സൗന്ദര്യത്തെ ലോകം നിര്‍വചിക്കുന്നതിങ്ങനെ... കണ്ടുനോക്കു ഈ ചിത്രങ്ങള്‍

By Bijesh

| Published: Friday, June 27, 2014, 12:52 [IST]

സൗന്ദര്യം എന്നത് ആപേക്ഷികമാണ്. ഓരോ വ്യക്തിയുടെയും സൗന്ദര്യ സങ്കല്‍പങ്ങള്‍ വ്യത്യസ്തമായിരിക്കും. അതിനനുസരിച്ചാണ് അവര്‍ വ്യക്തികളെയായാലും വസ്തുക്കളെയായാലും നോക്കിക്കാണുക.

എന്നാല്‍ ഇന്ന് ഇവിടെ പ്രതിപാദിക്കുന്നത് സ്ത്രീ സൗന്ദര്യത്തെ കുറിച്ചാണ്. ഓരോ രാജ്യങ്ങളിലും സൗന്ദര്യം സംബന്ധിച്ച് ആളുകള്‍ക്ക് അവരുടേതായ സങ്കല്‍പങ്ങളുണ്ട്.

ഇത് എങ്ങനെ വ്യത്യസ്തമാകുന്നു എന്നറിയുന്നതിനായി മാധ്യമ പ്രവര്‍ത്തകയായ എസ്തര്‍ ഹോണിഗ് എന്ന സ്ത്രീ അവരുടെ ഫോട്ടോ പകര്‍ത്തി 20 രാജ്യങ്ങളിലെ പ്രശസ്തരായ ഡിസൈനര്‍മാര്‍ക്ക് അയച്ചുകൊടുത്തു.

ഫോട്ടോ എഡിറ്റ് ചെയ്ത് അവരെ സുന്ദരിയാക്കുക എന്നതാണ് ഡിസൈനര്‍മാരെ ഏല്‍പിച്ച ദൗത്യം. ഓരോ രാജ്യത്തെ ഡിസൈനര്‍മാരും അവരുടെ വ്യക്തിപരവും സാംസ്‌കരികവുമായ താല്‍പര്യങ്ങളുടെ അടിസ്ഥാനത്തില്‍ ഈ ഫോട്ടോ എഡിറ്റ് ചെയ്തു.

അമേരിക്കന്‍ ഡിസൈനര്‍ അവരുടെ കണ്ണുകള്‍ക്ക് നീല നിറം നല്‍കുകയും നീളമുള്ള തലമുടി ചേര്‍ക്കുകയും ചെയ്തപ്പോള്‍ ഇസ്രയേലി ഡിസൈനര്‍ കണ്ണുകള്‍ കറുപ്പിക്കുകയാണ് ചെയ്തത്.

എന്തായാലും 19 രാജ്യങ്ങളില്‍ നിന്നുള്ള ഡിസൈനര്‍മാര്‍ അവരുടെ സൗന്ദര്യ സങ്കല്‍പത്തിനനുസരിച്ച് എഡിറ്റ് ചെയ്ത എസ്തര്‍ ഹോണിഗിന്റെ ചിത്രങ്ങള്‍ ചുവടെ കൊടുക്കുന്നു.