വോഡാഫോണ്‍ 999 രൂപ പ്രീപെയ്ഡ് പ്ലാനും എയര്‍ടെല്‍ 998 രൂപ പ്രീപെയ്ഡ് പ്ലാനും താരതമ്യം ചെയ്യാം

വോഡാഫോണ്‍ 999 രൂപ പ്ലാന്‍

വോഡാഫോണിന്റെ 999 രൂപ പ്ലാനില്‍ 12 ജി.ബി 3ജി/4ജി മൊബൈല്‍ ഡേറ്റയാണ് ലഭിക്കുന്നത്. അതായത് പ്രതിമാസം 1 ജി.ബി ഡേറ്റ, എന്നാല്‍ അണ്‍ലിമിറ്റഡ് വോയിസ് കോളും പ്രതിദിനം 100 എസ്.എം.എസും ഈ പ്ലാനിലൂടെ നിങ്ങള്‍ക്കു ലഭിക്കും. 365 ദിവസമാണ് ഈ പ്ലാന്‍ കാലാവധി.

എയര്‍ടെല്‍ 998 പ്രീപെയ്ഡ് പ്ലാന്‍

എയര്‍ടെല്ലിന്റെ 998 രൂപ പ്ലാനിലും ഒരു വര്‍ഷത്തേക്ക് 12 ജി.ബി ഡേറ്റയാണ് നല്‍കുന്നത്. എയര്‍ടെല്‍ പ്രീപെയ്ഡ് ഉപയോക്താക്കള്‍ക്ക് ലോക്കല്‍/ റോമിംഗ് അണ്‍ലിമിറ്റഡ് വോയിസ് കോളും നല്‍കുന്നു. വോഡാഫോണിന്റെ പ്ലാനിനെ പോലെ പ്രതിദിനം 100 എസ്എംഎസും ഇതിലുണ്ട്. എന്നാല്‍ എയര്‍ടെല്‍ പ്ലാനില്‍ 336 ദിവസത്തേക്ക് സൗജന്യമായി എയര്‍ടെല്‍ ടിവി സബ്‌സ്‌ക്രിപ്ഷനും നല്‍കുന്നു.

 

വോഡാഫോണിന്റെ മറ്റു ദീര്‍ഘകാല പദ്ധതി

വോഡാഫോണ്‍ ഈയിടെ പ്രീപെയ്ഡ് ഉപയോക്താക്കള്‍ക്കായി മറ്റൊരു ദീര്‍ഘകാല പദ്ധതി കൂടി പ്രഖ്യാപിച്ചു. ഈ പ്ലാനിന്റെ വില 1999 രൂപയാണ്. 365 ദിവസമാണ് പ്ലാന്‍ വാലിഡിറ്റി. ഇതില്‍ 1.5 ജി.ബി 4ജി ഡേറ്റ പ്രതിദിനം നല്‍കുന്നു. അങ്ങനെ മൊത്തത്തില്‍ 547.5 ജി.ബി ഡേറ്റയാണ് നല്‍കുന്നത്. ഡേറ്റ കൂടാതെ അണ്‍ലിമിറ്റഡ് ലോക്കല്‍/ എസ്റ്റിഡി, റോമിംഗ് കോളുകളും വോഡാഫോണ്‍ ഈ പ്ലാനില്‍ നല്‍കുന്നുണ്ട്. പ്രതിദിനം 100 എസ്.എം.എസും പ്ലാനിന്റെ ഭാഗമായുണ്ട്.