ഇന്ത്യയില്‍ വോഡാഫോണ്‍ 4ജി: തുടക്കം 'നുമ്മ കൊച്ചി'

കൊച്ചിയ്ക്ക് ഇനിയല്പ്പം കൂടി തലയുയര്‍ത്തി നില്‍ക്കാം. ഇന്ത്യയില്‍ ബാക്കിയുള്ള എല്ലാ മെട്രോ നഗരങ്ങളെക്കാള്‍ മുമ്പേ വോഡാഫോണ്‍ 4ജി സര്‍വീസ് നമ്മുടെ കൊച്ചിയിലാണ് തുടങ്ങിയിരിക്കുന്നു. 1800മെഗാഹര്‍ട്ട്സ് എഫ്ഡിഡി-എല്‍ടിഇ ബാന്‍ഡ്-3യിലാണ് കമ്പനി 4ജി ലഭ്യമാക്കുന്നത്.

സൗജന്യ 4ജി മൈഗ്രേഷനൊപ്പം 29രൂപയ്ക്ക് 120എംബി ഡാറ്റായും ലഭിക്കുന്നു. 20ജിബി ഡാറ്റാ 2499രൂപയുടെ ബോണാന്‍സ പാക്കിലൂടെ സ്വന്തമാക്കാം. ഡിസംബര്‍ 14 മുതലാണ്‌ 4ജി സേവനം ഉപഭോക്താക്കളിലേക്ക് എത്തുന്നത്.

മുംബൈ, ഡല്‍ഹി, ബാംഗ്ലൂര്‍, കൊല്‍ക്കത്ത തുടങ്ങിയ മെട്രോകളിലും തങ്ങളുടെ സേവനം ഉടന്‍ തന്നെ ലഭ്യമാക്കുമെന്ന് കമ്പനി വ്യക്തമാക്കിട്ടുണ്ട്. കൂടാതെ കേരളത്തില്‍ തിരുവനന്തപുരം, കോഴിക്കോട് ജില്ലകളിലും അധികം താമസിയാതെ 4ജി എത്തിക്കുമെന്നാണ് വോഡാഫോണിന്‍റെ വാഗ്ദാനം.

കൊച്ചിയിലെ വോഡാഫോണ്‍ 4ജി ഓഫറുകള്‍:

* 4ജി അപ്പ്ഗ്രേഡ് സൗജന്യമാണ്, ഒപ്പം 4ജി സിമ്മും.
* ഹംഗാമ പ്ലേ(Hungama Play)യിലൂടെ 3 മാസം സൗജന്യമായി സിനിമകള്‍ ആസ്വദിക്കാം.
* വോഡാഫോണ്‍ മ്യൂസിക്കില്‍ നിന്ന്‍ അണ്‍ലിമിഡ് മ്യൂസിക്ക്.
* വോഡാഫോണ്‍ റെഡ് ഉപഭോക്താക്കള്‍ക്ക്‌ 100% എക്സ്ട്രാ ഡാറ്റാ ലഭിക്കും.