോഗിക്കാനും സ്മാര്‍ട് ജസ്റ്ററിലൂടെ കഴിയും. വില കുറവാണെങ്കിലും മതിയായ ഊര്‍ജവും പ്രവര്‍ത്തന ക്ഷമതയും ് ഈ സ്മാര്‍ട് ഫോണ്‍ ലഭ്യമാക്കുന്നുണ്ട് .

വിപണിയിലെ മറ്റ് എതിരാളികളേക്കാള്‍ 2ഡിബി ഉയര്‍ന്ന ഓഡിയോ ഔട്പുട്ടാണ് പാനസോണിക് നല്‍കുന്നത്. അതിനാല്‍ ശബ്ദം വളരെ വ്യക്തമായിരിക്കും.

എല്‍ഇഡി ഫ്‌ളാഷോട് കൂടിയ 8 എംപി റിയര്‍ ക്യാമറ, താഴ്ന്ന പ്രകാശത്തിലും മികച്ച പ്രകടനം കാഴ്ച വയ്ക്കുന്ന 5 എംപി സെല്‍ഫി ക്യാമറ എന്നിവയാണ് സ്മാര്‍ട് ഫോണിലുള്ളത്. കളര്‍, സ്‌കിന്‍, ഷാര്‍പ്‌നെസ്സ് എന്നിവ ക്രമീകരിക്കാനും വിശദാശംങ്ങള്‍ പോലും സ്വയം എടുത്തു കാണിക്കാനും ഉള്ള ശേഷി ക്യാമറയ്ക്കുണ്ടെന്നാണ് അവകാശപ്പെടുന്നത്.

ഡിവൈസില്‍ 5-ഇഞ്ച് എച്ച്ഡി 720പി ഐപിഎസ് ഡിസ്‌പ്ലെയാണ് ഉപയോഗിച്ചിരിക്കുന്നത്. 128 ജിബി വരെ അധിക സ്‌റ്റോറേജ് സപ്പോര്‍ട്ട് ചെയ്യുന്ന മൈക്രോഎസ്ഡി കാര്‍ഡ് സ്ലോട്ട് , ഡ്യുവല്‍ സിം കാര്‍ഡ് സ്ലോട്ട് എന്നിവയും ഫോണിലുണ്ട്. 1ജിബി റാം, 16 ജിബി ഇന്റേണല്‍ സ്‌റ്റോറേജ് എന്നിവയോട് കൂടിയ 1.1ജിഗഹെട്‌സ് പ്രോസസര്‍, ആന്‍ഡ്രോയ്ഡ് 7.0 ന്യുഗട്ട് ഒഎസ്, , 2500 എംഎഎച്ച് ബാറ്ററി എന്നിവയാണ് മറ്റ് സവിശേഷതകള്‍.

6 മണിക്കൂര്‍ വരെ ഇന്റേണല്‍ ബ്രൗസിങും 9 മണിക്കൂര്‍ വരെ ഓഫ്‌ലൈന്‍ വീഡിയോ പ്ലെബാക്ക് സമയവും സാധ്യമാക്കാനുള്ള ശേഷി ബാറ്ററിയ്ക്കുണ്ടെന്നാണ് അവകാശപ്പെടുന്നത്.