9 രൂപ നല്‍കിയാല്‍ ടാറ്റ ഡോകോമൊ വരിക്കാര്‍ക്ക് സൗജന്യമായി യൂട്യൂബ് വീഡിയോ കാണാം

ടാറ്റാ ഡോകോമൊ വരിക്കാര്‍ക്ക് ഒരു സന്തോഷവാര്‍ത്ത. വെറും ഒമ്പതു രൂപ നല്‍കിയാല്‍ നിങ്ങളുടെ സ്മാര്‍ട്‌ഫോണിലോ ടാബ്ലറ്റിലോ 100 എം.ബി വരെ യൂട്യൂബ് വീഡിയോ കാണാം. അതും 3 ജി സ്പീഡില്‍. എന്നാല്‍ 24 മണിക്കൂര്‍ മാത്രമെ ഓഫര്‍ നിലനില്‍ക്കു.

യൂട്യൂബും ടാറ്റഡോകോമൊയും സംയുക്തമായാണ് പുതിയ പദ്ധതി അവതരിപ്പിച്ചിരിക്കുന്നത്. അതോടൊപ്പം 19 രൂപ നല്‍കിയാല്‍ 150 എം.ബി വരെ യൂട്യുബ് വീഡിയോകള്‍ കാണുന്നതിനുള്ള പ്ലാനും അവതരിപ്പിച്ചിട്ടുണ്ട്. 3 ദിവസമാണ് ഈ ഓഫര്‍ നിലനില്‍ക്കുക.

വീഡിയോ കണ്ടന്റുകള്‍ കൂടുതല്‍ മൊബൈല്‍ ഉപഭോക്താക്കളിലേക്ക് എത്തിക്കാനുള്ള ശ്രമങ്ങളുടെ ഭാഗമാണ് പുതിയ ഓഫര്‍ എന്ന് യൂട്യൂബ് ഏഷ്യ പസഫിക് ഡയരക്റ്റര്‍ ഗൗതം ആനന്ദ് പറഞ്ഞു.