ജൂണ്‍ 16 മുതല്‍ താജ്മഹലില്‍ 30 മിനിറ്റ് സൗജന്യ വൈ-ഫൈ

ഇന്ത്യയിലെ വിനോദ സഞ്ചാര കേന്ദ്രങ്ങളില്‍ ഇന്റര്‍നെറ്റ് ലഭ്യമല്ലാത്തത് സംബന്ധിച്ച് സന്ദര്‍ശകര്‍ പരാതി ഉന്നയിക്കാന്‍ തുടങ്ങിയിട്ട് നാളുകളായി. താജ്മഹല്‍ സന്ദര്‍ശിക്കുന്നവര്‍ക്ക് 30 മിനിറ്റോളം സൗജന്യ വൈ-ഫൈ ലഭ്യമാക്കാന്‍ തുടങ്ങുന്നു.

ബിഎസ്എന്‍എല്ലും ആര്‍ക്കിയോളജിക്കല്‍ സര്‍വേ ഓഫ് ഇന്ത്യയും ചേര്‍ന്നാണ് പദ്ധതി നടപ്പാക്കുന്നത്. അധികം ഉപയോഗിക്കുന്ന ഓരോ മണിക്കൂറിനും 30 രൂപ വീതം ഈടാക്കുന്നതാണ്.

കേന്ദ്ര ടെലികോം മന്ത്രി രവിശങ്കര്‍ പ്രസാദ് പദ്ധതി ജൂണ്‍ 16-ന് ഉദ്ഘാടനം ചെയ്യും. താജ്മഹല്‍ പ്രധാന കവാടത്തില്‍ നിന്ന് 30 മീറ്റര്‍ ചുറ്റളവിലാണ് വൈ-ഫൈ ലഭിക്കുക.

നിലവില്‍ ആഗ്രയില്‍ പൊതു വൈ-ഫൈ സൗകര്യം ഉളളത് ആഗ്രാ കന്റോണ്‍മെന്റ് റെയില്‍വേ സ്‌റ്റേഷന്‍ പരിസരത്ത് മാത്രമാണ്. 2014-ല്‍ മാത്രം 60.72 ലക്ഷം ആളുകളാണ് താജ്മഹല്‍ സന്ദര്‍ശിക്കാനെത്തിയത്.