കഴിഞ്ഞ മാസം ഇറങ്ങിയ റെഡ്മി നോട്ട് 14 5ജി ഫോൺ ഇപ്പോൾ ഡിസ്കൗണ്ടിൽ വിൽക്കുന്നു

പുത്തൻ 5ജി ഫോൺ വാങ്ങാൻ ആഗ്രഹിക്കുന്നവർക്ക്, കഴിഞ്ഞ മാസം ഇന്ത്യയിൽ ലോഞ്ച് ചെയ്ത റെഡ്മി നോട്ട് 14 5ജി (Redmi Note 14 5G ) ഇപ്പോൾ ഡിസ്കൗണ്ടിൽ വാങ്ങാൻ അ‌വസരം. റെഡ്മിയുടെ നോട്ട് 14 സീരീസിൽ റെഡ്മി നോട്ട് 14 5ജി, റെഡ്മി നോട്ട് 14 പ്രോ, റെഡ്മി നോട്ട് 14 ​പ്രോ പ്ലസ് എന്നിങ്ങനെ മൂന്ന് കിടിലൻ 5ജി സ്മാർട്ട്ഫോണുകളാണ് ഉണ്ടായിരുന്നത്. ഇതിൽ ഏറ്റവും കുറഞ്ഞ വിലയിൽ വാങ്ങാനാകുന്ന മോഡൽ ആണ് റെഡ്മി നോട്ട് 14 5ജി.

ഇന്ത്യയിൽ റെഡ്മി നോട്ട് 14 5ജിയുടെ 6ജിബി + 128 ജിബി മോഡൽ 18,999 രൂപ വിലയിലും 8ജിബി + 128ജിബി മോഡൽ 19,999 രൂപ വിലയിലും 8ജിബി + 256ജിബി മോഡൽ 21,999 രൂപ വിലയിലുമാണ് ലോഞ്ച് ചെയ്തത്. ഇപ്പോഴും ഇതേ വിലയിൽ തന്നെയാണ് ഇവ ലിസ്റ്റ് ചെയ്തിരിക്കുന്നത്.

ആമസോൺ, mi.com, റീട്ടെയിൽ സ്റ്റോറുകൾ എന്നിവ വഴിയാണ് റെഡ്മി നോട്ട് 14 5ജി വിൽപ്പനയ്ക്ക് എത്തിയത്. യഥാർഥ വിലയിൽ തന്നെയാണ് ഈ ഫോൺ ലിസ്റ്റ് ചെയ്തിരിക്കുന്നത്, എങ്കിലും 1000 രൂപ ബാങ്ക് ഡിസ്കൗണ്ട് ലഭ്യമാണ്. അ‌തിനാൽ ആമസോണിലും ഷവോമിയുടെ ഔദ്യോഗിക സ്റ്റോറിലും 17999 രൂപ വിലയിൽ ഇത് വാങ്ങാനാകും.

റെഡ്മി നോട്ട് 14 5ജിയുടെ പ്രധാന ഫീച്ചറുകൾ: 120Hz വരെ റിഫ്രഷ് റേറ്റ് ഉള്ള 6.67-ഇഞ്ച് FHD+ (1080×2400 പിക്സലുകൾ) സൂപ്പർ AMOLED ഡിസ്പ്ലേ, 2100 nits വരെ പീക്ക് ​ബ്രൈറ്റ്നസ്, 1920Hz ഹൈ-ഫ്രീക്വൻസി PWM ഡിമ്മിംഗ്, 10-ബിറ്റ് കളർ ഡെപ്ത്, കോർണിംഗ് ഗൊറില്ല ഗ്ലാസ് പ്രൊട്ടക്ഷൻ എന്നിവ ഇതിലുണ്ട്.

ഒക്ട കോർ മീഡിയടെക് ഡൈമെൻസിറ്റി 7025 അൾട്രാ 6nm പ്രൊസസർ ആണ് ഈ ഫോണിന്റെ കരുത്ത് (ആഗോളതലത്തിൽ ഈ ചിപ്സെറ്റ് അ‌വതരിപ്പിക്കുന്ന ആദ്യ സ്മാർട്ട്ഫോണാണ് ഇത്). IMG BXM-8-256 ജിപിയു, 6GB / 8GB LPDDR4X റാം, 8GB വരെ വെർച്വൽ റാം, 128GB / 256GB UFS 2.2 ഇൻ്റേണൽ സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് വർധിപ്പിക്കാനുള്ള സൗകര്യം എന്നിവ ഇതിലുണ്ട്.

ട്രിപ്പിൾ റിയർ ക്യാമറ സജ്ജീകരണമാണ് റെഡ്മി നോട്ട് 14 5ജിയിൽ നൽകിയിരിക്കുന്നത്. 1/1.95 ഇഞ്ച് സോണി LYT-600 സെൻസറോട് കൂടിയ 50MP മെയിൻ ക്യാമറ, f/2.2 അപ്പേർച്ചറുള്ള 8MP അൾട്രാ വൈഡ് ക്യാമറ, f/2.4 അപ്പേർച്ചറുള്ള 2MP മാക്രോ ക്യാമറ, LED ഫ്ലാഷ് എന്നിവ ഇതിൽ അ‌ടങ്ങുന്നു. സെൽഫിക്കും മറ്റുമായി 20എംപി ഫ്രണ്ട് ക്യാമറയും നൽകിയിട്ടുണ്ട്.

ആൻഡ്രോയിഡ് 14 അ‌ടിസ്ഥാനമാക്കിയുള്ള ഷവോമി ​ഹൈപ്പർ ഒഎസിൽ ആണ് പ്രവർത്തനം. 2 ആൻഡ്രോയിഡ് ഒഎസ് അപ്‌ഡേറ്റുകളും 4 വർഷത്തെ സുരക്ഷാ അപ്‌ഡേറ്റുകളും ഇതിന് ലഭിക്കും. ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, ഇൻഫ്രാറെഡ് സെൻസർ, 3.5എംഎം ഓഡിയോ ജാക്ക്, സ്റ്റീരിയോ സ്പീക്കറുകൾ എന്നീ ഫീച്ചറുകളും റെഡ്മി നോട്ട് 14 5ജിയിലുണ്ട്.

IP64 റേറ്റിങ്, 5G SA/NSA, ഡ്യുവൽ 4G VoLTE, USB ടൈപ്പ്-C, 45W ഫാസ്റ്റ് ചാർജിംഗുള്ള 5110mAh ബാറ്ററി എന്നിവയാണ് റെഡ്മി നോട്ട് 14 5ജിയുടെ മറ്റ് പ്രധാന ഫീച്ചറുകൾ. ടൈറ്റൻ ബ്ലാക്ക്, മിസ്റ്റിക് വൈറ്റ്, ഫാൻ്റം പർപ്പിൾ നിറങ്ങളിൽ എന്നീ നിറങ്ങളിൽ ഈ ഫോൺ ലഭ്യമാകും.