ഏഴോളം വിപിഎൻ സേവനങ്ങളിൽ നിന്ന് 1.2 ടിബി സ്വകാര്യ ഡാറ്റ ചോർന്നതായി റിപ്പോർട്ട്

സ്വകാര്യ വിവരങ്ങൾ ചോർത്തുന്ന നിരവധി വിപിഎൻ സേവന ദാതാക്കളിൽ ഒരാൾ മാത്രമാണ് യുഎഫ്ഒ വിപിഎൻ എന്ന് മറ്റൊരു റിപ്പോർട്ട് ചൂണ്ടിക്കാട്ടി. അതേ സമയം വിവരങ്ങള്‍ ചോര്‍ന്നുവെന്ന് പറയപ്പെടുന്ന വിപിഎന്‍ സേവനങ്ങളുടെ ആപ്പുകള്‍ ഇപ്പോഴും ഗൂഗിള്‍ പ്ലേയ് സ്റ്റോറില്‍ നിലനിൽക്കുന്നുണ്ട്. ആരോപണ വിധേയമായ സര്‍വീസുകളില്‍ ഒന്നുമാത്രമാണ് പ്ലേയ് സ്റ്റോറില്‍ നിന്നും നീക്കം ചെയ്തിരിക്കുന്നത്. പ്ലെയിൻ ടെക്സ്റ്റ് പാസ്‌വേഡുകൾ, വിപിഎൻ സെഷൻ രഹസ്യങ്ങൾ, ഐപി വിലാസങ്ങൾ, കണക്ഷൻ ടൈംസ്റ്റാമ്പുകൾ, ജിയോ-ടാഗുകൾ, ഡിവൈസുകൾ, ഒഎസ് സവിശേഷതകൾ എന്നിവ പോലുള്ള വ്യക്തിഗത ഉപയോക്തൃ വിവരങ്ങൾ ഹോങ്കോംഗ് ആസ്ഥാനമായുള്ള വിപിഎൻ ദാതാവ് യു‌എഫ്‌ഒ വിപിഎൻ തുറന്നുകാട്ടിയതായി ജൂലൈ തുടക്കത്തിൽ കമ്പാരിടെക് കണ്ടെത്തി.

ഇതിനെക്കുറിച്ച് കമ്പനിയെ അറിയിക്കുകയും രണ്ടാഴ്ചയിലേറെ കഴിഞ്ഞ് വിവരങ്ങൾ ഒന്നും ചോർന്നില്ലെന്ന് വ്യക്തമാക്കുകയും പ്രശ്നം പരിഹരിച്ചതായി റിപ്പോർട്ട് ചെയ്തു. യുഎഫ്ഒ വിപിഎന്‍ എന്ന വിപിഎന്‍ സര്‍വീസില്‍ നിന്നും മാത്രം 894 ജിബി ഡാറ്റ ചോര്‍ന്നുവെന്നാണ് റിപ്പോര്‍ട്ട്. കംപെയര്‍ ടെക് എന്ന സൈബര്‍ സെക്യുരിറ്റി സ്ഥാപനമാണ് ഈ സുരക്ഷ വീഴ്ച കണ്ടെത്തിയിരിക്കുന്നത്. ചോര്‍ന്ന വിവരങ്ങളില്‍ അക്കൗണ്ട് പാസ്വേര്‍ഡ് വിവരങ്ങള്‍, വിപിഎന്‍ സെഷന്‍ സീക്രട്ട്, ടോക്കണ്‍സ്, വിപിഎന്‍ ക്ലൈന്‍റ് ഐപി ആഡ്രസ്, സര്‍വര്‍ ഐപി ആഡ്രസ് എന്നിവയെല്ലാം ഉള്‍പ്പെടുന്നു.

ഹോങ്കോങ് ആസ്ഥാനമാക്കി പ്രവര്‍ത്തിക്കുന്ന യുഎഫ്ഒ വിപിഎന്‍ സര്‍വീസിന് മാത്രം 10 ലക്ഷത്തോളം ഉപയോക്താക്കളുണ്ട്. ഏതാണ്ട് ഒരു ദിവസം 20 ലക്ഷത്തോളം സന്ദര്‍ശനങ്ങള്‍ ഈ വിപിഎന്‍ സര്‍വീസ് ഉപയോഗിച്ച് നടക്കാറുണ്ട് എന്നാണ് കണക്ക്. എന്നാല്‍ ഇപ്പോഴത്തെ വിവര ചോര്‍ച്ച സംബന്ധിച്ച വാദങ്ങള്‍ യുഎഫ്ഒ വിപിഎന്‍ നിഷേധിച്ചിരിക്കുകയാണ്. ഞങ്ങളുടെ ട്രാഫിക്ക് കൃത്യമായി മോണിറ്റര്‍ ചെയ്യുന്നുണ്ടെന്നും സംശയകരമായ കാര്യങ്ങള്‍ ഇതുവരെ കണ്ടെത്തിയില്ലെന്നുമാണ് യുഎഫ്ഒ വിപിഎന്‍ പറയുന്നത്.

ഈ വിപിഎന്‍ സേവനങ്ങളില്‍ നിന്നും ചോര്‍ന്നത് വളരെ ഗുരുതരമായ വിവരങ്ങളാണ് എന്നാണ് റിപ്പോര്‍ട്ട്. വീട്ട് അഡ്രസ്, ബിറ്റ്കോയിന്‍ വിവരങ്ങള്‍, പേമെന്‍റ് വിവരങ്ങള്‍, ഇ-മെയില്‍ അഡ്രസ് പാസ്വേര്‍ഡ്, യൂസര്‍ നെയിം എന്നിങ്ങനെ പലതും ചോര്‍ന്ന വിവരങ്ങളില്‍ വരുന്നു എന്നാണ് റിപ്പോര്‍ട്ട്. ഈ ഡാറ്റ ചോർച്ച ഫിഷിംഗ്, ബ്ലാക്ക് മെയിൽ, വൈറൽ ആക്രമണം, ഹാക്കിംഗ്, ഡോക്സിംഗ്, മറ്റ് സൈബർ കുറ്റകൃത്യങ്ങൾ എന്നിവയിലേക്ക് നയിച്ചേക്കാം. ലോകമെമ്പാടുമുള്ള 20 ദശലക്ഷത്തിലധികം ആളുകൾക്ക് ഈ ചോർച്ചയുണ്ടാകാം. ഉപയോക്താക്കൾക്ക് അവരുടെ പാസ്‌വേഡുകൾ മാറ്റാനോ കൂടുതൽ സുരക്ഷിതമായ വിപിഎന്‍ സേവന ദാതാവിലേക്ക് മാറാനോ നിർദ്ദേശിക്കുന്നു.