ടെക്സ്റ്റ് മെസേജിംഗിന് 22 വയസ്സ്; നിങ്ങളറിയാത്ത 10 വസ്തുതകള്‍...!

1

മൊബൈല്‍ ഫോണുകള്‍ക്ക് കീബോര്‍ഡ് ഇല്ലാതിരുന്ന 1992 ഡിസംബര്‍ 3-ന് കമ്പ്യൂട്ടര്‍ എഞ്ചിനിയറായിരുന്ന നീല്‍ പാപ്‌വര്‍ത്ത് അദ്ദേഹത്തിന്റെ മൊബൈലിലേക്ക് മെറി ക്രിസ്മസ്സ് എന്ന സന്ദേശം അയയ്ക്കുകയായിരുന്നു.

2

ഗ്ലോബല്‍ സിസ്റ്റം ഫോര്‍ മൊബൈല്‍ കമ്മ്യൂണിക്കേഷന്‍സിന്റെ ചെയര്‍മാനായിരുന്ന ഫ്രൈദം ഹിലെബ്രാന്‍ഡ് പോസ്റ്റ് കാര്‍ഡുകളിലൂടെയും, ടെലക്‌സിലൂടെയും അയയ്ക്കപ്പെടുന്ന സന്ദേശങ്ങള്‍ക്ക് ശരാശരി 160 അക്ഷരങ്ങളാണ് ഉളളതെന്ന് കണ്ടെത്തി. ബാന്‍ഡ് വിഡ്ത്ത് പരിധികളില്ലാതെ 160 അക്ഷരങ്ങളുളള എസ്എംഎസ്സിന് സഞ്ചരിക്കാനും സാധിക്കും.

3

2009-ല്‍ ഹലോഫ്രംഎര്‍ത്ത്.നെറ്റ് സൗരയൂഥത്തിലെ ഗ്ലൈസി 581 ഡി-ലേക്ക് ആളുകളില്‍ നിന്ന് ടെക്സ്റ്റ് മെസേജുകള്‍ ശേഖരിച്ച് റേഡിയോ വേവുകളായി സന്ദേശം അയയ്ക്കുകയുണ്ടായി. പക്ഷെ ഈ സന്ദേശം അവിടെ എത്താന്‍ 20 കൊല്ലങ്ങള്‍ എടുക്കും, അതായത് 2029-ല്‍ ഈ സന്ദേശങ്ങള്‍ എത്തുമെന്നാണ് പ്രതീക്ഷിക്കപ്പെടുന്നത്.

4

മൊബൈല്‍ ഫോണുകളിലും ഡെസ്‌ക്ടോപുകളിലും വായിക്കാനുളള സൗകര്യത്തിനാണ് 140 അക്ഷര പരിധി ട്വിറ്റര്‍ കൊണ്ടുവന്നത്.

5

2010-ലെ കണക്കനുസരിച്ച് 3.6 ബില്ല്യണ്‍ ആളുകള്‍ ലോകത്ത് എസ്എംഎസ്സ് ഉപയോഗിക്കുന്നു.

6

ടെക്സ്റ്റ് മെസേജിങ് ചെയ്യുന്ന പ്രാഥമിക ക്ലാസ്സുകളില്‍ പഠിക്കുന്ന കുട്ടികളില്‍ അക്ഷരതെറ്റ് കുറഞ്ഞ് കാണുന്നു.

7

കോണ്‍ഗോയില്‍ ഡേവിഡ് നോട്ട് എന്ന സര്‍ജന്‍ ഒരു കൗമാരക്കാരന്റെ ജീവന്‍ രക്ഷിക്കുന്ന ശസ്ത്രക്രിയ നടത്തിയത് കൂടെ ജോലി ചെയ്യുന്ന ഡോക്ടറില്‍ നിന്ന് ടെക്‌സ്റ്റ് മെസേജുകളായി നിര്‍ദേശങ്ങള്‍ ലഭിച്ചാണ്.

8

രാത്രി 10.30-നും 11.30-നും ഇടയ്ക്കാണ് ടെക്‌സ്റ്റ് മെസേജുകള്‍ അയയ്ക്കുന്നത് നല്ലതെന്ന് വിദഗ്ദ്ധാഭിപ്രായം.

9

26-നും 35-നും ഇടയ്ക്കുളള പ്രായത്തിലുളളവരാണ് ടെക്സ്റ്റ് മെസേജുകള്‍ അയയ്ക്കുന്നതില്‍ ഏറ്റവും താല്‍പ്പര്യം കാണിക്കുന്നത്.

10

പ്രത്യേക അവസരങ്ങളില്‍ 51% സ്ത്രീകളും കാര്‍ഡുകള്‍ ലഭിക്കുന്നതിനേക്കാള്‍ അവശ്യപ്പെടുക ടെക്സ്റ്റ് മെസേജുകളെയാണ്.