സര്‍വ്വതും മാറ്റിമറിയ്ക്കാന്‍ ചില വിപ്ലവകരമായ കണ്ടുപിടിത്തങ്ങള്‍

ഫോം വണ്‍

3ഡി പ്രിന്റിംഗ് എന്നത് പുതിയ കാര്യമൊന്നുമല്ല. പക്ഷെ ഇന്ന് അത് വളരെ ചെലവേറിയതും, എല്ലാവര്‍ക്കും ഉപയോഗിയ്ക്കാനാകുന്നതുമായ സാങ്കേതികവിദ്യയല്ല എന്ന് മാത്രം. അവിടെയാണ് ഫോം വണ്‍ വ്യത്യസ്തമാകുന്നത്. ഇതൊരു സ്വകാര്യ 3ഡി പ്രിന്ററാണ്. നിങ്ങളുടെ 3ഡി ഡിസൈനുകളെ, കണ്ടു,തൊട്ടറിയാവുന്ന രൂപങ്ങളാക്കി മാറ്റാന്‍ ഈ പ്രിന്ററുകള്‍ക്കാകും. എല്ലാവര്‍ക്കും അവനവന്റെ ഡിസൈനുകള്‍ക്കനുസരിച്ചുള്ള സൃഷ്ടികള്‍ സ്വയം നടത്താമെന്നതാണ് ഈ പ്രിന്ററുകളുടെ മേന്മ. വില അല്പം കൂടുതലാണെങ്കിലും,അതിന്റെ ഉപയോഗം വിലയെ മറക്കാന്‍ പ്രേരിപ്പിയ്ക്കുന്നു.ഇനി വരുന്ന കാലത്ത് ഡിസൈനര്‍മാര്‍ക്ക് അവരവരുടെ ആശയങ്ങള്‍ക്ക് രൂപം നല്‍കാന്‍ അനായാസം കഴിയും.