50 വര്‍ഷം; സാങ്കേതിക രംഗം ലോകത്തെ മാറ്റിയതെങ്ങനെ

ടി.വി. റിമോട് കണ്‍ട്രോള്‍- 1955

1955-ല്‍ അമേരിക്കന്‍ കമ്പനിയായിരുന്ന സെനിത്തിലെ യൂജിന്‍ പോളിയാണ് ആദ്യത്തെ റിമോട്ട് കണ്‍ട്രോള്‍ വികസിപ്പിച്ചെടുത്തത്. അള്‍ട്രാസൗണ്ട് ഫ് ളാഷ്‌ലൈറ്റ് ആയിരുന്നു ഇത്. 1980-വരെ ഇത്തരം റിമോട്ട് കണ്‍ട്രോളാണ് നിലനിന്നിരുന്നത്.

മൈക്രോവേവ്‌ ഓവന്‍- 1955

1955-ല്‍ ടപ്പന്‍ സ്റ്റൗവ് കമ്പനിയാണ് ആദ്യത്തെ മൈക്രോവേവ് ഓവന്‍ പുറത്തിറക്കിയത്.

ജെറ്റ് എയര്‍ലൈനര്‍-1958

ലോകത്തെ ആദ്യത്തെ കൊമേഴ്‌സല്‍ല്‍ വിമാന സര്‍വീസ് 1958-ല്‍ ജെറ്റ് ആണ് ആരംഭിച്ചത്. 181 പേര്‍ക്ക് യാത്രചെയ്യാവുന്ന ബോയിംഗ് 707-120 വിമാനം ന്യൂയോര്‍ക്കില്‍ നിന്ന് പാരീസിലേക്കാണ് ആദ്യ യാത്ര നടത്തിയത്.

കോഡ്‌ലെസ് ടൂള്‍സ്- 1961

ബാറ്ററി ഉപയോഗിച്ച് പ്രവര്‍ത്തിക്കുന്ന ആദ്യത്തെ കോഡ്‌ലെസ് ഡ്രില്‍ വികസിപ്പിച്ചെടുത്തത് ബ്ലാക് ആന്‍ഡ് ഡക്കര്‍ ആണ്. 1961-ല്‍.

വ്യവസായിക റോബോട്ട്- 1961

1961-ലാണ് ആദ്യത്തെ വ്യാവസായിക യന്ത്രമനുഷ്യന്‍ രംഗപ്രവേശം ചെയ്യുന്നത്. ജനറല്‍ മോട്ടോഴ്‌സ് അവരുടെ ന്യൂ ജേഴ്‌സിയിലുള്ള അസംബ്ലിംഗ് യൂണിറ്റിലാണ് യുണിമേറ്റ് എന്ന യന്ത്ര മനുഷ്യനെ ഉപയോഗിച്ചത്.

വാര്‍ത്താവിനിമയ ഉപഗ്രഹം- 1962

ലോകത്തെ ആദ്യത്തെ വിജയകരമായ വാര്‍ത്താവിനിമയ ഉപഗ്രഹം വിക്ഷേപിക്കപ്പെട്ടത് 1962-ലാണ്. ടെല്‍സ്റ്റാര്‍ എന്നായിരുന്നു പേര്.

LED- 1962

ജനറല്‍ ഇലക്ട്രിക്‌സിന്റെ കണ്‍സള്‍ട്ടന്റായിരുന്ന നിക് ഹോളോണിയാക് ആണ് ആദ്യത്തെ LED വികസിപ്പിച്ചത്. 1962-ല്‍ ആയിരുന്നു ഇത്.

വീഡിയോ ഗെയിം- 1962

ആദ്യത്തെ വീഡിയോ ഗെയിമായ സ്‌പേസ് വാര്‍ എം.ഐ.ടി. പ്രോഗ്രാമര്‍മാരാണ് വികസിപ്പിച്ചത്.

കമ്പ്യൂട്ടര്‍ മൗസ്- 1962

ഡഗ്‌ളസ് ഏന്‍ജല്‍ബര്‍ട് ആണ് ആദ്യത്തെ കമ്പ്യൂട്ടര്‍ മൗസ് വികസിപ്പിച്ചത്.

പൈലറ്റില്ലാ വിമാനം- 1964

ആദ്യത്തെ വിദൂര നിയന്ത്രിത വിമാനം 1964-ലാണ് വികസിപ്പിക്കുന്നത്. വിയറ്റ്‌നാം യുദ്ധകാലത്ത് അമേരിക്ക വ്യാപകമായി ഇത്തരം വിമാനങ്ങള്‍ ഉപയോഗിച്ചിരുന്നു.

എ.ടി.എം. മെഷീന്‍- 1969

1969-ലാണ് എ.ടി.എം. മെഷീന്‍ വരുന്നത്.

സെല്‍ഫോണ്‍- 1973

വ്യാവസായിക അടിസ്ഥാനത്തില്‍ ആദ്യമായി സെല്‍ഫോണ്‍ പുറത്തിറക്കിയത് മോട്ടറോളയാണ്. 1973-ല്‍

MRI- 1973

MRI അഥവാ മാഗ്നറ്റിക് റെസൊണന്‍സ് ഇമേജിംഗ് 1973-ലാണ് കണ്ടുപിടിക്കപ്പെട്ടത്. ശറയ്മണ്ട് ദമാഡിയാന്‍ ആണ് കണ്ടുപിടിച്ചത് എന്നാണ് കരുതുന്നത്.

ജി.പി.എസ്. -1978

ആദ്യത്തെ ജി.പി.എസ്. സാറ്റലൈറ്റ് ലോഞ്ച് ചെയ്തത് 1978-ലാണ്. 2000-രത്തിനു ശേഷമാണ് ഇത് വ്യാപകമായി ഉപയോഗിച്ചു തുടങ്ങുന്നത്.

ഡിജിറ്റല്‍ മ്യൂസിക്-1970

ജേംസ് റസല്‍ എന്ന ശാസ്ത്രജ്ഞനാണ് ആദ്യത്തെ ഡിജിറ്റല്‍ മ്യുസിക് പ്ലെയര്‍ കണ്ടുപിടിച്ചത്.

എം.പി. 3 പ്ലെയര്‍- 1998

1998-ല്‍ കൊറിയന്‍ കമ്പനിയായ സിഹാന്‍ ആണ് ആദ്യത്തെ എം.പി. 3 പ്ലെയര്‍ പുറത്തിറക്കിയത്.