ജിയോയുടെ 198, 299 എന്നി റീചാർജുകളിൽ ഉപയോക്താക്കൾക്ക് ഇരട്ടി ഡാറ്റ ലഭിക്കും

ജിയോ സാംസങ് ഗാലക്‌സി എം സീരീസ് ഓഫര്‍

ഫോണുകളുടെ അടുത്ത വില്‍പന തുടങ്ങുന്നത് ഫെബ്രുവരി ഏഴിനാണ്. അതിനോടനുബന്ധിച്ച് 'ജിയോ സാംസങ് ഗാവക്‌സി എം സീരീസ് ഓഫര്‍' എന്ന പുതിയ ഓഫർ പ്രഖ്യാപിച്ചിരിക്കുകയാണ് ടെലികോം ഓപ്പറേറ്ററായ റിലയന്‍സ് ജിയോ. ഉപയോക്താക്കൾക്ക് ഈ അവസരം പരമാവധി പ്രയോജനപ്പെടുത്താവുന്നതാണ്. ജിയോ ഉപയോക്താക്കൾ ഈ സ്മാർട്ഫോൺ വാങ്ങുമ്പോൾ ഇരട്ട ആനുകൂല്യങ്ങളാണ് കാത്തിരിക്കുന്നത്. ജിയോ ഉപയോക്താക്കൾക്ക് 3,110 രൂപയാണ് പുതിയ ഗാലക്‌സി എം20 വാങ്ങുമ്പോൾ ലഭിക്കുന്നത്. സാംസങ്.കോം, ആമസോൺ തുടങ്ങിയവയിൽ ഈ ഫോണുകൾ ലഭ്യമാണ്.

സാംസങ് ഗാലക്‌സി എം10

ഈ ഓഫറിന് കീഴില്‍ 198 രൂപയുടേയും 299 രൂപയുടേയും റീച്ചാര്‍ജുകളില്‍ ഇരട്ടി ഡേറ്റയാണ് ജിയോ ഉപയോക്താക്കള്‍ക്ക് നല്‍കുക. ഫെബ്രുവരി അഞ്ച് മുതല്‍ ആണ് ഓഫര്‍ ലഭ്യമാവുക. നേരത്തെ മറ്റ് സ്മാര്‍ട്‌ഫോണ്‍ കമ്പനികളുമായി സഹകരിച്ചും ഇങ്ങനെയുള്ള ഓഫറുകള്‍ ജിയോ പ്രഖ്യാപിച്ചിട്ടുണ്ട്. അതുകൊണ്ടുതന്നെ സാംസങും ജിയോയും കൈകോര്‍ക്കുന്നതില്‍ അത്ഭുതമില്ല. സാംസങ് ഗാലക്‌സി എം സീരീസ് ഫോണുകളിലാണ് ഇരട്ടി ഡേറ്റാ ഓഫറുകള്‍ ലഭിക്കുക.

സാംസങ് ഗാലക്‌സി എം20

198 രൂപയുടെ പ്ലാനില്‍ നിലവില്‍ രണ്ട് ജി.ബി ഡേറ്റയും 299 രൂപയുടെ റീച്ചാര്‍ജില്‍ മൂന്ന് ജി.ബി ഡേറ്റയുമാണ് ദിവസേന ലഭിക്കുന്നത്. എന്നാല്‍ പുതിയ പ്ലാന്‍ എന്നാല്‍ പുതിയ പ്ലാന്‍ അനുസരിച്ച് 198 രൂപയുടെ പ്ലാനില്‍ ദിവസേന നാല് ജി.ബി ഡേറ്റയും 299 രൂപയുടെ പ്ലാനില്‍ ആറ് ജിബി ഡേറ്റയും ദിവസേന ലഭിക്കും.

റിലൈൻസ് ജിയോ

മൈജിയോ അക്കൗണ്ടില്‍ വൗച്ചറുകള്‍ ആയാണ് അധിക ഡേറ്റ ലഭിക്കുക. ഇത് മൂന്ന് മാസത്തിനകം ഉപയോഗിച്ചിരിക്കണം. അല്ലാത്തപക്ഷം വൗച്ചര്‍ അസാധുവാകും. അതുകൊണ്ട് ഈ ഈ ഡേറ്റ ഉപയോഗിക്കണമെങ്കില്‍ നിങ്ങള്‍ തന്നെ ഡേറ്റ ആക്റ്റിവേറ്റ് ചെയ്യണം. നിങ്ങളുടെ യഥാര്‍ത്ഥ പ്ലാന്‍ വാലിഡിറ്റി എത്രയാണോ അത്ര തന്നെയാവും ഓഫര്‍ ഓഫര്‍ ഡേറ്റയുടെയും വാലിഡിറ്റി. സാംസങ് എം സീരീസ് ഉപയോക്താക്കളുടെ ആദ്യത്തെ പത്ത് റീച്ചാര്‍ജുകള്‍ക്കൊപ്പം മാത്രമാണ് ഇങ്ങനെ ഇരട്ടി ഡേറ്റ ലഭിക്കുക.