ട്രൂകോളറിൽ ഒരു ഇന്ത്യൻ മൊബൈൽ ഉപയോക്താവിന് എല്ലാ മാസവും ലഭിക്കുന്നത് 25 സ്പാം കോളുകൾ

|

അതിവേഗം വളരുന്ന മൊബൈൽ‌ഫോൺ‌ വിപണികളിലൊന്നായ ഇന്ത്യ, സ്‌പാമർ‌മാർ‌ക്ക് മുന്നോട്ട് പോകാനും അനാവശ്യ കോളുകളും സന്ദേശങ്ങളും ഉപയോഗിച്ച് ഉപയോക്താക്കളെ ബുദ്ധിമുട്ടിലാക്കാനുമുള്ള വഴിയൊരുക്കുന്നുണ്ട്. കോളർ ഐഡി, സ്പാം കണ്ടെത്തൽ, സന്ദേശമയയ്ക്കൽ സേവനങ്ങൾ വാഗ്ദാനം ചെയ്യുന്ന ട്രൂകോളർ എന്ന കമ്പനിയുടെ സമീപകാല റിപ്പോർട്ട് അനുസരിച്ച്, ഓരോ ഇന്ത്യൻ ഫോൺ ഉപയോക്താവിനും പ്രതിമാസം 25 സ്പാം കോളുകളെങ്കിലും ലഭിക്കുന്നു. ഈ സംഖ്യ കഴിഞ്ഞ വർഷത്തെ അപേക്ഷിച്ച് 15 ശതമാനം വർദ്ധനവ് ഉണ്ടായിട്ടുണ്ട്. ട്രൂകോളര്‍ ഇന്ന് ലോകത്തില്‍ തന്നെ കൂടുതലായി ഉപയോഗിക്കുന്ന ഏറ്റവും വലിയ കോളര്‍ ഐഡി ആപ്പാണ്. വെറുമൊരു കോളര്‍ ഐഡി ആപ്പ് എന്നതിനപ്പുറം ഇപ്പോള്‍ പേമെന്‍റ്, വീഡിയോ കോളിംഗ് സംവിധാനം വരെ ട്രൂകോളറില്‍ നിന്നും ലഭിക്കുന്നുണ്ട്.

 ട്രൂകോളര്‍ ആപ്പ്
 

ഇപ്പോള്‍ ഈ ട്രൂകോളര്‍ ആപ്പ് ഉപയോക്താക്കളുടെ വിവരങ്ങള്‍ വച്ച് 2019ലെ ലോകത്തിന്‍റെ ഫോണ്‍വിളി സംബന്ധിച്ച കൗതുകരമായ കാര്യങ്ങള്‍ വെളിപ്പെടുത്തുകയാണ്. 2019 ല്‍ ട്രൂകോളര്‍ വഴി 19 കോടി നമ്പറുകളെ സ്പാം നമ്പറുകളായി കണ്ടെത്തിയിട്ടുണ്ട്. ഇതില്‍ നിന്നും കോളുകള്‍ ബ്ലോക്ക് ചെയ്യുന്ന വഴി ഉപയോക്താക്കളെ സ്പാം കോളുകളില്‍ നിന്നും വലിയ രീതിയില്‍ സുരക്ഷിതരാക്കുവാന്‍ ട്രൂകോളറിന് സാധിച്ചുവെന്നാണ് ഇവർ വ്യക്തമാക്കുന്നത്. ഒപ്പം ഈ നമ്പറുകളില്‍ നിന്നുള്ള 260 കോടി കോളുകള്‍ ട്രൂകോളര്‍ 2019 ല്‍ ബ്ലോക്ക് ചെയ്തിട്ടുണ്ട്. ഒപ്പം ട്രൂകോളര്‍ 86 കോടി സ്പാം എസ്എംഎസുകളില്‍ നിന്നും തങ്ങളുടെ ഉപയോക്താക്കളെ സംരക്ഷിച്ചുവെന്നും അവകാശപ്പെടുന്നു.

