ഡിസംബറിൽ 85 ലക്ഷം ഉപയോക്താക്കളുമായി റിലയന്‍സ് ജിയോ മുന്നിൽ

വാർത്താവിനിമയ നെറ്വർക്കുകൾ

ഡിസംബറില്‍ 85.6 ലക്ഷം ഉപയോക്താക്കളെയാണ് റിലയന്‍സ് ജിയോയ്ക്ക് ലഭിച്ചത്, ഇതോടെ ജിയോ ഉപയോക്താക്കളുടെ എണ്ണം 28.01 കോടിയിലെത്തി നിൽക്കുന്ന അവസ്ഥയാണ് ഇപ്പോൾ കാണുവാനായി സാധിക്കുന്നത്. ആകെ ജി.എസ്.എം, സി.ഡി.എം.എ എല്‍.ടി.ഇ ഉപയോക്താക്കളുടെ എണ്ണം 2018 നവംബറിലുണ്ടായിരുന്ന 117.17 കോടിയില്‍ നിന്നും 2018 ഡിസംബറില്‍ 117.6 കോടിയിലേക്ക് ഉയര്‍ന്നുവെന്നാണ് റിപ്പോർട്ടുകൾ പറയുന്നത്.

ടെലികോം റെഗുലേറ്ററി അതോറിറ്റി ഓഫ് ഇന്ത്യ

വോഡഫോണ്‍ ഐഡിയ്ക്ക് 23.32 ലക്ഷം ഉപയോക്താക്കളുടെ കുറവാണ് കാണിക്കുന്നത്. രാജ്യത്തെ ഏറ്റവും വലിയ ടെലികോം സേവനദാതാക്കളായ വോഡഫോണ്‍ ഐഡിയയ്ക്ക് ആകെ 41.87 കോടി ഉപയോക്താക്കളാണുള്ളത്. എയര്‍ടെലിന്റെ ആകെ ഉപയോക്താക്കളുടെ എണ്ണം 34.03 കോടിയാണ്. 15.01 ലക്ഷം ഉപയോക്താക്കളെയാണ് ഡിസംബറില്‍ എയര്‍ടെലിന് മാത്രമായി നഷ്ടമായത്.

ടെലികോമുകൾ

വയര്‍ലെസ് സബ്‌സ്‌ക്രിപ്ഷനുകളുടെ കാര്യത്തില്‍ വടക്കുകിഴക്കന്‍ സംസ്ഥാനങ്ങളിലൊഴികെ ഗുണകരമായ വളര്‍ച്ചയാണുണ്ടായതെന്നും ട്രായിയുടെ കണക്കുകള്‍ വ്യക്തമാക്കുന്നു. ജിയോയുടെ കാര്യത്തിൽ ഇത് വളരെ ഗുണകരമായ ഒരു അവസ്ഥയാണ് കാണിക്കുന്നത്.

ഉപയോക്താക്കളുമായി റിലയന്‍സ് ജിയോ മുന്നിൽ

ടെലികോം രംഗത്ത് വളരെ ചുരുങ്ങിയ കാലം കൊണ്ടാണ് ജിയോ കോടിക്കണക്കിന് ഉപയോക്താക്കളെ നേടിയെടുത്തത്. കൂടാതെ വ്യത്യസ്തമായ ഓഫറുകൾ കാഴ്ച്ച വയ്ക്കുന്നതും ജിയോ ഉപയോക്താക്കളുടെ എണ്ണം കൂട്ടുവാൻ കാരണമായി.