സാംസംഗിന്റെ ഏറ്റവും പുതിയ ഗാലക്‌സി എസ്3 സ്മാര്‍ട്‌ഫോണ്‍ 42,500 രൂപയ്ക്കാകും ഇന്ത്യയില്‍ വില്പനക്കെത്തുകയെന്ന് റിപ്പോര്‍ട്ട്. എന്നാല്‍ 16ജിബി, 32 ജിബി, 64 ജിബി കപ്പാസിറ്റികളിലെത്തുന്ന എസ്3 മോഡലുകളില്‍ ഏതിനാണ് ഈ വിലയെന്ന് വ്യക്തമല്ല. ഫോണിന്റെ വിലനിര്‍ണ്ണയവുമായി അടുത്തു ബന്ധമുള്ള ചിലരില്‍ നി്ന്നാണ് ഈ റിപ്പോര്‍ട്ട് ചോര്‍ന്നത്. എന്നാല്‍ ഇതേക്കുറിച്ച് എന്തെങ്കിലും പ്രതികരിക്കാന്‍ സാംസംഗ് ഇന്ത്യ വിസമ്മതിച്ചു.

മെയ് 3ന് പുറത്തിറങ്ങിയ എസ്3 സ്മാര്‍ട്‌ഫോണിന്റെ ആദ്യ വില്പന ഈ മാസം 29ന് യൂറോപ്യന്‍ വിപണിയില്‍ നടക്കും. ഏറെ വൈകാതെ ജൂണ്‍ മാസത്തില്‍ ഇത് ഇന്ത്യയിലെത്തുമെന്ന കാര്യവും അവതരണ വേളയില്‍ സാംസംഗ് സൂചിപ്പിച്ചിരുന്നു. ഒരു പക്ഷെ ഈ സ്മാര്‍ട്‌ഫോണിന്റെ ഇന്ത്യ അവതരണത്തിന് ജൂണ്‍ 10 ആകും കമ്പനി തെരഞ്ഞെടുക്കുകയെന്നും വില പുറത്തുവിട്ടവര്‍ സൂചന നല്‍കുന്നുണ്ട്.

4.8 ഇഞ്ച് എച്ച്ഡി സൂപ്പര്‍ അമോലെഡ് ഡിസ്‌പ്ലെയുള്ള ഈ ഫോണാണ് ഐഫോണിന് എതിരായി സാംസംഗ് ഏറ്റവും അവസാനം അവതരിപ്പിച്ചത്. 8 മെഗാപിക്‌സല്‍ റെയര്‍ ക്യാമറയെ കൂടാതെ വീഡിയോകോളിംഗിനും മറ്റും സഹായകമായ 1.9 മെഗാപിക്‌സല്‍ ഫ്രന്റ് ക്യാമറയും ഇതിലുണ്ട്. സാംസംഗ് ക്വാഡ് കോര്‍ എക്‌സിനോസ് മൈക്രോപ്രോസസര്‍, ആന്‍ഡ്രോയിഡ് 4.0 ഐസ്‌ക്രീം സാന്‍ഡ്‌വിച്ച് തുടങ്ങി വിവിധ സവിശേഷതകള്‍ അടങ്ങുന്നതാണ് ഗാലക്‌സി എസ്3.

Read more about:

• smartphone
• samsung
• സാംസംഗ്
• സ്മാര്‍ട്‌ഫോണ്‍
• galaxy smartphone
• ഗാലക്‌സി സ്മാര്‍ട്‌ഫോണ്‍
• ആന്‍ഡ്രോയിഡ് ഐസിഎസ്
• android ics
• galaxy s3
• ഗാലക്‌സി എസ്3