ഇപ്പോൾ ടാറ്റ സ്കൈ ബിംഗ് +, എച്ച്ഡി സെറ്റ്-ടോപ്പ് ബോക്സുകൾ സ്വന്തമാക്കാം 400 രൂപ വിലക്കുറവിൽ

സെപ്റ്റംബറിലെ അവസാന വിലക്കയറ്റത്തിനുശേഷം, ടാറ്റ സ്കൈ ബിംഗ് +ന് ഇന്ത്യയിൽ വരുന്ന വില 2,999 രൂപയാണെങ്കിലും ഇപ്പോൾ നിങ്ങൾക്ക് ഓൺലൈനിൽ ഒരു കൂപ്പൺ ഉപയോഗിച്ച് 2,799 രൂപയ്ക്ക് സ്വന്തമാക്കാവുന്നതാണ്. ടാറ്റ സ്കൈ ബിംഗ് + സെറ്റ്-ടോപ്പ് ബോക്സ് ഇപ്പോഴും 2,999 രൂപയാണെങ്കിലും ഉപയോക്താക്കൾക്ക് ഔദ്യോഗിക വെബ്സൈറ്റിൽ നിന്ന് ചെക്ക്‌ഔട്ട് ചെയ്യുന്ന സമയത്ത് കൂപ്പൺ കോഡായ TSKY200 നൽകി 200 രൂപ കിഴിവ് നേടാവുന്നതാണ്. ഈ വില കുറവ് ഓൺലൈൻ വെബ്സൈറ്റിന് മാത്രമേ ബാധകമാകൂ, കൂടാതെ അധിക ഓഫറുകളിൽ മൊബിക്വിക് ക്യാഷ്ബാക്കിൽ 50 രൂപയും പേസാപ്പ് ക്യാഷ്ബാക്കിൽ 50 രൂപയും ലഭിക്കുന്നതാണ്.

ടാറ്റ സ്കൈ ബിംഗ് + സെറ്റ്-ടോപ്പ് ബോക്സ് ഉപയോഗിച്ച് ഉപയോക്താക്കൾക്ക് ആറുമാസത്തെ ടാറ്റ സ്കൈ ബിഞ്ച് സേവന സബ്സ്ക്രിപ്ഷനും മൂന്ന് മാസത്തെ ആമസോൺ പ്രൈം സബ്സ്ക്രിപ്ഷനും സൗജന്യമായി ലഭിക്കും. ടാറ്റ സ്കൈ ബിംഗ് സബ്സ്ക്രിപ്ഷന്റെ വില പ്രതിമാസം 299 രൂപയാണ്. സൗജന്യ കാലയളവ് കഴിഞ്ഞാൽ ഉപയോക്താക്കൾക്ക് ഈ തുക അടയ്‌ക്കേണ്ടതായി വരും. ടാറ്റ സ്കൈ ബിംഗ് സബ്സ്ക്രിപ്ഷനിൽ 8 ഒടിടി ആപ്പ്ളിക്കേഷനുകളായ ഡിസ്നി + ഹോട്ട്സ്റ്റാർ, സൺഎൻ‌എക്സ് ടി, ഹംഗാമ പ്ലേ, ഷെമറൂ, ഇറോസ് നൗ തുടങ്ങിയവ ലഭിക്കുന്നു.

ടാറ്റ സ്കൈ എച്ച്ഡി സെറ്റ്-ടോപ്പ് ബോസിന് 1,499 രൂപയാണെങ്കിലും ചെക്ക്ഔട്ടിൽ കൂപ്പൺ കോഡ് TSKY150 നൽകി 1,349 രൂപയ്ക്ക് ഇത് സ്വന്തമാക്കാവുന്നതാണ്. കൂപ്പൺ കോഡ് ഉപയോഗിച്ച് 150 രൂപ കിഴിവ് ലഭിക്കുമെന്ന് വെബ്‌സൈറ്റിൽ പറയുന്നു. ഈ സെറ്റ്-ടോപ്പ് ബോക്സിനും സമാനമായ മൊബിക്വിക്ക്, പേസാപ്പ് ക്യാഷ്ബാക്ക് ഓഫറുകൾ പട്ടികപ്പെടുത്തിയിട്ടുണ്ട്.

അതുപോലെ, ടാറ്റ സ്കൈ + എച്ച്ഡി സെറ്റ്-ടോപ്പ് ബോക്‌സ് നിങ്ങൾക്ക് പട്ടികപ്പെടുത്തിയിരിക്കുന്ന വിലയായ 4,999 രൂപയിൽ നിന്നും 400 രൂപ കിഴിവിൽ 4,599 രൂപയ്‌ക്ക് സ്വന്തമാക്കാനുള്ള അവസരമുണ്ട്. ഈ സെറ്റ്-ടോപ്പ് ബോക്സിനായി ഉപയോഗിക്കേണ്ട കൂപ്പൺ കോഡ് ചെക്ക്ഔട്ടിൽ TSKY400 ആണ്. വീണ്ടും, ഈ സെറ്റ്-ടോപ്പ് ബോക്സിൽ സമാന മൊബിക്വിക്ക്, പേസാപ്പ് ക്യാഷ്ബാക്ക് ഓഫറുകളും പട്ടികപ്പെടുത്തിയിട്ടുണ്ട്. ഈ കിഴിവുകൾ ആദ്യമായി കണ്ടെത്തിയത് ടെലികോം ടോക്കാണ്. ഈ ഓഫറുകളുടെ കാലാവധി എത്രയാണെന്ന കാര്യം കമ്പനി ഇതുവരെ വ്യക്തമാക്കിയിട്ടില്ല. എന്നാൽ, ഒരു ഫെസ്റ്റിവൽ സീസൺ ഡീൽ എന്ന നിലയിൽ ഇത് കൂടുതൽ കാലം ഉണ്ടാകില്ല.