ഇതാണ് വോഡാഫോണിന്റെ പുതിയ 169 രൂപ പ്ലാന്‍..!

 

വോഡാഫോണ്‍

169 രൂപയുടെ പ്രീപെയ്ഡ് പ്ലാനാണ് വോഡാഫോണ്‍ അവതരിപ്പിച്ചിരിക്കുന്നത്. വോഡാഫോണിന്റെ ഈ പ്ലാന്‍ ലക്ഷ്യം വച്ചിരിക്കുന്നത് റിലയന്‍സ് ജിയോയുടെ 149 രൂപ പ്ലാനിനെയാണ്.

വാലിഡിറ്റി

169 രൂപ പ്ലാനിന്റെ കീഴില്‍ അണ്‍ലിമിറ്റഡ് നാഷണല്‍/ലോക്കല്‍ കോളിംഗ്, പ്രതിദിനം 100 എസ്എംഎസ്, പ്രതിദിനം 1ജിബി ഡേറ്റ (മൊത്തം 28ജിബി ഡേറ്റ) എന്നിവ 28 ദിവസത്തെ വാലിഡിറ്റിയില്‍ നല്‍കുന്നു.

പരിധി നിശ്ചയിച്ചിട്ടുണ്ട്

പ്രതിദിനം 1ജിബി ഡേറ്റ കഴിയുകയാണെങ്കില്‍ 4ജി ഹൈ-സ്പീഡ് ഡേറ്റ തുടര്‍ന്നു കൊണ്ടു പോകാനായി ഓരോ എംബിക്കും 50 പൈസ വീതം ഈടാക്കുന്നതാണ്. കൂടാതെ കോളുകള്‍ക്കായും പ്രതിദിനം പരിധി നിശ്ചയിച്ചിട്ടുണ്ട്. അതായത് പ്രതിദിനം 250 മിനിറ്റു പ്രതിവാരം 1000 മിനിറ്റുമാണ് കോളുള്‍ക്ക് നല്‍കിയിരിക്കുന്നത്. പരിധി കഴിഞ്ഞാല്‍ ഒരു മിനിറ്റിന് ഒരു രൂപ വീതം ഈടാക്കുന്നു.

 

ഈ പുതിയ പ്ലാന്‍

മുകളില്‍ സൂചിപ്പിച്ചിരുന്നു വോഡാഫോണിന്റെ ഈ പുതിയ പ്ലാന്‍ ജിയോയുടെ 149 രൂപ പ്ലാനിനെ ലക്ഷ്യം വച്ചാണെന്ന്. ജിയോയുടെ ഈ പ്ലാനില്‍ 1.5ജിബി ഡേറ്റ പ്രതിദിനം (മൊത്തം 42ജിബി ഡേറ്റ), അണ്‍ലിമിറ്റ് കോള്‍, പ്രതിദിനം 100 എസ്എംഎസ് എന്നിവ 28 ദിവസത്തെ വാലിഡിറ്റിയില്‍ നല്‍കുന്നു. പ്രതിദിന പരിധി കഴിഞ്ഞാല്‍ ഡേറ്റ ഉപയോഗിക്കാന്‍ സാധിക്കും എന്നാല്‍ അതിന്റെ സ്പീഡ് 64Kbps ആയിരിക്കുമെന്നു മാത്രം. ഡേറ്റയ്ക്കായി അധിക ചാര്‍ജ്ജ് ഒന്നും തന്നെ ഈടാക്കുന്നില്ല.