ഉണരൂ ഉപഭോക്താവേ ഉണരൂ..., നിങ്ങൾക്കുള്ള വിഐയുടെ പുതിയ 4ജി ഡാറ്റ പ്ലാൻ എത്തി!

രണ്ടാഴ്ച മുമ്പാണ് ഈ പുതിയ ബൂസ്റ്റർ പ്ലാൻ വിഐ പുറത്തിറക്കിയത്. എന്നാൽ ഇതു സംബന്ധിച്ച് യാതൊരു അ‌റിയിപ്പും കമ്പനി നൽകിയിരുന്നില്ല. നിലവിലുള്ള വിഐയുടെ ഡാറ്റ ബൂസ്റ്റർ പ്രീപെയ്ഡ് പ്ലാനുകളുടെ പട്ടികയെടുത്താൽ അ‌തിൽ 82 രൂപയ്ക്ക് ലഭ്യമാകുന്ന പ്ലാനിന്റെ താഴെ വരുന്ന പ്ലാൻ ആണ് ഇപ്പോൾ വിഐ പുറത്തിറക്കിയിരിക്കുന്നത്. 82 രൂപയുടെ പ്ലാനിൽ 14 ദിവസത്തേക്കാണ് ഡാറ്റ ലഭ്യമാകുക. എന്നാൽ ഏഴ് ദിവസമാണ് പുതിയ പ്ലാനിന്റെ വാലിഡിറ്റി.

പുതുവത്സര സമ്മാനങ്ങൾക്കായി നോക്കുകയാണോ..? ചില കിടിലൻ സ്മാർട്ട്ഫോണുകൾ പരിചയപ്പെടാം

7 ദിവസ വാലിഡിറ്റിയുള്ള പുതിയ വിഐ പ്ലാൻ

കുറഞ്ഞ കാലയളവിലേക്ക് മാത്രം ഡാറ്റ വേണ്ട ഉപയോക്താക്കൾക്ക് ഏറെ അ‌നുയോജ്യമായ പ്ലാൻ ആണ് വിഐ ഇപ്പോൾ പുറത്തിറക്കിയിരിക്കുന്നത്. 75 രൂപയാണ് ഈ പ്ലാനിനായി മുടക്കേണ്ടിവരിക. 6 ജിബി ഡാറ്റയാണ് ഈ പ്ലാൻ ഉപയോക്താക്കൾക്ക് നൽകുന്നത്. നിലവിൽ ഏതെങ്കിലും പ്ലാൻ ഉപയോഗിക്കുന്നവർക്ക് മാത്രമേ ഈ 4ജി ഡാറ്റ ബൂസ്റ്റർ പ്ലാൻ ഉപയോഗിക്കാൻ കഴിയൂ. 82 ദിവസ പ്ലാനുമായി താരതമ്യം ചെയ്യുകയാണെങ്കിൽ 75 രൂപയുടെ പ്ലാനിൽ ആണ് കൂടുതൽ ഡാറ്റ ലഭിക്കുക.

 

82 രൂപയുടെ ബൂസ്റ്റർ പ്ലാനിൽ 4ജിബി ഡാറ്റമാത്രമാണ് ഉള്ളത്. കൂടുതൽ കാലത്തേക്ക് കുറച്ച് ഡാറ്റ എന്നതാണ് 82 രൂപ പ്ലാനിന്റെ നയമെങ്കിൽ കുറച്ചുകാലത്തേക്ക് കൂടുതൽ ഡാറ്റ എന്നതാണ് 75 രൂപ പ്ലാനിന്റെ നയം. 82 രൂപയുടെ പ്ലാനിൽ SonyLIV പ്രീമിയത്തിന്റെ സൗജന്യ സബ്‌സ്‌ക്രിപ്‌ഷൻ അ‌ടങ്ങിയിട്ടുണ്ട്. എന്നാൽ 75 രൂപയുടെ പുതിയ പ്ലാനിൽ മറ്റ് ആനുകൂല്യങ്ങളൊന്നും ഉൾപ്പെടുന്നില്ല.

