പുതിയ ആർട്ടിഫിഷ്യൽ ഇന്റലിജൻസ് ഇലക്ട്രിക് ബൈക്കിനെ പരിചയപ്പെടാം

ആർവി400

ഒറ്റ തവണ ചാർജിൽ 156 കിലോമീറ്റർ വരെ സഞ്ചരിക്കാനാകുന്ന ഈ ബൈക്കിന് 85 kmph ആണ് പരമാവധി വേഗത. ലിഥിയം അയേൺ ബാറ്ററി യൂണിറ്റാണ് ഈ ബൈക്കിന്‍റെ മർമ്മഭാഗം. സാധാരണ ഇലക്ട്രിക് പ്ലഗില്‍ നേരിട്ട് ബന്ധിപ്പിച്ചും ബൈക്കില്‍ നിന്നും ബാറ്ററി യൂണിറ്റ് ഊരിമാറ്റിയും ഉള്‍പ്പെടെ നാലു തരത്തിൽ ഈ ബാറ്ററി ചാര്‍ജ് ചെയ്യാനാകും. നാലു മണിക്കൂർ കൊണ്ട് പൂർണമായും ചാർജ് നിശ്ശേഷം നിറയ്ക്കാനാകും.

ആർട്ടിഫിഷ്യൽ ഇന്റലിജൻസ് ഇലക്ട്രിക് ബൈക്ക്

മുന്നില്‍ അപ്‌സൈഡ് ഡൗണ്‍ ഫോര്‍ക്കുകളും പിന്നില്‍ മോണോഷോക്ക് അബ്‌സോര്‍ബറുമാണ് സസ്‌പെന്‍ഷന്‍. പരന്ന ഹാന്‍ഡില്‍ബാർ കൂടാതെ എട്ടു സ്‌പോക്ക് അലോയ് വീലുകള്‍ മറ്റൊരു പ്രത്യകതയാണ്. അടിസ്ഥാന സൗകര്യമായി ആന്റി - ലോക്ക് ബ്രേക്കിങ് സംവിധാനവുമുണ്ട്. ഇലക്ട്രിക് മോട്ടോറിൻറെ എഞ്ചിന്‍ ശബ്ദം മാറ്റുവാൻ സാധിക്കും. ഇലക്ട്രോണിക് കണ്‍ട്രോള്‍ യൂണിറ്റ്, ബാറ്ററി മാനേജ്‌മെന്റ് സംവിധാനം തുടങ്ങിയ നിരവധി പ്രത്യേകതകളോടെയാണ് ഈ ബൈക്ക് നിരത്തിലിറങ്ങുന്നത്.

 

ഇലക്ട്രോണിക് കണ്‍ട്രോള്‍

ഡാറ്റ ശേഖരണത്തിലൂടെ ഓടിക്കുന്നയാളുടെ റൈഡിങ് സ്വഭാവം പഠിക്കാനും മനസിലാക്കാനും ഈ ബൈക്കിന് കഴിയുമെന്നും കമ്പനി പറയുന്നു. ആദ്യഘട്ടമായി അടുത്ത നാലു മാസങ്ങൾക്കുള്ളിൽ ചെന്നൈ, നാഗ്പൂര്‍, അഹമ്മദാബാദ്, ദില്ലി, പൂനെ, ബെംഗളൂരു, ഹൈദരാബാദ് ഉള്‍പ്പെട രാജ്യത്തെ ഏഴ് നഗരങ്ങളിൽ ഈ ബൈക്ക് വിൽപ്പനക്കെത്തും. ഇന്ത്യന്‍ വിപണിയില്‍ ഏകദേശം ഒന്നരലക്ഷം രൂപയാണ് റിവോള്‍ട്ട് RV400 -ന് പ്രതീക്ഷിക്കുന്ന വില.