റിലയന്‍സ് ജിയോ ദീപാവലി ഓഫര്‍: ഈ റീച്ചാര്‍ജ്ജുകള്‍ക്ക് 100% ക്യാഷ്ബാക്ക് ഓഫര്‍..!

ടെലികോം ഓപ്പറേറ്റര്‍മാര്‍

ടെലികോം ഓപ്പറേറ്റര്‍മാര്‍ പുതിയ ഉത്സവ ആനുകൂല്യങ്ങളുമായി മുന്നോട്ടു വന്നിരിക്കുകയാണ്. അടുത്തിടെ റിലയന്‍സ് ജിയോ 1,699 രൂപയുടെ പ്രത്യേക താരിഫ് പ്ലാന്‍ അവതരിപ്പിച്ചു. 547.5ജിബി 4ജി ഡേറ്റയാണ് ഈ പ്ലാനില്‍ വാഗ്ദാനം ചെയ്തിരിക്കുന്നത്. 365 ദിവസം കാലാവധിയുളള ദീര്‍ഘകാല പദ്ധതിയാണ് ഇത്. പ്രതിദിനം 1.5ജിബി ഡേറ്റ, പ്രതിദിനം 100 എസ്എംഎസ്, അണ്‍ലിമിറ്റഡ് വോയിസ് കോള്‍ എന്നിവയും ഈ കാലാവധിയില്‍ നല്‍കുന്നു.

റിലയന്‍സ് ജിയോ

ഇതു കൂടാതെ 100% ക്യാഷ്ബാക്ക് ഓഫര്‍ എന്ന പദ്ധതിയും റിലയന്‍സ് ജിയോ പ്രഖ്യാപിച്ചിട്ടുണ്ട്. 149 രൂപ മുതല്‍ ആരംഭിക്കുന്ന പ്രീപെയ്ഡ് പദ്ധതിക്കാണ് ഈ ക്യാഷ്ബാക്ക് ഓഫര്‍ നല്‍കിയിരിക്കുന്നത്. വാലിഡിറ്റി കഴിയുന്നതു വരെ വൗച്ചറുകളുടെ രൂപത്തില്‍ ഈ ക്യാഷ്ബാക്ക് നിങ്ങള്‍ക്ക് ലഭിക്കുന്നു.

റിലയന്‍സ് ജിയോ ദീപാവലി ഓഫര്‍

റിലയന്‍സ് ജിയോ ദീപാവലി എന്ന പേരില്‍ 100% ക്യാഷ്ബാക്ക് ഓഫറാണ് കമ്പനി നല്‍കുന്നത്. താഴെ കൊടുക്കുന്ന പ്ലാനുകളില്‍ വ്വൗച്ചറുകളുടെ രൂപത്തിലാണ് 100% ക്യാഷ്ബാക്ക് ഓഫര്‍ ജിയോ നല്‍കുന്നത്. ഈ വ്വൗച്ചറുകള്‍ മൈജിയോ ആപ്പ് അല്ലെങ്കില്‍ റിലയന്‍സ് ഡിജിറ്റല്‍ സ്റ്റോറുകള്‍ എന്നിവയില്‍ ഉപയോഗിക്കാം.

MyCoupons

ഈ കൂപ്പണുകള്‍ ആപ്ലിക്കേഷനിലെ MyCoupons എന്ന വിഭാഗത്തിലാണ് ലിസ്റ്റ് ചെയ്തിരിക്കുന്നത്. 5000 രൂപ വരെയെങ്കിലും കുറഞ്ഞത് ഇതില്‍ നിന്നും വാങ്ങിയിരിക്കണം. ചില ഇനങ്ങള്‍ നിങ്ങള്‍ക്ക് ഈ വ്വൗച്ചറുകള്‍ ഉപയോഗിച്ച് വീണ്ടെടുക്കാന്‍ കഴിയില്ല. അതായത് ബുക്ക്‌മൈഷോ, ഗൂഗിള്‍ പ്ലേ, ക്ലിയര്‍ട്രിപ്പ് ആന്റ് ഗൂഗിള്‍ എന്നിവയാണ്. കൂടാതെ വെസ്റ്റേണ്‍ ഡിജിറ്റലില്‍ നിന്നുളള ഹാര്‍ഡ് ഡിസ്‌ക്, സീഗേറ്റ് ആന്റ് സോണി, സാംസങ്ങ്/ലോനോവോ/ ഷവോമി ടാബ്ലറ്റുകള്‍ എന്നിവയും ഈ വ്വൗച്ചറുകള്‍ ഉപയോഗിച്ച് വാങ്ങാന്‍ കഴിയില്ല.

വാലിഡിറ്റി.

നവംബര്‍ 30 വരെയാണ് ക്യാഷ്ബാക്കിന്റെ വാലിഡിറ്റി. എന്നാല്‍ കൂപ്പണുകള്‍ 2018 ഡിസംബര്‍ 31 വരെ റീഡം ചെയ്യാവുന്നതാണ്. റിലയന്‍സ് ജിയോയുടെ ഈ ക്യാഷ്ബാക്ക് ഓഫര്‍ നിലവിലുളള വരിക്കാര്‍ക്കും പുതിയ വരിക്കാര്‍ക്കും ഒരു പോലെ ലഭ്യമാണ്.