TRENDING ON ONEINDIA
-
അധികാരത്തിലേറിയാൽ മോഹൻലാലിനെ രാജ്യസഭയിലെത്തിക്കാൻ ബിജെപി, തലസ്ഥാനത്ത് സുരേഷ് ഗോപി? -
ആദ്യമേ ഇഷ്ടമായിരുന്നു!! പേട്ട കഴിഞ്ഞപ്പോള് ഞാന് പ്രണയത്തിലായി, രജനിയെ കുറിച്ച് യുവനടി -
കൂള് ധോണി ബാറ്റിങ്ങിനിടെ ഖലീല്‍ അഹമ്മദിനോട് ചൂടായി; കാരണമിതാണ്, വീഡിയോ വൈറല് -
ഒരു ഗ്ലാസ്സ് കട്ടൻചായയിൽ ഒതുങ്ങാത്ത ഗുണങ്ങളില്ല -
നിങ്ങളുടെ ആൻഡ്രോയിഡ് ഫോൺ പെട്ടെന്നൊരു നാൾ നിന്നുപോയാൽ?? -
ഡിസി ഡിസൈന് പുറത്തിറക്കിയ പത്തു ഹാച്ച്ബാക്കുകള്
ഫേസ് ബുക്കില്‍ സുരക്ഷാ പാളിച്ചയുണ്ടെന്നു തെളിയിക്കുന്നതിനായി സുരക്ഷാ ഗവേഷകന്, ഫേസ് ബുക്ക് സ്ഥാപകന്‍ മാര്‍ക്ക് സുക്കര്‍ബര്‍ഗിന്റെ വോള്‍ ഹാക്ക് ചെയ്തു. നിരവധി തവണ സുരക്ഷാ പാളിച്ചയെ കുറിച്ച് അറിയിച്ചിട്ടും ഫേസ് ബുക്ക് സുരക്ഷാ വിഭാഗം അത് ഗൗരവമായി എടുക്കാതിരുന്നതാണ് സുക്കര്‍ബറഗിന്റെ പേജ് ഹാക്ക് ചെയ്യാന്‍ സുരക്ഷാ ഗവേഷകനെ പ്രേരിപ്പിച്ചത്.
ഇക്കാര്യം അറിയിച്ചുകൊണ്ട് സുക്കര്‍ബര്‍ഗിന്റെ വോള്‍ പേജില്‍ ഖലീല്‍ എന്ന സുരക്ഷാ ഗവേഷകന്റെ പോസ്റ്റും പ്രത്യക്ഷപ്പെട്ടു. 'ഫേസ് ബുക്ക് ടീമിന് പലതവണ മുന്നറിയിപ്പു നല്‍കിയിട്ടും പരിഗണിക്കാത്തതുകൊണ്ടാണ് താങ്കളുടെ പേജ് ഹാക്ക് ചെയ്തത്' എന്നാണു സന്ദേശത്തില്‍ പറയുന്നത്.
ആദ്യം ഫേസ് ബുക്ക് ടീമിന് അയച്ച സന്ദേശത്തില്‍, സൈറ്റില്‍ സുരക്ഷാ പാളിച്ചകള്‍ ഉണ്ടെന്നും ഹാക്കര്‍മാര്‍ക്ക് ആരുടെ പേജിലും സന്ദേശങ്ങള്‍ പോസ്റ്റ് ചെയ്യാന്‍ സാധിക്കുമെന്നുമാണ് പറഞ്ഞിരുന്നത്. ഇതു തെളിയിക്കാനായി സുക്കര്‍ ബര്‍ഗിന്റെ സുഹൃത്ത് സാറ ഗൂഡിന്റെ വോള്‍ പേജില്‍ ഒരു ലിങ്ക് പോസ്റ്റ് ചെയ്യുകയും ചെയ്തിരുന്നു.
ഇക്കാര്യം പരിശോധിച്ച ഫേസ് ബുക്ക് സുരക്ഷാ വിഭാഗത്തിനു പക്ഷേ ഒന്നും കെണ്ടത്താനായില്ല. സാറാ ഗൂഡിന്റെ പ്രൈവസി സെറ്റിംഗ്‌സ് അനുസരിച്ച് സുഹൃത്തുക്കള്‍ക്കു മാത്രമെ അവരുടെ വാള്‍പോസ്റ്റ്് കാണാന്‍ സാധിക്കുമായിരുന്നുള്ളു. പരിശോധന നടത്തിയ ഉദ്യോഗസ്ഥന്‍ സാറാ ഗൂഡിന്റെ ഫേസ് ബുക്ക് ഫ്രണ്ട് അല്ലാതിരുന്നതുകൊണ്ട് ഖലീലിന്റെ പോസ്റ്റ് കാണാന്‍ കഴിഞ്ഞില്ല.
അതുകൊണ്ടുതന്നെ സുരക്ഷാപാളിച്ചകള്‍ ഒന്നും കണ്ടുപിടിക്കാന്‍ കഴിഞ്ഞില്ല എന്നു കാണിച്ച് സുരക്ഷാ ഗവേഷകന് മറുപടി നല്‍കുകയും ചെയ്തു.
എന്നാല്‍ സാറാ ഗൂഡിന്റെ ഫേസ് ബുക്ക് സുഹൃത്തുക്കള്‍ക്കുമാത്രമെ ലിങ്ക് കണ്ടെത്താന്‍ കഴിയു എന്നു കാണിച്ച് സുരക്ഷാ ഗവേഷകന് വീണ്ടും സന്ദേശമയച്ചു. അതിനും സമാനമായ മറുപടിയാണ് ലഭിച്ചത്. ഇതേതുടര്‍ന്നാണ് സുക്കര്‍ബര്‍ഗിന്റെ വാളില്‍ സന്ദേശമയച്ച് സുരക്ഷാ ഗവേഷകന് തന്റെ വാദം െതളിയിച്ചത്.
ഗിസ്‌ബോട്ട് ഗാഡ്ജറ്റ് ഗാലറിക്കായി ഇവിടെ ക്ലിക് ചെയ്യുക
എന്നാല്‍ ഖലീലിന്റെ നടപടിയില്‍ ഫേസ് ബുക്ക് ടീം കടുത്ത അതൃപ്തി അറിയിച്ചു. സൈറ്റില്‍ സുരക്ഷാ പാളിച്ച കണ്ടെത്തുന്നവര്‍ക്ക് ഫേസ് ബുക്ക് പാരിതോഷികം നല്‍കാറുണ്ടെങ്കിലും ഖലീല്‍ അതിന് അര്‍ഹനല്ല എന്നാണ് അവര്‍ പറയുന്നത്.
ഫേസ് ബുക്ക് അനുശാസിക്കുന്ന മാനദണ്ഡങ്ങള്‍ പാലിച്ചല്ല ഖലീല്‍ സുരക്ഷാ പാളിച്ചയെ കുറിച്ച് അറിയതെന്നും വ്യക്തമായ തെളിവുകള്‍ നല്‍കാന്‍ ഇയാള്‍ തയാറായില്ലെന്നുമാണ് അതിനായി ഉയര്‍ത്തുന്ന വാദം. സുരക്ഷാ പാളിച്ചകള്‍ കണ്ടെത്തിയാല്‍ ടെസ്റ്റ് പേജിലൂടെ കാര്യകാരണ സഹിതം അതു തെളിയിക്കണമെന്നാണ് ഫേസ് ബുക്ക് നിര്‍ദേശിക്കുന്നത്.
