92 ദിവസത്തിനുള്ളിൽ സോണി വിറ്റഴിച്ചത് 4.5 ദശലക്ഷം പ്ലേസ്റ്റേഷൻ 5 കൺസോളുകൾ

2020 ൽ 4.5 ദശലക്ഷം പ്ലേസ്റ്റേഷൻ 5 യൂണിറ്റുകൾ വിറ്റതായി സോണി വെളിപ്പെടുത്തിയിരുന്നു. ഇതിനർത്ഥം ഒന്നര മാസത്തിനുള്ളിൽ പ്ലേസ്റ്റേഷൻ 5 ൻറെ 4.5 ദശലക്ഷം യൂണിറ്റുകൾ വിൽക്കാൻ കമ്പനിക്ക് കഴിഞ്ഞുവെന്നാണ്. ഇന്ത്യയടക്കം ഒന്നിലധികം അന്താരാഷ്ട്ര വിപണികളിൽ ഈ ഗെയിമിംഗ് കൺസോൾ ഇനിയും അവതരിപ്പിക്കേണ്ടതുണ്ട്. റിപ്പോർട്ട് അനുസരിച്ച്, പ്ലേസ്റ്റേഷൻ 5, പ്ലേസ്റ്റേഷൻ 4, സോഫ്റ്റ്വെയർ, ഗെയിം, നെറ്റ്‌വർക്ക് സേവനങ്ങൾ എന്നിവയ്ക്ക് കീഴിലുള്ളവയാണ് ഏറ്റവും ലാഭകരമായത്, കൂടാതെ ഏറ്റവും കൂടുതൽ വരുമാനം നേടുവാൻ ഇത് സഹായിക്കുകയും ചെയ്യ്തു.

ഈ പാദത്തിലെ മൊത്തത്തിലുള്ള വിൽ‌പനയിൽ 40 ശതമാനം വർധനവ് 883.2 ബില്യൺ യെൻ അഥവാ ഏകദേശം 8.4 ബില്യൺ ഡോളറായി. സോണിയുടെ സബ്സ്ക്രിപ്ഷൻ സേവനങ്ങളും ഡിജിറ്റൽ വരുമാനവും ശക്തമായി തന്നെ തുടരുന്നു. പിഎസ് 5 ഉടമകളിൽ 87% പേരും പ്ലേസ്റ്റേഷൻ പ്ലസ് സബ്‌സ്‌ക്രൈബ് ചെയ്‌ത് കഴിഞ്ഞു. ഗെയിമുകളുടെ പട്ടികയിൽ മാർവൽ സ്‌പൈഡർമാൻ: മൈൽസ് മൊറേൽസ് 4.1 ദശലക്ഷത്തിലധികം പകർപ്പുകൾ വിറ്റതിനാൽ ഒരു സ്പെഷ്യൽ പ്ലേസ്റ്റേഷൻ 5 ഗെയിമിനായുള്ള വിൽപ്പന കണക്കുകളും ലഭിച്ചു. റിട്ടേണൽ, റാറ്റ്ചെറ്റ്, ക്ളാങ്ക്: റിഫ്റ്റ് അറ്റ്, ഹൊറൈസൺ ഫോർബിഡൻ വെസ്റ്റ്, പുതിയ ഗോഡ് ഓഫ് വാർ എന്നിവ ഉൾപ്പെടെ 2021 ൽ പി‌എസ്‌ 5 നായി എത്തുന്ന എക്‌സ്‌ക്ലൂസീവ് സോഫ്റ്റ്‌വെയറുകളുടെ ഒരു വലിയ നിര തന്നെയുണ്ട്.

സോണി പ്ലേസ്റ്റേഷൻ 4 വിൽപ്പന വിശദാംശങ്ങൾ

പ്ലേസ്റ്റേഷൻ 5 ൻറെ വിൽപ്പന നമ്പറുകൾ കൂടാതെ, കഴിഞ്ഞ ജനറേഷനിലെ പ്ലേസ്റ്റേഷൻ 4 ന്റെ 1.4 ദശലക്ഷം യൂണിറ്റുകൾ ഈ പാദത്തിൽ വിൽക്കാൻ കഴിഞ്ഞതായും കമ്പനി വെളിപ്പെടുത്തി. പ്ലേസ്റ്റേഷൻ 4ൽ ഇൻ-ഗെയിം സോഫ്റ്റ്വെയർ സെയിൽ, നെറ്റ്‌വർക്ക് സർവീസ് സെയിൽ, ഉയർന്ന ലാഭം എന്നിവ ലഭിച്ചതായും റിപ്പോർട്ടുകൾ വ്യക്തമാക്കി. എന്നാൽ, അതേ സമയം, പ്ലേസ്റ്റേഷൻ 5 അവതരിപ്പിക്കുന്നതുമായി ബന്ധപ്പെട്ട ചെലവുകൾ കാരണം ഇത് വരുമാനം നഷ്‌ടപ്പെടുത്തി. കൂടാതെ, പ്ലേസ്റ്റേഷൻ 5 ന്റെ തന്ത്രപരമായ വില മൂലം കമ്പനിക്ക് നഷ്ടമുണ്ടായതായി റിപ്പോർട്ട് വെളിപ്പെടുത്തുന്നു. എന്നാൽ, അത് അതിൻറെ നിർമ്മാണച്ചെലവിനേക്കാൾ കുറവാണെന്ന് പറയപ്പെടുന്നു.