ട്വിറ്ററില്‍ തരൂരിനെ മറികടന്ന് നരേന്ദ്രമോഡി ഒന്നാമന്‍

By Bijesh

| Updated: Saturday, August 24, 2013, 12:48 [IST]

അടുത്തകാലത്തായി ഇന്ത്യയിലെ രാഷ്ട്രീയ നേതാക്കളെല്ലാം ഓണ്‍ലൈനില്‍ സജീവമാണ്. പ്രത്യേകിച്ച് സോഷ്യല്‍ നെറ്റ്‌വര്‍ക്കിംഗ് സൈറ്റുകളില്‍. ട്വിറ്ററാണ് ഇതില്‍ കൂടുതല്‍ പേരും നേരിട്ടുള്ള ആശയവിനിമയത്തിന് ഉപയോഗിക്കുന്നത്.

ട്വിറ്ററില്‍ ഏറ്റവും കൂടുതല്‍ ഫോളോവേഴ്‌സുള്ള ഇന്ത്യന്‍ രാഷ്ട്രീയ നേതാക്കളില്‍ ഒന്നാമന്‍ ഗുജറാത്ത് മുഖ്യമന്ത്രി നരേന്ദ്രമോഡിയാണ്. കേന്ദ്രമന്ത്രി ശശി തരൂരിനെ മറികടന്നാണ് അദ്ദേഹം നേട്ടം സ്വന്തമാക്കിയത്. 21,67,541 പേരാണ് മോഡിയെ ട്വിറ്ററില്‍ പിന്തുടരുന്നത്. തൊട്ടു പിന്നിലുള്ള തരൂരിന് 18,77,710 ഫോളോവേഴ്‌സാണുള്ളത്.

ട്വിറ്ററില്‍ ഏറ്റവും കൂടുതല്‍ ഫോളോവേഴ്‌സുള്ള ലോക രാഷ്ട്രീയ നേതാക്കളില്‍ പതിനൊന്നാമതാണ് മോഡിയുടെ സ്ഥാനം. മുന്‍ നിരയിലുള്ള മറ്റു ലോക നേതാക്കള്‍ ആരെല്ലാമെന്നു നോക്കാം.

Barack Obama

അമേരിക്കന്‍ പ്രസിഡന്റ് ബരാക് ഒബാമയാണ് ട്വിറ്ററില്‍ ഏറ്റവും കൂടുതല്‍ ഫോളോവേഴ്‌സുള്ള രാഷ്ട്രീയ നേതാവ്. 35610658 ആളുകളാണ് അദ്ദേഹത്തെ പിന്തുടരുന്നത്.

Michelle Obama

രണ്ടാം സ്ഥാനത്ത് ഒബാമയുടെ ഭ്യാര്യ മിഷേല്‍ ആണ്. 5169414 ഫോളോവേഴ്‌സ്

Hugo Chávez

അന്തരിച്ച വെനസ്വേലന്‍ മുന്‍ പ്രസിഡന്റ് ഹ്യൂഗോ ഷാവേസ് ഫോളേവേഴ്‌സിന്റെ എണ്ണത്തില്‍ മൂന്നാം സ്ഥാനത്താണ്. 4185285 ഫോളോവേഴ്‌സ്. ജീവിച്ചിരിപ്പില്ലെങ്കിലും അദ്ദേഹത്തെ മറികടക്കാന്‍ മറ്റു നേതാക്കള്‍ക്ക് കഴിഞ്ഞിട്ടില്ല.