എന്താ ​പൈസ ​കൈയിൽ കുറവാണോ? സാരമില്ല 300 രൂപയിൽ താഴെ ചെലവ് വരുന്ന പ്ലാനുകളും എയർടെലിന് ഇഷ്ടംപോലെ ഉണ്ടല്ലോ!

300 രൂപയിൽ താഴെയുള്ള റീച്ചാർജ് പ്ലാനുകൾ ആണ് സാധാരണ ഉപയോക്താക്കളിൽ കൂടുതൽ പേരും അ‌ന്വേഷിക്കുന്നത്. അ‌തിനൊത്ത പ്ലാനുകൾ എയർടെലിന്റെ പക്കൽ ആവശ്യത്തിന് ഉണ്ട് താനും. മുടക്കുന്ന തുകയ്ക്ക് തക്കതായ ഫലം ഉപയോക്താവിന് വാഗ്ദാനം ചെയ്യുന്ന, 300 രൂപയിൽ താഴെമാത്രം ചിലവ് വരുന്ന ചില എയർടെൽ പ്രീപെയ്ഡ് റീച്ചാർജ് പ്ലാനുകൾ നോക്കാം.

എയർടെല്ലിന് 300 രൂപയിൽ താഴെയുള്ള നിരവധി പ്രീപെയ്ഡ് പ്ലാനുകൾ ഉണ്ടെന്ന് നാം പറഞ്ഞു. എന്നിരുന്നാലും, എല്ലാ പ്ലാനുകളും സൗജന്യ എസ്എംഎസ് ആനുകൂല്യങ്ങൾ നൽകുന്നില്ല. ഡാറ്റ, വോയ്‌സ് കോളിങ് ആനുകൂല്യങ്ങൾക്കൊപ്പം ഉപയോക്താക്കൾക്ക് സൗജന്യ എസ്എംഎസ് ആനുകൂല്യങ്ങളും നൽകുന്ന ഏതാനും പ്ലാനുകളാണ് ഇവിടെ പരിചയപ്പെടുത്തുന്നത്.

155 രൂപ, 179 രൂപ, 199 രൂപ, 209 രൂപ, 239 രൂപ, 265 രൂപ, 296 രൂപ, 299 രൂപ എന്നിവയാണ് 300 രൂപയിൽ താഴെ ചിലവിൽ ഡാറ്റ, കോളിങ്, എസ്എംഎസ് എന്നീ സേവനങ്ങൾ മൂന്നും വാഗ്ദാനം ചെയ്യുന്ന എയർടെൽ പ്ലാനുകൾ. 300 രൂപയിൽ താഴെ നിരക്കിലുള്ള പ്ലാനുകളുടെ പട്ടികയിൽ . 99 രൂപ, 109 രൂപ, 111 രൂപ എന്നിവ 200എംബി ഡാറ്റ, വോയ്‌സ് കോളിങ് എസ്എംഎസ് ആനുകൂല്യങ്ങൾ വാഗ്ദാനം ചെയ്യുന്നുണ്ട് എങ്കിലും അ‌വ കൂടുതലായും വാലിഡിറ്റി ലക്ഷ്യമാക്കിയുള്ള പ്ലാനുകളാണ്.

ഠ 155 രൂപയുടെ എയർടെൽ പ്ലാൻ: 24 ദിവസത്തേക്ക് 1 ജിബി ഡാറ്റ, അൺലിമിറ്റഡ് വോയ്‌സ് കോളിംഗ്, 300 എസ്എംഎസ് എന്നിവ വാഗ്ദാനം ചെയ്യുന്നു. സൗജന്യ ഹെലോട്യൂണുകളും വിങ്ക് മ്യൂസിക് ബണ്ടിലും ഈ 155 രൂപ പ്ലാനിനൊപ്പമുണ്ട്.

ഠ 179 രൂപയുടെ എയർടെൽ പ്ലാൻ: 28 ദിവസത്തേക്ക് 2 ജിബി ഡാറ്റ, അൺലിമിറ്റഡ് വോയ്‌സ് കോളിങ്, 300 എസ്എംഎസ് എന്നിവ 179 രൂപയുടെ എയർടെൽ പ്ലാൻ വാഗ്ദാനം ചെയ്യുന്നു.ഇതിനു പുറമെ സൗജന്യ ഹെലോട്യൂണുകളും വിങ്ക് മ്യൂസിക് ബണ്ടിലും ഈ പ്ലാനിനൊപ്പം ഉണ്ട്.

