പണം മുടക്കിയാൽ ഗുണം ലഭിക്കണം; വിൽപ്പനയിലെ ചതികൾ തടയാൻ സർക്കാരിന്റെ പുത്തൻ പോർട്ടൽ വരുന്നു

പണം നൽകി ഒരു ഉൽപ്പന്നം വാങ്ങുന്ന ആളെ സംബന്ധിച്ച് ആ ഉൽപ്പന്നം മികച്ച രീതിയിൽ പ്രവർത്തിക്കേണ്ടതുണ്ട്. അ‌തിനിടയിൽ എന്തെങ്കിലും തകരാർ ഉണ്ടായാൽ സഹായം ഉറപ്പാക്കാനാണ് പോർട്ടൽ. ഉപയോക്താക്കൾക്ക് തങ്ങളുടെ പരാതികൾ അ‌റിയിക്കാൻ ഈ പോർട്ടലിൽ സംവിധാനം ഉണ്ടാകും. ഒപ്പം നിർമാതാക്കൾ അ‌വർ നൽകുന്ന സേവനങ്ങൾ സംബന്ധിച്ച വിശദമായ വിവരങ്ങളും പോർട്ടലിൽ പ്രസിദ്ധീകരിക്കേണ്ടി വരും.

ഇങ്ങനെ ഓഫർ കൊടുത്താൽ ആരും വാങ്ങിപ്പോകും! ഫ്ലിപ്പ്കാർട്ടിൽ സാംസങ് ഗാലക്സി എസ് 22 പ്ലസിന് ഓഫറുകളുടെ പെരുമഴ

കാർ, മൊ​ബൈൽ, മറ്റ് ഗാഡ്ജെറ്റ്സുകൾ എന്നിവയുടെ വിൽപ്പനാനന്തര സേവനങ്ങൾ ആണ് ഈ പോർട്ടലിലൂടെ കേന്ദ്ര സർക്കാർ ഉറപ്പാക്കാൻ ശ്രമിക്കുന്നത്. വാങ്ങി അ‌ധിക നാൾ കഴിയും മുമ്പ് തന്നെ തകരാറിലാകുന്ന ഉപകരണങ്ങൾ നിരവധിയാണ്. നിർമാതാക്കളെ സ​മീപിക്കുമ്പോൾ അ‌വർ ​കൈയൊഴിയുകയും പാർട്സുകൾക്ക് ഉയർന്ന വില ഈടാക്കുകയും ചെയ്യുന്നതായി പരാതികൾ വ്യാപകമാണ്. ഇത്തരം പരാതികൾ ഒഴിവാക്കാനും മികച്ച സേവനം ഉൽപ്പന്നങ്ങളുടെ നിർ​മാതാക്കളിൽ നിന്നും വിൽപ്പനക്കാരിൽ നിന്നും ഉപയോക്താക്കൾക്ക് ഉറപ്പുവരുത്താനും ഈ പോർട്ടലിലൂടെ സാധിക്കും.

 

ഹാൻഡ്‌സെറ്റുകൾ, കാറുകൾ എന്നിങ്ങനെ വിവിധ ഉൽപ്പന്നങ്ങൾക്കായുള്ള വിൽപ്പനാനന്തര സേവനത്തിന്റെ എല്ലാ വിശദാംശങ്ങളും സർക്കാർ ഈ പോർട്ടലിൽ ലിസ്റ്റ് ചെയ്യും. വിവിധ ഉൽപ്പന്നങ്ങളുടെയും ഹാൻഡ്‌സെറ്റ്, കാർ എന്നിവയുടെയും നിർമ്മാതാക്കൾ വിൽപ്പനാനന്തരം തങ്ങൾ നൽകുന്ന സേവനം സംബന്ധിച്ച് നിർബന്ധമായും വെബ്‌സൈറ്റിൽ വിശദമാക്കേണ്ടിവരുമെന്ന് കേന്ദ്ര സർക്കാരിലെ ഒരു മുതിർന്ന ഉദ്യോഗസ്ഥൻ പറഞ്ഞതായി ഒരു ദേശീയ മാധ്യമം റിപ്പോർട്ട് ചെയ്യുന്നു. സേവനത്തിനുള്ള സമയക്രമം, സേവന കേന്ദ്രങ്ങളുടെ സ്ഥാനങ്ങൾ, ഉൽപ്പന്നങ്ങളുടെ സ്പെയർ പാർട്‌സുകളുടെ ലഭ്യത തുടങ്ങിയ കാര്യങ്ങൾ ഇതിൽ ഉൾപ്പെടും.