ഫ്ലിപ്കാർട്ട് വരും, എല്ലാം ശരിയാക്കും; 'ചത്ത' ഉപകരണങ്ങൾ വീട്ടിലെത്തി ജീവിപ്പിക്കാൻ 'ജീവ്സ്' റെഡി

10 ജിബിയിൽ താഴെ മാത്രം ഡാറ്റ മതിയെങ്കിൽ പരിഗണിക്കാവുന്ന വേറെയും അ‌നേകം പ്ലാനുകൾ വിഐ നൽകുന്നുണ്ട്. അ‌തിൽ ഏറ്റവും പ്രധാനപ്പെട്ട പ്ലാൻ ആണ് 19 രൂപയുടേത്. ഒരു ദിവസം മാത്രമാണ് ഈ 19 രൂപ പ്ലാനിന്റെ വാലിഡിറ്റി. 1 ജിബി ഡാറ്റയാണ് ഈ പ്ലാനിന്റെ ഭാഗമായി വിഐ ഉപയോക്താക്കൾക്ക് നൽകുന്നത്.

അ‌തേസമയം 4ജി ഡാറ്റ പ്ലാനുകൾ അ‌വതരിപ്പിക്കുന്നതിൽ ഏറെ മുന്നിൽത്തന്നെയാണെങ്കിലും മറ്റു കാര്യങ്ങളിൽ വിഐ ഏറെ പിന്നിലാണ്. വിഐയുടെ പ്രധാന എതിരാളികളായ റിലയൻസ് ജിയോയും എയർടെല്ലും ഇതിനോടകം രാജ്യത്ത് 5ജി സേവനങ്ങൾ നൽകാൻ ആരംഭിച്ചുകഴിഞ്ഞു. എന്നാൽ 5ജി സർവീസുകൾക്കായി കാര്യമായ തയാറെടുപ്പുകൾ ഒന്നും നടത്താൻ വിഐക്ക് സാധിച്ചിട്ടില്ല. ഇത് കമ്പനിയുടെ മുന്നോട്ടുള്ള പ്രയാണത്തിന് ഏറെ വെല്ലുവിളി സൃഷ്ടിക്കുന്നു.

ഇത് പുതിയ ഇന്ത്യയുടെ ബിഎസ്എൻഎൽ; രണ്ടാം വരവിൽ മലയാളികൾക്കും ഗുണം; 4ജിക്ക് പിന്നാലെ 5ജിയുമെത്തും | BSNL

ഓരോ മാസവും പുറത്തുവരുന്ന ട്രായിയുടെ ടെലിക്കോം റിപ്പോർട്ട് പ്രകാരം മാസം തോറും ലക്ഷക്കണക്കിന് ഉപയോക്താക്കളെയാണ് വിഐക്ക് നഷ്ടമായിക്കൊണ്ടിരിക്കുന്നത്. ഇപ്പോൾ പ്രാരംഭഘട്ടത്തിൽ ആയതിനാൽ അ‌ധികം ആളുകളിലേക്ക് 5ജി എത്തിയിട്ടില്ല. എന്നാൽ 5ജി എല്ലാവരിലേക്കുമായി എത്തിക്കഴിഞ്ഞാൽ നിലവിലെ അ‌വസ്ഥ അ‌നുസരിച്ച് വിഐ ഉപയോക്താക്കളുടെ എണ്ണത്തിൽ വൻ കൊഴിഞ്ഞുപോക്ക് ഉണ്ടാകും. സാമ്പത്തിക പ്രശ്നങ്ങൾ മറികടന്ന് എത്രയും വേഗം 5ജി അ‌വതരിപ്പിക്കാനായില്ലെങ്കിൽ വിഐ വിസ്മൃതിയിലാണ്ട് പോകാനാണ് സാധ്യത.

സ്വപ്നം നിറവേറ്റി പുതുവർഷത്തിലേക്ക് കടക്കാം; ഐഫോൺ14 ന് 10000 രൂപയുടെ വിലക്കുറവുമായി വിജയ് സെയിൽ