ട്വിറ്ററിൽ എഡിറ്റ് ബട്ടൺ വരുന്നു, പക്ഷേ ഒരു കണ്ടീഷനുണ്ടെന്ന് കമ്പനി

ട്വിറ്ററിൽ പോസ്റ്റ് ചെയ്തതിന് ശേഷം എഡിറ്റ് ചെയ്യാൻ ഒരു സംവിധാനമില്ലാത്തത് തീർച്ചയായും ഒരു ഉപയോക്താവിനെ നിരുത്സാഹപ്പെടുത്തുന്നു. ഫെയ്‌സ്‌ബുക്ക്‌, ഇൻസ്റ്റാഗ്രാം തുടങ്ങിയ സമൂഹമാധ്യമങ്ങളിൽ പോസ്റ്റ് ചെയ്യുന്ന കാര്യങ്ങൾ എഡിറ്റ് ചെയ്യാനുള്ള ഓപ്ഷൻ ലഭ്യമാണ്. ട്വിറ്ററിൽ പോസ്റ്റ് ചെയ്‌ത ട്വീറ്റ് ഡിലീറ്റ് ചെയ്തു കളഞ്ഞതിന് ശേഷം എഡിറ്റ് ചെയ്തു ശരിയാക്കിയ കാര്യം പുത്തൻ ട്വീറ്റ് ആയി പോസ്റ്റ് ചെയ്യാനേ നിലവിൽ സാധിക്കുമായിരുന്നുള്ളു. ട്വിറ്റർ ഉപഭോക്താക്കൾ പലതവണ ആവശ്യം ഉന്നയിച്ചിട്ടുണ്ടെങ്കിലും ട്വിറ്റർ ഇതുവരെ എഡിറ്റ് ബട്ടൺ അവതരിപ്പിച്ചിട്ടില്ല.

എന്നാൽ ഒടുവിൽ ഞങ്ങൾ എഡിറ്റ് ബട്ടൺ അവതരിപ്പിക്കാൻ പോകുകയാണെന്ന് കഴിഞ്ഞ ദിവസം ട്വിറ്റർ തങ്ങളുടെ ഔദ്യോഗിക പേജിൽ ഒരു പോസ്റ്റ് വഴി ഈ കാര്യം വ്യക്തമാക്കി. 'ഹോ ഒരു വലിയ തലവേദന മാറിക്കിട്ടി' എന്ന് ചിന്തിക്കുന്ന ട്വിറ്റർ ഉപഭോക്താക്കളോട് ഒരു കാര്യം കൂടെ പറയട്ടെ. എഡിറ്റ് ബട്ടൺ ഉൾപ്പെടുത്താൻ ഒരു കണ്ടീഷൻ കൂടെ ട്വിറ്റർ പറഞ്ഞിട്ടുണ്ട്. "You can have an edit button when everyone wears a mask" ഇതാണ് ട്വിറ്ററിന്റെ പോസ്റ്റ്. അതായത് 'നിങ്ങൾ എല്ലാവരും മാസ്ക് ധരിക്കുമ്പോൾ എഡിറ്റ് ബട്ടൺ ഉൾപ്പെടുത്തും' എന്നാണ്.

ഓൺലൈനിൽ ഏറ്റവും കൂടുതൽ ആവശ്യപ്പെട്ട സവിശേഷത എഡിറ്റ് ബട്ടണാണെന്ന് ട്വിറ്ററിന് അറിയാം. കൊറോണ വൈറസിന്റെ വ്യാപനം പരിമിതപ്പെടുത്താൻ സഹായിക്കുന്നതിന് കമ്പനി ഇപ്പോൾ ഇത് അവതരിപ്പിച്ചിരിക്കുകയാണ്. വ്യാഴാഴ്ച പങ്കിട്ട ഒരു ട്വീറ്റിൽ പറഞ്ഞിരിക്കുന്നത്: 'എല്ലാവരും മാസ്ക് ധരിക്കുമ്പോൾ നിങ്ങൾക്ക് ഒരു എഡിറ്റ് ബട്ടൺ ലഭിക്കും' എന്നാണ്. അതിനുശേഷം ഈ പോസ്റ്റ് 650,000 തവണ ഉപയോക്താക്കൾ ഷെയർ ചെയ്തു.

33 കോടിയിലധികം ട്വിറ്റർ ഉപഭോക്താക്കൾ ലോകമെമ്പാടുമായി ഇപ്പോഴുണ്ട് എന്നാണ് കണക്കുകൾ വെളിപ്പെടുത്തുന്നത്. ഇത്രയും പേർ മാസ്ക് ധരിച്ചാലേ എഡിറ്റ് ബട്ടൺ അവതരിപ്പിക്കൂ എന്ന് പറഞ്ഞാൽ നടക്കുന്ന കാര്യമാണോ എന്നതിൽ സംശയമായുണ്ട്. എങ്കിലും മാസ്ക് ധരിക്കാൻ തങ്ങളുടെ ഉപഭോക്താക്കളെ പ്രേരിപ്പിക്കുന്ന ട്വീറ്റിന് നല്ല രീതിയിൽ പ്രശംസ ലഭിക്കുന്നുണ്ട്. 23 ലക്ഷത്തിലധികം ലൈക്കും 7 ലക്ഷത്തിനടുത്ത് റീട്വീറ്റുകളുമായി കുതിച്ചുയരുകയാണ് ട്വിറ്ററിന്റെ ഈ പുതിയ ട്വീറ്റ്.

സിഇഒ ജാക്ക് ഡോർസി

ദില്ലിയിൽ നടന്ന ഒരു പരിപാടിയിൽ സിഇഒ ജാക്ക് ഡോർസി ഒരു എഡിറ്റ് ബട്ടൺ പ്രവർത്തനക്ഷമമാണെന്ന് വ്യക്തമാക്കി. ‘എഡിറ്റ് ബട്ടണിനുള്ള ഉപയോഗങ്ങൾ എന്താണെന്ന് നിങ്ങൾ ശ്രദ്ധിക്കണം,' അദ്ദേഹം പറഞ്ഞു. ‘ധാരാളം ആളുകൾ എഡിറ്റ് ബട്ടൺ ആഗ്രഹിക്കുന്നു കാരണം അവർ ചെയ്ത തെറ്റ് വേഗത്തിൽ പരിഹരിക്കാൻ ആഗ്രഹിക്കുന്നു, അതായത്, അക്ഷരത്തെറ്റ് അല്ലെങ്കിൽ തെറ്റായ യുആർഎൽ ട്വീറ്റ് ചെയ്യുന്നത് പോലെ. ഏത് ട്വീറ്റും സമയബന്ധിതമായി എഡിറ്റുചെയ്യാൻ ആളുകളെ അനുവദിക്കുന്നതിനേക്കാൾ വളരെയധികം നേട്ടമാണിത്. '