ഇനി പലതും കണ്ടുപിടിക്കാൻ വട്ടം കറങ്ങും! സാംസങ് സർക്കിൾ ടു സെർച്ച് ഫീച്ചർ കൂടുതൽ ഡിവൈസുകളിൽ ലഭ്യമാക്കും

സാംസങ് ഇപ്പോൾ സർക്കിൾ ടു സെർച്ച് (Circle to Search) ഫീച്ചർ കൂടുതൽ ഉപകരണങ്ങളിലേക്ക് വിപുലീകരിച്ചു. സർക്കിൾ ടു സെർച്ച് അരങ്ങേറ്റം കുറിച്ചത് മുതൽ തന്നെ വളരെ ശ്രദ്ധ നേടിയ ഒരു ഫീച്ചർ ആണ്. ജനുവരിയിൽ ഗാലക്‌സി എസ് 24 (Galaxy S24) സീരീസിനൊപ്പം ആദ്യം സമാരംഭിച്ച ഈ ഫീച്ചർ ഇപ്പോൾ ഗാലക്‌സി എ (Galaxy A), ഗാലക്‌സി ടാബ് എസ് 9 എഫ്ഇ (Galaxy Tab S9 FE) സീരീസ് ഉപകരണങ്ങളിലേക്കും വ്യാപിപ്പിച്ചിരിക്കുന്നു. ഈ നൂതനമായ ടൂളിലേക്ക് കൂടുതൽ ഉപയോക്താക്കൾക്ക് ആക്സസ് നൽകാനാണ് ഈ വിപുലീകരണം ലക്ഷ്യമിടുന്നത്.

ഈ മാസം മുതൽ, സാംസങ് അതിൻ്റെ ഗാലക്‌സി എ സീരീസ് മോഡലുകളായ ഗാലക്‌സി എ55 (Galaxy A55), ഗാലക്‌സി എ54 (Galaxy A54), ഗാലക്‌സി എ35 (Galaxy A35), ഗാലക്‌സി എ34 (Galaxy A34) എന്നിവയ്‌ക്കായി സർക്കിൾ ടു സെർച്ച് ഫീച്ചർ പുറത്തിറക്കും. കൂടാതെ, ഗാലക്‌സി ടാബ് എസ് 9 എഫ്ഇ, ടാബ് എസ് 9 എഫ്ഇ+ (Tab S9 FE+) എന്നിവയ്ക്ക് ഈ ഫീച്ചർ ലഭിക്കും.

പുതുതായി ചേർത്ത മോഡലുകൾക്ക് പുറമെ, നേരത്തെ ഈ ഫീച്ചർ ഉണ്ടായിരുന്ന മോഡലുകൾ ഇവയൊക്കെ ആണ്- സാംസങ് ഗാലക്‌സി എസ്24 (Samsung Galaxy S24), എസ്23, എസ്22, എസ്21 സീരീസ്, സാംസങ് ഗാലക്‌സി ഇസഡ് ഫോൾഡ് 5 (Samsung Galaxy Z Fold 5), ഇസഡ് ഫോൾഡ്4, ഇസഡ്
ഫോൾഡ്3, സാംസങ് ഗാലക്‌സി ഇസഡ് ഫ്ലിപ്പ്5 (Samsung Galaxy Z Flip 5), ഇസഡ് ഫ്ലിപ്പ്4, ഇസഡ് ഫ്ലിപ്പ്3.

കൂടാതെ സാംസങ് ഗാലക്‌സി ടാബ് എസ് 9 (Samsung Galaxy Tab S9) സീരീസ്, ഗൂഗിൾ പിക്സൽ 8 (Google Pixel 8), പിക്സൽ 7 (Pixel 7), പിക്സൽ 6 (Pixel 6) സീരീസ്, 6എ, 7എ ഗൂഗിൾ പിക്സൽ ഫോൾഡും പിക്സൽ ടാബ്‌ലെറ്റും.

സെർച്ച് ഫീച്ചറിലേക്കുള്ള =സർക്കിൾ ടു സെർച്ച് ഫീച്ചർ, സർക്കിളിംഗ്, ഹൈലൈറ്റ് ചെയ്യൽ, സ്‌ക്രൈബ്‌ലിംഗ് അല്ലെങ്കിൽ സെർച്ചുകൾ ട്രിഗർ ചെയ്യുന്നതിന് ടാപ്പിംഗ് എന്നിവ ഉൾപ്പെടെ വിവിധ ജെസ്റ്റർ ഓപ്ഷനുകൾ നൽകുന്നു. വീഡിയോ കാണൽ, ഫോട്ടോകൾ ബ്രൗസ് ചെയ്യൽ, സുഹൃത്തുക്കൾക്ക് സന്ദേശമയയ്‌ക്കൽ എന്നിവ പോലുള്ള അവരുടെ തുടർച്ചയായ പ്രവർത്തനങ്ങളെ തടസ്സപ്പെടുത്താതെ ഗൂഗിൾ സെർച്ചുമായി ഇടപഴകുന്നതിന് ഉപയോക്താക്കൾക്ക് കൂടുതൽ എളുപ്പവും സൗകര്യപ്രദവുമായ മാർഗം വാഗ്ദാനം ചെയ്യുക എന്നതാണ് പ്രാഥമിക ലക്ഷ്യം.

സർക്കിൾ ടു സെർച്ച് ടൂളിന് സമാനമായ ഡ്രാഗ് ടു സെർച്ച് എന്ന ഫീച്ചറും ഗൂഗിൾ ക്രോമിനും ലഭിക്കുന്നുണ്ടെന്ന് കഴിഞ്ഞ മാസം ഒരു റിപ്പോർട്ട് നിർദ്ദേശിച്ചു. വിൻഡോസ് (Windows), മാക്ക്ഒഎസ് (macOS) ഉപയോക്താക്കൾക്കായി ക്രോംഒഎസ് 127 (ChromeOS 127), ക്രോംഒഎസ് 128 (Chrome 128) ബീറ്റ പതിപ്പുകളിൽ ഈ ഫീച്ചർ ഇപ്പോൾ ആക്‌സസ് ചെയ്യാവുന്നതാണ്.

ഈ ഫീച്ചർ വഴി സെർച്ച് ചെയ്യുവാനായി ഉപയോക്താക്കൾക്ക് സ്‌ക്രീനിലെ ഏത് ഒബ്ജെക്ടിലും സർക്കിൾ ചെയ്യാൻ കഴിയും. ക്രോമിൻ്റെ ഓവർഫ്ലോ മെനുവിൽ നിന്ന് Search with Google Lens ഓപ്‌ഷൻ സെലക്ട് ചെയ്ത് ഡ്രാഗ് ടു സെർച്ച് ഫീച്ചർ ആക്സസ് ചെയ്യാൻ സാധിക്കും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.