ചൈനീസ് അപ്പുകളായ ടിക്-ടോക്, ലൈക് തുടങ്ങിയവയ്ക്ക് നിയന്ത്രണം

ഹാലോ

ദശലക്ഷക്കണക്കിന് ആളുകളാണ് ഈ ചൈനീസ് ആപ്പുകൾ ഡൗൺലോഡ് ചെയ്തത് ഉപയോഗിക്കുന്നത്. സ്വകാര്യ വീഡിയോ ദൃശ്യങ്ങൾ പങ്കുവയ്ക്കുന്നതിന് വേണ്ടിയാണ് ഈ ആപ്പുകൾ പ്രധാനമായും ഉപയോഗിച്ച് വരുന്നത്. ഇത്തരത്തിലുള്ള ഒരു കൂട്ടം ആപ്പുകൾക്ക് നിയന്ത്രണം കൊണ്ടുവരാൻ നീക്കം നടക്കുന്നുവെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

ലൈക്

ഉപയോക്താക്കളുടെ വിവരങ്ങൾ കൊണ്ടു പ്രവർത്തിക്കുന്ന, 50 ലക്ഷത്തിനു മുകളിൽ ഉപയോക്താക്കലുള്ള ആപ്പുകളെയാണ് നിയന്ത്രിക്കുന്നത്. ഈ കമ്പനികളെല്ലാം ഇന്ത്യ ഓഫിസ് തുടങ്ങണമെന്നും നിയമപരമായ പ്രശ്നങ്ങൾ പരിഹരിക്കാൻ വഴിയൊരുക്കണമെന്നുമാണ് കേന്ദ്രത്തിന്റെ പ്രധാന നിർദ്ദേശങ്ങളിലൊന്ന്.

ചൈനീസ് ആപ്പുകൾ

സോഷ്യൽ ആപ്പുകളായ ടിക് ടോക്, ഹെലോ, ലൈക്, വിഗോ വിഡിയോ തുടങ്ങി ആപ്പുകൾ ഇന്ത്യയിൽ നിലനിൽക്കണമെങ്കിൽ ചില നിയമങ്ങൾ പാലിക്കേണ്ടതായി വരും. ഇത് സംബന്ധിച്ച വിശദമായ റിപ്പോർട്ട് തയാറാക്കുന്നുണ്ട്. ഐ.ടി, ഇലക്ട്രോണിക് മന്ത്രാലയമാണ് ചൈനീസ് ആപ്പുകൾക്കെതിരായ പുതിയ നിയമങ്ങൾ പ്രാബല്യത്തിൽ കൊണ്ടുവരുന്നതിനായി പോകുന്നത്.

ക്വയ്‌

എല്ലാ കമ്പനികളും ഇന്ത്യയിൽ ഓഫിസ് തുടങ്ങണം. ഇന്ത്യയിൽ സജീവമായ ജനപ്രിയ ആപ് ടിക് ടോകിന് ഇന്ത്യയിൽ ഒരു ഓഫീസില്ല. ടിക്-ടോക് മാത്രമല്ല, മറ്റുള്ള ചൈനീസ് ആപ്പുകളുടെ കാര്യത്തിലും ഇതുതന്നെയാണ് അവസ്ഥ. ഈ.ടി റിവ്യൂ പ്രകാരം, മൊബൈൽ എന്റർടൈൻമെന്റിൽ പ്രധാനമായും 20 അപ്പുകളാണ് മുന്നിട്ടുനിൽക്കുന്നത്.