സ്പാം കോളുകള്‍

സ്പാം കോളുകള്‍ ഏത് രാജ്യങ്ങളിലാണ് കൂടുതല്‍ എന്ന കാര്യവും ട്രൂകോളര്‍ വെളിപ്പെടുത്തിയിരിക്കുകയാണ്. ബ്രസീലിലാണ് ഏറ്റവും കൂടുതല്‍ സ്പാം കോള്‍ വരുന്ന പട്ടികയിൽ ഒന്നാമതെത്തിയിരിക്കുന്നത്. ഇവിടെ ഒരു ഫോണ്‍ ഉപയോക്താവിന് മാസം ശരാശരി 45 സ്പാം കോളുകളാണ് ലഭിക്കുന്നത്. ഇത് 2018ല്‍ 37 കോള്‍ എന്ന കണക്കിലായിരുന്നു. പെറുവാണ് സ്പാംകോളുകളുടെ കാര്യത്തില്‍ രണ്ടാമത് നിൽക്കുന്നത്. മൂന്നാമത് ഇന്തോനേഷ്യയും നാലാമതായി മെക്സിക്കോയാണ്. അഞ്ചാം സ്ഥാനത്താണ് ഇന്ത്യ ലിസ്റ്റിൽ വരുന്നത്. ഇന്ത്യയിലെ ഒരു ഫോണ്‍ ഉപയോക്താവിന് മാസം 25 സ്പാം കോളുകള്‍ ലഭിക്കുന്നുണ്ട്. 2018 ല്‍ ഇത് 22 കോള്‍ എന്ന കണക്കിലായിരുന്നു.

അഞ്ചാം സ്ഥാനത്താണ് ഇന്ത്യ

അതായത് വര്‍ഷം കൂടുന്നതിന് അനുസരിച്ച് സ്പാം കോളുകള്‍ വര്‍ദ്ധിക്കുകയാണ്. ഈ ലിസ്റ്റ് പ്രകാരം തന്നെ സ്പാം കോളുകള്‍ കൂടുതല്‍ വികസ്വര രാജ്യങ്ങളിലാണ് സംഭവിക്കുന്നത് എന്ന വസ്തുതയാണ് റിപ്പോർട്ട് വ്യക്തമാക്കുന്നത്. ഒരു ദിവസം 15 കോടി പേര്‍ ട്രൂകോളര്‍ ഉപയോഗിക്കുന്നു എന്നാണ് കമ്പനി വിലയിരുത്തുന്നത്. ട്രൂകോളര്‍ വഴി ഇരുപത്തിയൊന്നായിരം കോടി കോളുകളാണ് ഈ വര്‍ഷം ചെയ്തത് എന്നാണ് കണക്കുകൾ വെളിപ്പെടുത്തുന്നത്. 340 കോടി എസ്എംഎസുകള്‍ അയച്ചിട്ടുണ്ട്. 74,000,000,000 കോളുകള്‍ ട്രൂകോളര്‍ വച്ച് തിരിച്ചറിഞ്ഞിട്ടുണ്ട്. ജനുവരി 1, 2019 മുതല്‍ ഒക്ടോബര്‍ 31 2019 വരെയുള്ള കണക്ക് വച്ചാണ് ട്രൂകോളര്‍ ഈ റിപ്പോര്‍ട്ട് പുറത്തുവിട്ടത്.

ഉപയോക്താവിന് മാസം 25 സ്പാം കോളുകള്‍
 

മൊബൈൽ പേയ്‌മെന്റ് സംവിധാനങ്ങൾ ട്രാക്ഷൻ നേടുകയും വളർന്നുവരുന്ന മധ്യവർഗം, ടെലിമാർക്കറ്റിംഗ് സേവനങ്ങൾ, ബാങ്കുകളും ഫിൻ-ടെക് ഓർഗനൈസേഷനുകളും അടുത്തതായി വരികയും ചെയ്യുന്നു, മൊത്തം സ്പാം കോളുകളുടെ 17 ശതമാനവും 10 ശതമാനവുമാണ് ഇതുവഴി വരുന്നത്. ഇന്ത്യയിലെ മൂന്ന് സ്ത്രീകളിൽ ഒരു സ്ത്രീക്ക് അനുചിതമായ കോളുകളും എസ്എംഎസും സ്ഥിരമായി ലഭിക്കുന്നുണ്ടെന്നും പഠനം പറയുന്നു.

Most Read Articles
Best Mobiles in India

English summary
According to a recent report by Truecaller, a company that offers caller ID, spam detection and messaging services, every Indian phone user receives at least 25 spam calls a month. And this number has increased 15 per cent from last year.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X