ഠ 199 രൂപയുടെ എയർടെൽ പ്ലാൻ: അ‌ടുത്തിടെ എയർടെൽ അ‌വതരിപ്പിച്ച പ്ലാൻ ആണ് 199 രൂപയുടേത്. 3 ജിബി ഡാറ്റ, അൺലിമിറ്റഡ് വോയ്‌സ് കോളിങ്, 30 ദിവസത്തേക്ക് 300 എസ്എംഎസ് എന്നിവയും സൗജന്യ ഹെലോട്യൂണുകളും വിങ്ക് മ്യൂസിക്കും ഈ പ്ലാനിനൊപ്പമുള്ള ആനുകൂല്യങ്ങളായി ചേർത്തിരിക്കുന്നു.

ഠ 209 രൂപയുടെ എയർടെൽ പ്ലാൻ: 1 ജിബി പ്രതിദിന ഡാറ്റ, അൺലിമിറ്റഡ് വോയ്‌സ് കോളിങ്, 21 ദിവസത്തേക്ക് 100 എസ്എംഎസ്/പ്രതിദിനം എന്നിവയാണ് പ്രധാന ആനുകൂല്യങ്ങൾ. ഇതിനു പുറമെ ഹെലോട്യൂൺ, വിങ്ക് മ്യൂസിക്ക് സേവനങ്ങളും ആസ്വദിക്കാം.

ഠ 239 രൂപയുടെ എയർടെൽ പ്ലാൻ: ഭാരതി എയർടെല്ലിൽ നിന്നുള്ള 239 രൂപ പ്ലാൻ ഉപയോക്താക്കൾക്ക് 24 ദിവസത്തേക്ക് 1 ജിബി പ്രതിദിന ഡാറ്റയും അൺലിമിറ്റഡ് വോയ്‌സ് കോളിങ്ങും 100 എസ്എംഎസും നൽകുന്നു. സൗജന്യ ഹെലോട്യൂണുകളും വിങ്ക് മ്യൂസിക്കും ഇതിൽ ഉൾപ്പെടുന്നു.

ഠ 265 രൂപയുടെ എയർടെൽ പ്ലാൻ: 265 രൂപ പ്ലാൻ ഉപയോഗിച്ച് ഉപയോക്താക്കൾക്ക് 28 ദിവസത്തേക്ക് 1 ജിബി പ്രതിദിന ഡാറ്റ അൺലിമിറ്റഡ് വോയ്‌സ് കോളിങ്, 100 എസ്എംഎസും എന്നിവ ലഭിക്കും. ഹലോട്യൂൺസിന്റെയും വിങ്ക്മ്യൂസിക്കിന്റെയും അധിക ആനുകൂല്യങ്ങൾ ഈ പ്ലാനിനൊപ്പം ചേർത്തിരിക്കുന്നു.

ഠ 296 രൂപയുടെ എയർടെൽ പ്ലാൻ: 296 രൂപയുടെ പ്ലാനിൽ 30 ദിവസ വാലിഡിറ്റിയും 25 ജിബി ഡാറ്റയും അൺലിമിറ്റഡ് വോയ്‌സ് കോളിങ്ങും 100 എസ്എംഎസും ഉണ്ട്. അപ്പോളോ 24/7 സർക്കിൾ, ഫാസ്‌ടാഗ്, ഹെലോട്യൂൺസ്, വിങ്ക് മ്യൂസിക് എന്നിവയ്‌ക്കൊപ്പം 100 രൂപ ക്യാഷ്‌ബാക്കും അ‌ധിക ആനുകൂല്യങ്ങളായി ലഭിക്കും.

ഠ 299 രൂപയുടെ എയർടെൽ പ്ലാൻ: പ്രതിദിനം 1.5 ജിബി ഡാറ്റയും 100 എസ്എംഎസും 28 ദിവസത്തേക്ക് അൺലിമിറ്റഡ് വോയ്‌സ് കോളിങ്ങുമാണ് 299 രൂപയുടെ ഈ എയർടെൽ പ്ലാൻ വാഗ്ദാനം ചെയ്യുന്നത്. അപ്പോളോ 24|7 സർക്കിൾ, ഫാസ്ടാഗിൽ 100 ​​രൂപ ക്യാഷ്ബാക്ക്, സൗജന്യ ഹെലോട്യൂൺസ്, വിങ്ക് മ്യൂസിക് എന്നിവയാണ് ഈ പ്ലാനിനൊപ്പം ഉൾപ്പെടുന്ന അ‌ധിക ആനുകൂല്യങ്ങൾ.