ആദ്യത്തെ കൺമണിക്ക് വില കുറഞ്ഞു! സ്നാപ്ഡ്രാഗൺ 8 എ​ലൈറ്റ് ചിപ്പുള്ള റിയൽമി GT 7 പ്രോ വാങ്ങാം, ഈസിയായി

ഒരു പവർഫുൾ സ്മാർട്ട്ഫോൺ മാന്യമായ വിലയിൽ സ്വന്തമാക്കാൻ ആഗ്രഹിക്കുന്നവർക്ക് അ‌വസരങ്ങളുടെ വാതിൽ തുറന്നിട്ട് നൽകി റിയൽമി. നിലവിൽ ലഭ്യമായിട്ടുള്ള പ്രീമിയം സ്മാർട്ട്ഫോൺ ചിപ്സെറ്റായ സ്നാപ്ഡ്രാഗൺ 8 എ​ലൈറ്റ് ചിപ്സെറ്റ് ആദ്യമായി ഇന്ത്യയിൽ അവതരിപ്പിച്ചത് റിയൽമി ജിടി 7 പ്രോ ആയിരുന്നു. ഈ കരുത്തൻ ചിപ്സെറ്റുമായി ഇന്ത്യയിൽ എത്തിയ ഈ ആദ്യത്തെ കൺമണിയെ ഇ​പ്പോൾ ഈസിയായി ആരാധകർക്ക് വാങ്ങാൻ റിയൽമി അ‌വസരം ഒരുക്കിയിരിക്കുന്നു. അ‌തായത് ലോഞ്ച് വിലയെക്കാൾ 5000 രൂപ വിലക്കുറവിൽ ആണ് ഇപ്പോൾ ഈ സ്മാർട്ട്ഫോൺ ലിസ്റ്റ് ചെയ്തിരിക്കുന്നത്.

റിയൽമി ജിടി 7 പ്രോയുടെ 12GB + 256GB മോഡലിന് 59,999 രൂപയും 16GB + 512GB മോഡലിന് 65,999 രൂപയുമായിരുന്നു ഇന്ത്യയിലെ ലോഞ്ച് വില. എന്നാലിപ്പോൾ ആമസോണിൽ 5000 രൂപ വിലക്കുറവിന് ശേഷം 54,998 രൂപ വിലക്കുറവിലാണ് ഈ ഫോൺ ലിസ്റ്റ് ചെയ്തിരിക്കുന്നത്. ഇതാദ്യമായാണ് ഇത്രയും വിലക്കുറവ് ഡയറക്ടായി ഈ സ്മാർട്ട്ഫോണിന് ലഭിക്കുന്നത്.

മുൻപ് ചില ഓഫർ സെയിലുകളിൽ റിയൽമി ജിടി 7 പ്രോ 55000 രൂപയിൽ താഴെ വിലയിൽ ലഭ്യമായിരുന്നു. എന്നാൽ ഡയറക്ട് ഡിസ്കൗണ്ടിന് പുറമേ ബാങ്ക് ഡിസ്കൗണ്ടുകളുടെ കൂടി സഹായത്താലാണ് അ‌ന്ന് അ‌ത് 55000 രൂപയിൽ താഴെ വിലയിൽ എത്തിയത്. എന്നാലിപ്പോൾ ഒരു ബാങ്ക് കാർഡിന്റെയും സഹായം ഇല്ലാതെ തന്നെ ഈ ഫോൺ 54,998 രൂപയ്ക്ക് വാങ്ങാൻ കഴിയുന്നു.

റിയൽമി ജിടി 7 പ്രോയുടെ പ്രധാന ഫീച്ചറുകൾ: 6.78 ഇഞ്ച് സാംസങ് Eco² OLED പ്ലസ് മൈക്രോ-കർവ്ഡ് ഡിസ്പ്ലേ, 2780×1264 പിക്‌സൽ, 120Hz റിഫ്രഷ് റേറ്റ്, ഹൈ കളർ 6000Hz ഹാർഡ്‌വെയർ-ലെവൽ ഡിസി ഡിമ്മിംഗ്, 6500 nits വരെ പീക്ക് ​ബ്രൈറ്റ്നസ്, 2600Hz ഇൻസ്റ്റന്റ് ടച്ച് സാംപ്ലിംഗ് റേറ്റ്, ഡോൾബി വിഷൻ, HDR 10+, 120% DCI-P3 എംഎംഎച്ച് എന്നിവ ഇതിലുണ്ട്.

4.32GHz ഒക്ടാ കോർ സ്‌നാപ്ഡ്രാഗൺ 8 എലൈറ്റ് 3nm ചിപ്സെറ്റ് കരുത്തിന് പുറമേ, 1100MHz അഡ്രിനോ 830 GPU, 12GB/ 16GB LPDDR5X റാം, 256GB / 512GB (UFS 4.0) സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള റിയൽമി യുഐ 6.0 ൽ ആണ് ജിടി 7 പ്രോയുടെ പ്രവർത്തനം.

റിയൽമി ജിടി 7 പ്രോയിൽ ട്രിപ്പിൾ റിയർ ക്യാമറ സജ്ജീകരണം ആണ് നൽകിയിരിക്കുന്നത്. OIS, f/1.8 അപ്പേർച്ചർ 1/1.56 ഇഞ്ച് Sony IMX906 സെൻസർ എന്നിവയുള്ള 50MP മെയിൻ ക്യാമറ, f/2.2 അപ്പേർച്ചറുള്ള 8MP അൾട്രാ-വൈഡ് ക്യാമറ, 50MP 1/1.95″ IMX882 സെൻസർ, 3x പെരിസ്‌കോപ്പ്/ടെലിഫോട്ടോ6 ക്യാമറ. 120x ഹൈബ്രിഡ് സൂം എന്നിവ ഇതിൽ അ‌ടങ്ങുന്നു.

f/2.45 അപ്പേർച്ചറും സോണി സെൻസറുമുള്ള 16എംപി ഫ്രണ്ട് ക്യാമറയും ജിടി 7 പ്രോയിൽ ഉണ്ട്. ഇൻ-ഡിസ്‌പ്ലേ അൾട്രാസോണിക് ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, യുഎസ്ബി ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഹൈ-റെസ് ഓഡിയോ, ഡ്യുവൽ സിം (നാനോ + നാനോ), 5G SA/ NSA, ഡ്യുവൽ 4G VoLTE, ​വൈ​ഫൈ 7 802.11 be, ബ്ലൂടൂത്ത് 5.4, യുഎസ്ബി ​ടൈപ്പ് സി എന്നിവയാണ് മറ്റ് പ്രധാന ഫീച്ചറുകൾ.

IP68+IP69 റേറ്റിങ് സഹിതമാണ് ജിടി 7 പ്രോ എത്തിയിരിക്കുന്നത്. ജലം കൊണ്ട് തകരാർ സംഭവിക്കാതിരിക്കാൻ ഓട്ടോമാറ്റിക്കായി ജലം പുറന്തള്ളുന്ന ഫീച്ചറും ഇതിലുണ്ട്. 120W ഫാസ്റ്റ് ചാർജിംഗുള്ള 5800mAh ബാറ്ററിയാണ് റിയൽമി ജിടി 7 പ്രോയിൽ ഉള്ളത്. മാർസ് ഓറഞ്ച്, ഗാലക്‌സി ഗ്രേ നിറങ്ങളിൽ ഈ ഫോൺ ലഭ്യമാകും.