നിങ്ങൾക്ക് PUBG കളിക്കാനറിയുമോ? നേടാം 50 ലക്ഷം സമ്മാനം! ചെയ്യേണ്ടത് എന്ത്?

By Ishaque A P

Updated: Friday, September 14, 2018, 11:59 [IST]

ലോകത്തിലെ ഏറ്റവും വലുതും ഏറ്റവും കൂടുതൽ ആളുകൾ കളിക്കുന്നതുമായ PUBG ഗെയിം ഇന്ത്യയിലെ ഏറ്റവും വലിയ ഇഎസ്പോർട്ട് ചാമ്പ്യൻഷിപ്പ് പ്രഖ്യാപിച്ചു. PUBG മൊബൈൽ കാമ്പസ് ചാമ്പ്യൻഷിപ്പ് എന്നാണ് മല്സരത്തിന്റെ പേര്. ഈ മെഗാ ചാമ്പ്യൻഷിപ്പ് ടൂർണമെന്റിനായി ഗെയിമിംഗ് കമ്പനി ഓപ്പോ ഇന്ത്യയുമായിട്ടാണ് കൈകോർക്കുന്നത്.

50 ലക്ഷം സമ്മാനം!

2018 സെപ്തംബർ 26ന് തുടങ്ങുന്ന ചാമ്പ്യൻഷിപ്പ് ഒക്ടോബർ 21 നാണ് അവസാനിക്കുന്നത്. ബാംഗ്ലൂരിൽ ഗ്രാൻറ് ഫൈനൽ മത്സരങ്ങൾ നടക്കും. ഇപ്പോൾ PUBG മൊബൈൽ ഇന്ത്യയിൽ ഏറ്റവും അധികം ഡൌൺലോഡ് ചെയ്ത ഓൺലൈൻ ഗെയിം ആണ്. രാജ്യത്തെ 30-ഓളം നഗരങ്ങളിൽ നിന്ന് ആയിരക്കണക്കിന് മത്സരാർത്ഥികൾ പങ്കെടുക്കുന്ന ഒരു ഗെയിം ചാമ്പ്യൻഷിപ്പ് ആയിരിക്കും ഇത്. ഇവിടെ ടൂർണമെന്റിന്റെ ഏറ്റവും ആവേശകരമായ ഭാഗം 50,00,000 രൂപയുടെ പ്രതിഫലത്തുകയാണ്.

ഏത് ക്യാംപസിൽ ഉള്ളവർക്കും പങ്കെടുക്കാം!

PUBG ഇന്ത്യ മത്സരം സോഷ്യൽ മീഡിയ പ്ലാറ്റ്ഫോമുകളിൽ ഉടനീളം പ്രദർശിപ്പിക്കുംന്നതായിരിക്കും. അതിനാൽ തന്നെ ഇന്ത്യയിലുടനീളം വളർന്നുവരുന്ന ഈസ്പോർട്സ് ആരാധകർക്ക് അത് പിന്തുടരാൻ കഴിയും. രാജ്യത്തൊട്ടാകെയുള്ള ഏതൊരു ക്യാംപാസിലെയും വിദ്യാർത്ഥികൾക്ക് ചാമ്പ്യൻഷിപ്പിൽ പങ്കെടുക്കാം. നാല് പേരടങ്ങുന്ന സ്‌ക്വാഡ് ആയിട്ടാവണം തീം ഉണ്ടാക്കേണ്ടത്.

രജിസ്റ്റർ ചെയ്യാൻ..

നാല് നോക്കൗട്ട് റൗണ്ടുകളായാണ് സെമിഫൈനൽ ഉൾപ്പെടുന്നത്. അതിൽ 20 ടീമുകൾ ഫൈനൽ മത്സരത്തിലേക്ക് ട്രോഫിക്കായി മത്സരിക്കുന്നതിന് ഷോർട്ട്ലിസ്റ്റ് ചെയ്യപ്പെടും. ടൂർണമെന്റിൽ നിങ്ങൾക്ക് താല്പര്യമുണ്ടെങ്കിൽ www.pubgmobile .in എന്ന വെബ് സൈറ്റ് വഴി രജിസ്റർ ചെയ്യാം. രജിസ്ട്രേഷൻ സെപ്തംബർ 7 മുതൽആണ് തുടങ്ങുന്നത്. സെപ്തംബർ 23 ന് അവസാനിക്കുകയും ചെയ്യും.