ജിയോ സൗജന്യ ഓഫറുകള്‍ പിന്‍വലിക്കുന്നു!

ജിയോ വന്‍ വിപ്ലവം സൃഷ്ടിച്ചാണ് ടെലികോം മേഖലയില്‍ എത്തിയത്. ജിയോയുടെ ഈ വരവോടെ പല ടെലികോം കമ്പനികളും വന്‍ ഓഫറുകള്‍ നല്‍കിയിയിരിക്കുകയാണ്.

ജിയോയുടെ ഏറ്റവും ഒടുവിലത്തെ ഓഫറാണ് സമ്മര്‍ സര്‍പ്രൈസ് ഓഫര്‍. എന്നാല്‍ ജിയോയുടെ ഈ സൗജന്യ ഓഫര്‍ നീട്ടിയത് പിന്‍ വലിക്കണമെന്ന് ട്രായി ജിയോക്ക് നിര്‍ദ്ദേശം നല്‍കി.

ജിയോ സൗജന്യ ഓഫറുകള്‍ അവസാനിക്കുന്ന മാര്‍ച്ച് 31നാണ് സമ്മര്‍ സര്‍പ്രൈസ് ഓഫറുമായി ജിയോ എത്തിയത്. പ്രൈം മെമ്പര്‍ഷിപ്പ് കാലാവധി ഏപ്രില്‍ 15 വരെ ജിയോ നീട്ടിയിരുന്നു. എന്നാല്‍ ഇതും പിന്‍വലിക്കണമെന്നാണ് ട്രായിയുടെ നിര്‍ദ്ദേശം.

എന്നാല്‍ ട്രായിയുടെ എല്ലാ നിര്‍ദ്ദേശങ്ങളും പാലിക്കാമെന്ന് ജിയോ അറിയിച്ചു. സൗജന്യ ഓഫറുകള്‍ പിന്‍വലിക്കുന്ന നടപടികള്‍ ഏതാനും ദിവസത്തിനുളളില്‍ തന്നെ പൂര്‍ത്തിയാകുന്നതാണ്.