എന്തുകൊണ്ടാണ് ഈ ജില്ലയിലെ അധ്യാപകർ ക്ലാസിന് മുമ്പ് സെൽഫികൾ എടുക്കുന്നത് ?

സ്‌കൂൾ പരിശോധന

സ്‌കൂൾ പരിശോധനയിൽ പകുതി അധ്യാപകരും ഹാജരാകാതിരുന്നതായി ചീഫ് ഡെവലപ്‌മെന്റ് ഓഫീസർ മേധ രൂപം പറഞ്ഞു. "അധ്യാപകർ സ്കൂളുകളിൽ പതിവായി വരാറില്ല എന്നതിനെ കുറിച്ച് ഞങ്ങൾക്ക് പരാതികൾ ലഭിച്ചു. പരിശോധന നടത്തിയപ്പോൾ 50% അധ്യാപകരും ഹാജരായിട്ടില്ലെന്ന് ഞങ്ങൾ കണ്ടെത്തി," മേധ രൂപാം പറഞ്ഞു. ബറാബങ്കിയിൽ മാത്രം സെൽഫി നിയമം പാലിക്കാത്തതിൻറെ പേരിൽ 700 അധ്യാപകരുടെ ശമ്പളം വെട്ടിക്കുറച്ചിട്ടുണ്ട്. സ്ഥിരമായി ഹാജരാകുന്ന അധ്യാപകർ, ഇത് ന്യായമാണെന്ന് മാത്രമാണ് അഭിപ്രായപ്പെടുന്നത്.

അധ്യാപനത്തിന് അധ്യാപകർ എത്താത്തത് കാരണം

"ഇത് നല്ല തീരുമാനമാണെന്ന് ഞാൻ കരുതുന്നത്. സ്ഥിരമായി സ്കൂളുകളിൽ അധ്യാപനത്തിന് അധ്യാപകർ എത്താത്തത് കാരണം സാധാരണക്കാർക്ക് കഷ്ടപ്പെടേണ്ടിവരും," അസിസ്റ്റന്റ് ടീച്ചർ ദീപിക സിംഗ് പറഞ്ഞു.
ജീവനക്കാരുടെ അഭാവത്തെക്കുറിച്ച് സ്‌കൂൾ പ്രിൻസിപ്പൽമാർ ഇനി വിഷമിക്കേണ്ടതില്ല. "പ്രധാനാധ്യാപകർ എല്ലായ്പ്പോഴും ഉദ്യോഗസ്ഥരെക്കുറിച്ച് പരാതിപ്പെട്ടിരുന്നു. ഇപ്പോൾ അവർ സ്കൂളിൽ വന്നില്ലെങ്കിൽ അതിനുള്ള വില അവർനൽകേണ്ടതായി വരും," ബറാബങ്കി പ്രൈമറി സ്കൂൾ പ്രിൻസിപ്പൽ വേദ് പ്രകാശ് ശ്രീവാസ്തവ് പറഞ്ഞു.

അധ്യാപകരുടെയും ശമ്പളം വെട്ടികുറയ്ക്കും

ഇതുകൂടാതെ, പ്രവര്‍ത്തി സമയങ്ങളില്‍ സമൂഹമാധ്യങ്ങൾ ഉപയോഗിക്കുന്ന അധ്യാപകരുടെയും ശമ്പളം വെട്ടികുറയ്ക്കും. ഈ രീതി പ്രാവര്‍ത്തികമാണെന്ന് തോന്നിയാല്‍ കൂടുതല്‍ ജില്ലകളിലേക്ക് ഈ സംവിധാനം വ്യാപിപ്പിക്കുമെന്ന് ഉയര്‍ന്ന ഉദ്യോഗസ്ഥന്‍ വ്യക്തമാക്കി. കുട്ടികളെക്കാള്‍ അധ്യാപകരുടെ നിലവാരമാണ് ഉയര്‍ത്തേണ്ടതെന്ന് മുഖ്യമന്ത്രി അഭിപ്രായപ്പെട്ടു.

സെൽഫി

ട്രാഫിക് ജാം, ഗ്രാമപ്രദേശങ്ങളിൽ പൊതുഗതാഗതത്തിൻറെ ലഭ്യത, ഇന്റർനെറ്റ് ലഭ്യത എന്നിവ സെൽഫികൾ പോസ്റ്റുചെയ്യാൻ കാലതാമസമുണ്ടാക്കാം. റെയിൽ‌വേ ക്രോസിംഗിൽ വെച്ച് എൻറെ ടെമ്പോ കുടുങ്ങിയതിനാൽ എനിക്ക് ഒരു ദിവസത്തെ ശമ്പളം നഷ്‌ടപ്പെട്ടു," ബറാബങ്കി ജില്ലയിലെ രാം നഗറിലുള്ള പ്രൈമറി സ്കൂളിലെ ഒരു വനിതാ അധ്യാപിക പറഞ്ഞു.