ഇതാ ലോകത്തെ ഏറ്റവും മെലിഞ്ഞ സ്മാര്‍ട്ട്‌ഫോണ്‍....!

ലോകത്തെ ഏറ്റവും മെലിഞ്ഞ സ്മാര്‍ട്ട്‌ഫോണ്‍ എന്ന ഗിന്നസ് റെക്കോര്‍ഡ് നേടിയിരിക്കുകയാണ് ചൈനീസ് സ്മാര്‍ട്ട്‌ഫോണ്‍ നിര്‍മാതാക്കളായ ജിയോണിയുടെ പുതിയ ഹാന്‍ഡ്‌സെറ്റായ ഈലൈഫ് എസ്5.1. ഫോണിന്റെ കനം 5.1 മില്ലിമീറ്റര്‍ മാത്രമാണ് .

ഇതിന് മുമ്പത്തെ ഏറ്റവും കനംകുറഞ്ഞ സ്മാര്‍ട്ട്‌ഫോണും ജിയോണിയുടെത് തന്നെയാണ്. ഈലൈഫ് എസ്5.5 മോഡലിന്റെ കനം 5.5 മില്ലിമീറ്റര്‍ ആയിരുന്നു. ഈലൈഫിന്റെ ബോഡി ഗ്ലാസ്സ്‌മെറ്റല്‍ കോമ്പിനേഷനിലുള്ളതാണ്. 4.8 ഇഞ്ചാണ് സ്‌ക്രീന്‍. 1.2 ജിഗാഹെര്‍ട്‌സ് ക്വാഡ്‌കോം സ്‌നാപ്ഡ്രാഗണ്‍ 400 പ്രൊസസ്സറാണ് ഫോണിന്റേത്. 1 ജിബി റാം ഉള്ള ഫോണിന് 16 ജിബി ഇന്റേണല്‍ സ്‌റ്റോറേജുണ്ട്.

ആന്‍ഡ്രോയ്ഡ് 4.3 ആണ് ഓപ്പറേറ്റിങ് സിസ്റ്റം. എല്‍ഇഡി ഫ്‌ളാഷോടു കൂടിയ 8 മെഗാപിക്‌സല്‍ മുഖ്യക്യാമറയും 5 മെഗാപിക്‌സല്‍ മുന്‍ ക്യാമറയും ഈലൈഫ് എസ് 5.1 നുണ്ട്. ഏകദേശം 20,000 രൂപ അതായത് 325 ഡോളറാണ് ഫോണിന്റെ വില. ഫോണ്‍ നവംബറോടെ ഇന്ത്യന്‍ വിപണിയില്‍ എത്തിക്കാനാണ് ഉദേശിക്കുന്നതെന്ന് ജിയോണീ സ്മാര്‍ട്ട്‌ഫോണ്‍ ഇന്ത്യ ഹെഡ് അരവിന്ദ് വോഹ്‌റ പറഞ്ഞു.