2014 മൂന്നാം പാദത്തില്‍ ടാബ്ലറ്റ് വില്‍പ്പനയില്‍ റെക്കോര്‍ഡ് വളര്‍ച്ച...!

2014 ജൂലൈ-സെപ്റ്റംബര്‍ പാദത്തില്‍ ടാബ്ലറ്റ് വില്‍പ്പന 10% കൂടി 940,000 യൂണിറ്റുകളാണ് വിറ്റഴിഞ്ഞത്. ഉല്‍സവ കാല വില്‍പ്പനയും, ശക്തമായ വാണിജ്യ വില്‍പ്പനയും ഈ മികച്ച പ്രകടനത്തിന് സഹായിച്ച ഘടകങ്ങളാണെന്ന് പഠനം നടത്തിയ ഗവേഷണ സ്ഥാപനം ഐഡിസി പറയുന്നു.

ഏപ്രില്‍-ജൂണ്‍ പാദത്തില്‍ 860,000 യൂണിറ്റുകളായിരുന്നു വിറ്റുപോയത്. 22.2% വില്‍പ്പന പങ്കാളിത്തവുമായി സാംസഗാണ് മുന്നില്‍. 10.9 ശതമാനവുമായി മൈക്രോമാക്‌സ്, 10.6 ശതമാനവുമായി ഐബോള്‍, 8.2 ശതമാനവുമായി ഡാറ്റാ വിന്‍ഡ്, 6.7 ശതമാനവുമായി ആപ്പിള്‍ എന്നിവരാണ് തൊട്ടുപുറകില്‍.

ഓപറേറ്റിംഗ് സിസ്റ്റത്തിന്റെ കാര്യത്തില്‍ 90 ശതമാനം വിപണി പങ്കാളിത്തവുമായി ആന്‍ഡ്രോയിഡ് വളരെ ദൂരം മുന്നിലാണ്.