പുത്തൻ ഫീച്ചറുകളുമായി ഗൂഗിൾ സ്വന്തം കരുത്തുകൂട്ടും, ഇന്ത്യക്കും തണലാകും; ആവേശമായി ഗൂഗിൾ ഫോർ ഇന്ത്യ

ഉദാഹരണത്തിന്, ഒരു കാർ നിർമ്മാതാവ് ഇന്ത്യയിൽ ഒരു പുതിയ കാർ മോഡൽ അവതരിപ്പിക്കുമ്പോൾ, നിർദ്ദിഷ്ട മോഡലിന് എത്ര കാലത്തേക്ക് വിൽപ്പനാനന്തര സേവനം നൽകുമെന്നും കാറിന്റെ സ്പെയർ പാർട്സ് എത്രത്തോളം നൽകുമെന്നും കാർ കമ്പനി വെബ്‌സൈറ്റിൽ പ്രഖ്യാപിക്കേണ്ടിവരും. അടുത്ത ഏതാനും ആഴ്ചകൾക്കുള്ളിൽ വെബ്‌സൈറ്റ് സജീവമാകുമെന്നാണ് റിപ്പോർട്ട്. ഉപഭോക്താക്കളുടെ അവകാശങ്ങൾ നന്നായി സംരക്ഷിക്കപ്പെടുന്നുവെന്ന് ഉറപ്പാക്കാനുള്ള ഗവൺമെന്റിന്റെ ഒരു സംരംഭമാണ് ഈ വെബ്സൈറ്റ്.

മൊബൈൽ ഫോണുകൾ/ടാബ്‌ലെറ്റുകൾ, കാർഷിക ഉപകരണങ്ങൾ, ഓട്ടോമൊബൈൽ (അവരുടെ ഉപകരണങ്ങൾക്കൊപ്പം) എന്നിങ്ങനെ ഉപയോക്താക്കൾക്ക് വിൽപനാനന്തര പിന്തുണ ആവശ്യമുള്ള, വിവിധ വിഭാഗങ്ങളിലെ ഉൽപ്പന്നങ്ങൾ നിർമ്മിക്കുന്ന കമ്പനികളെ വെബ്‌സൈറ്റിൽ ഉൾപ്പെടുത്തിയിട്ടുണ്ട്. ഇത്തരം വിവരങ്ങൾ ആധികാരികമായി വ്യക്തമാക്കുന്ന ഒരു സംവിധാനം ഇല്ലാത്തത് ആളുകളെ ചൂഷണം ചെയ്യുന്ന നിലയിലേക്ക് കാര്യങ്ങൾ പലപ്പോഴും എത്തിക്കാറുണ്ടായിരുന്നു.

വിമർശകരേ കേൾക്കുന്നുണ്ടോ... ഒച്ചിഴയുന്ന വേഗം പഴങ്കഥയാക്കി ബിഎസ്എൻഎൽ 2023 ൽ നന്നാകുമെന്ന്

മറ്റു മാർഗങ്ങൾ ഇല്ലാത്തതിനാൽ വിൽപ്പനക്കാർ പറയുന്നത് കേട്ട് ആളുകൾക്ക് കൂടുതൽ പണം മുടക്കേണ്ടിയും വന്നിരുന്നു. എന്നാൽ ഈ പുതിയ വെബ്സൈറ്റ് സ്പെയർ പാർട്സുകളെക്കുറിച്ചും അവയുടെ ലഭ്യതയെക്കുറിച്ചും അ‌റിയാൻ ഉപഭോക്താക്കളെ സഹായിക്കും. എന്തെങ്കിലും ഉൽപ്പം വാങ്ങും മുമ്പ് അ‌തിന്റെ ക്വാളിറ്റിയും വാങ്ങിക്കഴിഞ്ഞാൽ ഉണ്ടാകുന്ന ബുദ്ധിമുട്ടുകളും ഓർത്ത് ആശങ്കപ്പെട്ടിരുന്ന ഉപയോക്താക്കൾക്ക് ഇനി അ‌ത്തരം പേടികൾ വേണ്ടെന്നും സർക്കാർ പറയുന്നു. ഉൽപ്പന്നം സംബന്ധിച്ച എല്ലാ കാര്യങ്ങളും അ‌റിഞ്ഞ് വാങ്ങാൻ പോർട്ടൽ സഹായിക്കും.

പല ഓഫറുകളും നൽകി ഉൽപ്പന്നം ഉപയോക്താവിനെക്കൊണ്ട് വാങ്ങിപ്പിച്ച ശേഷം എന്തെങ്കിലും പ്രശ്നം നേരിടുമ്പോൾ തൊടുന്യായങ്ങൾ നിരത്തി പറഞ്ഞ ഇളവുകളിൽനിന്ന് പിന്നോക്കം പോകുകയും സേവനങ്ങൾക്ക് പണം ഈടാക്കുകയും ചെയ്തിരുന്ന രീതികളും ഇനി ഇല്ലാതാകും. വെബ്​സൈറ്റിൽ പറഞ്ഞിരിക്കുന്ന സേവനങ്ങൾ ഉപയോക്താക്കൾക്ക് നൽകിയില്ലെങ്കിൽ വിൽപ്പനക്കാർക്ക് നിയമനടപടികൾ നേരിടേണ്ടിവരും.

ഇനി കിണറ്റിൽ ചാടേണ്ട: നാണക്കേടിൽ നിന്നും രക്ഷിക്കാൻ അടിപൊളി ഫീച്ചറുമായി വാട്സ്ആപ്പ് | WhatsApp