സാംസങ് പേ-യുമായി ഗ്യാലക്‌സി നോട്ട് 5 ആഗസ്റ്റില്‍...!

സാംസങ് ഗ്യാലക്‌സി നോട്ട് 5, എഡ്ജ് പ്ലസ് എന്നീ ഫോണുകള്‍ ആഗസ്റ്റ് 12-ന് എത്തുമെന്ന് റിപ്പോര്‍ട്ടുകള്‍. ആപ്പിളിന്റെ ഡിജിറ്റല്‍ വാലറ്റിനെ എതിരിടാന്‍ സാംസങ് പേ സവിശേഷത ഉള്‍ക്കൊളളുന്ന ആദ്യ ഫോണായിരിക്കും ഇത്.

5.7ഇഞ്ചിന്റെ 4കെ സൂപര്‍ എഎംഒഎല്‍ഇഡി ഡിസ്‌പ്ലേ, എക്‌സിനോസ് 7422 പ്രൊസസ്സര്‍ എന്നിവയായിരിക്കും ഫോണിന് നല്‍കുക എന്നാണ് പ്രതീക്ഷിക്കപ്പെടുന്നത്.

ഗ്യാലക്‌സി എസ്6-ന്റെ മെറ്റല്‍ ഗ്ലാസ് രൂപകല്‍പ്പന പ്രതീക്ഷിക്കപ്പെടുന്ന ഫോണില്‍ എസ്ഡി കാര്‍ഡ് ഉണ്ടാകില്ലെന്നും വിലയിരുത്തപ്പെടുന്നു. കൂടാതെ 4100 എംഎഎച്ചിന്റെ ബാറ്ററിയും ഫോണിനുണ്ടാകും.

ഗ്യാലക്‌സി എഡ്ജ് പ്ലസ് മുന്‍പ് ഇറങ്ങിയ ഗ്യാലക്‌സി എഡ്ജിന്റെ പരിഷ്‌ക്കരിച്ച പതിപ്പായിരിക്കുമെന്നും വിലയിരുത്തപ്പെടുന്നു.