സാംസങ് ഗാലക്സി എസ് 7 പൊട്ടിത്തെറിച്ചു; സ്മാർട്ട്ഫോൺ ഉപയോഗം ഉപേക്ഷിക്കുമെന്ന് ഉപയോക്താവ്

2016 ഡിസംബർ 28 ന് വാങ്ങിയ സ്മാർട്ട്‌ഫോൺ 2019 ഡിസംബർ അവസാനത്തോടെ രാത്രി 8 മണിയോടെ ചൂടാകുകയായിരുന്നു, അതിനാൽ യുവതി വീട്ടിൽ നിന്ന് ഇറങ്ങി ഈ ഫോൺ മുൻവശത്തു വച്ചു. ഫോൺ ഉപയോഗിച്ച് വീട്ടിൽ നിന്നും പുറത്തിറങ്ങി 15 സെക്കൻഡിനു ശേഷം പൊട്ടിത്തെറിക്കുകയായിരുന്നുവെന്ന് സീമ അഗർവാൾ പറഞ്ഞു. തുടർന്ന് യു.എസിലുള്ള മകളെ വിവരമറിയിക്കുകയും ബെംഗളൂരുവിലുള്ള അവരുടെ സുഹൃത്തുക്കളുടെ സഹായം തേടുകയുമായിരുന്നു. മൂന്നു വർഷം മുമ്പ് വാങ്ങിയ ഫോണാണ് പൊട്ടിത്തെറിച്ചത്.

സ്മാർട്ഫോൺ വാങ്ങിയതുമുതൽ യഥാർത്ഥ സാംസങ് ചാർജറും യുഎസ്ബി കേബിളും മാത്രമാണ് ഉപയോഗിക്കുന്നതെന്ന് ഉടമ അവകാശപ്പെടുന്നു. വീടിനു സമീപത്തുള്ള സാംസങ് സർവ്വീസ് സെന്ററിനെ സമീപിച്ച് കാര്യം പറഞ്ഞെങ്കിലും അവർ കൈയ്യൊഴിയുകയായിരുന്നുവെന്നും കമ്പനി അധികൃതരുമായി ബന്ധപ്പെടാൻ അവനുവദിച്ചില്ലെന്നും സീമ അഗർവാൾ കൂട്ടിച്ചേർത്തു. പിന്നീട് കമ്പനി അധികൃതർക്ക് പരാതി നൽകി. പരിശോധനയ്ക്കു ശേഷം പൊട്ടിത്തെറിച്ചത് ഫോണിന്റെ തകരാറുകൊണ്ടല്ലെന്നും മറ്റെന്തെങ്കിലും വസ്തുവിൽ നിന്നേറ്റ അമിത ചൂടാവാം പൊട്ടിത്തെറിയിലേക്ക് നയിച്ചതെന്നുമാണെന്നാണ് കമ്പനി അറിയിച്ചത്.

കമ്പനി പൂർണ്ണമായി കൈയ്യൊഴിഞ്ഞ സ്ഥിതിയ്ക്ക് ഉപഭോക്തൃഫോറത്തിൽ പരാതി നൽകാനാണ് തീരുമാനമെന്നും സീമ അഗർവാൾ പറഞ്ഞു. വാങ്ങിയതു മുതൽ ഫോണിന്റെ ഒറിജിനൽ ചാർജ്ജർ തന്നെയാണ് ഉപയോഗിക്കുന്നത്. ഇതുവരെ കേടാവാത്തതിനാൽ സർവ്വീസ് സെന്ററിൽ കൊടുത്തിട്ടുമില്ല. തന്റെ കുടുംബത്തിൽ ഭൂരിഭാഗം പേരും സാംസങ് ഫോണാണ് ഉപയോഗിക്കുന്നതെന്നും ജീവനു തന്നെ ഭീഷണിയാവുന്ന തരത്തിൽ ഫോൺ പൊട്ടിത്തെറിക്കാൻ തുടങ്ങിയാൽ എങ്ങനെ വിശ്വസിച്ച് ഉപയോഗിക്കുമെന്നും സീമാ അ​ഗർവാൾ ചോദിക്കുന്നു. ബാറ്ററികൾ അമിതമായി ചൂടാകുന്നതിനാൽ തീപിടിത്തമുണ്ടാകാൻ സാധ്യതയുള്ളതിനാൽ സാംസങ് മുമ്പ് ഗാലക്സി നോട്ട് 7 ലൈനപ്പ് മുഴുവൻ നിർത്തി. എന്നിരുന്നാലും, ഗാലക്സി എസ് 7 സീരീസിനായി സമാനമായ ഒരു പ്രശ്നവും ഇതുവരെ സ്ഥിരീകരിച്ചിട്ടില്ല.