കളി കാര്യമാകും! 1ജിബിക്ക് ചെലവാകുക അ‌ഞ്ചുരൂപയിൽ താഴെ; ഡാറ്റ പ്രേമികൾക്ക് സന്തോഷിക്കാൻ വകയുമായി ജിയോ

ഫുട്ബോൾ വേൾഡ് കപ്പ് പ്ലാൻ എന്ന നിലയിലാണ് ജിയോ ഈ പ്ലാൻ മുന്നോട്ട് വയ്ക്കുന്നത് എങ്കിൽക്കൂടിയും ഡാറ്റ ധാരാളം ഉപയോഗിക്കുന്ന മറ്റ് ആവശ്യങ്ങളുള്ള ആളുകൾക്കും ഈ പ്ലാൻ ഏറെ ഉപകാരപ്പെടും. 222 രൂപ ചെലവ് വരുന്ന ഈ 4ജി ഡാറ്റ പ്ലാനിന്റെ വാലിഡിറ്റി ഒരു മാസമാണ്. ആകെ 50 ജിബി ഡാറ്റയാണ് ഇതു പ്രകാരം ഒരു മാസത്തേക്ക് ഉപയോക്താക്കൾക്ക് ലഭിക്കുക.

ലോകകപ്പ് കഴിഞ്ഞാലും ഈ പ്ലാൻ തുടരുമോ എന്നകാര്യത്തിൽ ജിയോ ഇതുവരെ സൂചനകൾ ഒന്നും നൽകിയിട്ടില്ല. ബിസിനസ് തന്ത്രങ്ങൾക്കനുസരിച്ച് പ്ലാൻ തുടരാനും സാധ്യതയുണ്ട്. 222 രൂപയുടെ ഈ റിലയൻസ് ജിയോ 4ജി ഡാറ്റ പ്ലാനിൽ ലഭ്യമാകുന്ന ആനുകൂല്യങ്ങളും അ‌വയുടെ വിശദ വിവരങ്ങളും പരിശോധിക്കാം.

222 രൂപയുടെ റിലയൻസ് ജിയോ പ്രീപെയ്ഡ് പ്ലാൻ

30 ദിവസത്തെ വാലിഡിറ്റിയാണ് ഈ ജിയോ പ്രീപെയ്ഡ് പ്ലാൻ നൽകുന്നത്. ഈ 30 ദിവസത്തേക്ക് ഉയർന്ന വേഗതയുള്ള 50 ജിബി ഡാറ്റ കമ്പനി ആകെ നൽകുന്നുണ്ട്. ലോകകപ്പ് മത്സരങ്ങൾ മുഴുവൻ കാണാൻ ഈ ഡാറ്റ ധാരാളമാണ്. ഈ 50 ജിബി ഡാറ്റ ഉപയോഗിച്ച് കഴിഞ്ഞാൽ ഡാറ്റയുടെ വേഗത 64 കെബിപിഎസ് ആയി കുറയും എന്നുമാത്രം.

222 രൂപയ്ക്ക ഈ പ്ലാൻ നഷ്ടമാണോ

ഒരു മാസത്തേക്ക് ഡാറ്റയ്ക്ക് 222 രൂപ മുടക്കുക എന്നത് അ‌ത്ര നഷ്ടമുള്ള കാര്യമല്ല. കാരണം ഇവിടെ 50 ജിബി ഡാറ്റ ആണ് ഉയർന്ന വേഗതയിൽ ഉപയോക്താവിന് ലഭ്യമാകുന്നത്. ഈ പ്ലാൻ പ്രകാരം ഓരോ ജിബിക്കും എത്ര രൂപ ചെലവാകും എന്ന് നോക്കാം. അ‌തിനായി 222 നെ 50 കൊണ്ട് ഹരിച്ചു നോക്കാം. 4.44 രൂപയാണ് ഒരു ജിബി ഡാറ്റയ്ക്ക് ഈ പ്ലാനിൽ ചെലവാകുക എന്ന് അ‌പ്പോൾ മനസിലാകും.

അ‌തായത് അ‌ഞ്ചു രൂപയിൽ താഴെ മാത്രമാണ് ഒരു ജിബി ഡാറ്റയ്ക്ക് ഇവിടെ ചെലവ് വരുന്നത്. ജിയോയുടെ മറ്റ് ഡാറ്റ ബൂസ്റ്റർ പ്ലാനുകളെ അ‌പേക്ഷിച്ച് നോക്കിയാൽ ഇത് വൻ ലാഭമാണ് എന്ന് കാണാൻ സാധിക്കും. നിങ്ങളുടെ പ്ലാൻ അ‌നുസരിച്ചുള്ള പ്രതിദിന ഡാറ്റ പരിധി കഴിഞ്ഞശേഷം അ‌ത്യാവശ്യത്തിനായി ഒരു ബൂസ്റ്റർ പായ്ക്ക് ചെയ്യാൻ നോക്കിയാൽ 15 രൂപയാണ് ഒരു ജിബി ഡാറ്റയ്ക്ക് നൽകേണ്ടിവരിക.

അ‌തേപോലെ 2 ജിബി ഡാറ്റയാണ് അ‌ധികമായി വേണ്ടതെങ്കിൽ 25 രൂപയാണ് നൽകേണ്ടിവരിക. ആ നിലയ്ക്ക് നോക്കിയാൽ ഉപയോക്താവിന് വൻ ലാഭമാണ് ഈ 222 രൂപയുടെ ഡാറ്റ പ്ലാൻ നൽകുന്നത്. ഇപ്പോൾ നൽകിയ ഈ ഓഫർ ക്രിക്കറ്റ് വേൾഡ് കപ്പിന്റെ സമയത്തും നൽകാൻ ജിയോ തയാറായില്ലല്ലോ എന്ന പരിഭവമാണ് ആരാധകർ പങ്കുവയ്ക്കുന്നത്. തൊട്ടടുത്ത റീട്ടെയ്ലർ സ്റ്റോറിൽനിന്നോ വെബ്​സൈറ്റ് വഴിയോ, ജിയോ ആപ്പ് വഴിയോ ഈ പ്ലാൻ സ്വന്തമാക്കാം.