വേണ്ടുവോളം ഡാറ്റ നൽകി വിഐ! ഒടിടി ആനുകൂല്യങ്ങളോട് കൂടിയ 3 വിഐ ഡാറ്റ വൗച്ചറുകൾ

കഴിഞ്ഞ മാസം മുതൽ താരീഫ് വർദ്ധനവ് വന്നതോടെ ബുദ്ധിമുട്ടുന്ന ഉപഭോക്താക്കൾക്ക് വോഡഫോൺ ഐഡിയ ലിമിറ്റഡ് (Vodafone Idea Limited) മൂന്ന് ഡാറ്റ വൗച്ചറുകൾ വാഗ്ദാനം ചെയ്യുന്നു. അതിലൂടെ അവർക്ക് ഡിസ്‌നി + ഹോട്ട്സ്റ്റാർ (Disney+ Hotstar), സോണി ലൈവ് (SonyLIV) എന്നിവയുടെ ഒടിടി (ഓവർ-ദി-ടോപ്പ്) ആനുകൂല്യങ്ങൾ ലഭിക്കും. ഈ പ്ലാനുകൾ ഇന്ത്യയിൽ ഉടനീളം ഉള്ള ഉപഭോക്താക്കൾക്ക് ലഭ്യമാണ്. കൂടാതെ ഒരു ആക്റ്റീവ് വാലിഡിറ്റി പ്ലാൻ നിലനിൽക്കെ റീചാർജ് ചെയ്യുവാനും സാധിക്കും. 151 രൂപ പ്ലാൻ, 169 രൂപ പ്ലാൻ, 95 രൂപ പ്ലാൻ എന്നിവയാണ് ഈ ലേഖനത്തിലൂടെ വിവരിക്കുന്ന പ്ലാനുകൾ.

ഇവ വെറും ഒടിടി റീചാർജ് വൗച്ചറുകളല്ല, ഡാറ്റ വൗച്ചറുകളാണ്. അതിനാൽ ഉപയോക്താക്കൾക്ക് ഉപയോഗിക്കാവുന്ന ഡാറ്റയും ഈ പ്ലാനിൽ ലഭ്യമാണ്. ഈ ഡാറ്റ പ്രീപെയ്ഡ് വൗച്ചറുകളുടെ നേട്ടങ്ങൾ നോക്കാം. ഡിസ്‌നി + ഹോട്ട്സ്റ്റാർ (Disney+ Hotstar), സോണി ലൈവ് (SonyLIV) എന്നിവയുടെ ഒടിടി ആനുകൂല്യങ്ങൾ ഉള്ള വോഡഫോൺ ഐഡിയ ഡാറ്റ പ്രീപെയ്ഡ് പ്ലാനുകൾ ഇതാ...

ഈ വോഡഫോൺ ഐഡിയ ഡാറ്റ പ്രീപെയ്ഡ് പ്ലാൻ ലിസ്റ്റിലെ ആദ്യ പ്ലാൻ 95 രൂപയുടെ ഓപ്ഷൻ ആണ്. വോഡഫോൺ ഐഡിയയുടെ 95 രൂപയുടെ പ്ലാനിൽ ഉപയോക്താക്കൾക്ക് 14 ദിവസത്തേക്ക് 4 ജിബി ഡാറ്റ ആണ് ലഭിക്കുന്നത് എന്നത് തികച്ചും ആകർഷിക്കുന്ന ഒന്നാണ്.

സോണി ലൈവ് (SonyLIV) മൊബൈലിൻ്റെ ഒടിടി ആനുകൂല്യം 28 ദിവസത്തേക്ക് അധിക ചിലവുകൾ ഇല്ലാതെ ബണ്ടിൽ ചെയ്തിരിക്കുന്നു. നിങ്ങൾക്ക് സജീവമായ അടിസ്ഥാന പ്രീപെയ്ഡ് പ്ലാൻ ഉണ്ടെങ്കിൽ ഈ പ്ലാൻ ഉപയോഗിച്ച് റീചാർജ് ചെയ്യാം. ഡാറ്റ ആനുകൂല്യം 14 ദിവസത്തിന് ഉള്ളിൽ കാലഹരണപ്പെടും. അതേ സമയം ഒടിടി ആനുകൂല്യം 28 ദിവസത്തേക്ക് തുടരും.

വോഡഫോൺ ഐഡിയയുടെ 151 രൂപയുടെ പ്ലാനിൽ 4 ജിബി ഡാറ്റയും ലഭിക്കും. ഈ ഡാറ്റയുടെ വാലിഡിറ്റി 30 ദിവസം ആണ്. ഈ പ്ലാനിന് ഒപ്പം മേൽ പറഞ്ഞ ഒടിടി ആനുകൂല്യമായ, ഉപയോക്താക്കൾക്ക് 3 മാസത്തെ ഡിസ്‌നി + ഹോട്ട്സ്റ്റാർ (Disney+ Hotstar) മൊബൈൽ സബ്‌സ്‌ക്രിപ്‌ഷനും ലഭിക്കും.

അവസാനമായി, 8 ജിബി ഡാറ്റ ഉള്ള 169 രൂപ പ്ലാൻ ഉണ്ട്. ഈ പ്ലാനും 30 ദിവസത്തെ വാലിഡിറ്റിയുടെ ആണ് വരുന്നത്. വീണ്ടും, ഇത് സർവീസ് വാലിഡിറ്റി അല്ല, ഡാറ്റയുടെ വാലിഡിറ്റി ആണ്. ഈ പ്ലാനിന് ഒപ്പം 3 മാസത്തേക്ക് ഡിസ്‌നി + ഹോട്ട്സ്റ്റാറിൻ്റെ (Disney+ Hotstar) ഒരു ബണ്ടിൽ ഒടിടി ആനുകൂല്യം ഉണ്ട്.

അതിനാൽ നിങ്ങൾ 151 രൂപ പ്ലാനിൽ നിന്ന് 18 രൂപ അധികം നൽകി 169 രൂപ പ്ലാൻ തിരഞ്ഞെടുക്കുക ആണ് എങ്കിൽ, ഒടിടി ആനുകൂല്യം അതേപടി തുടരും. കൂടാതെ, ഡാറ്റ ആനുകൂല്യം 4 ജിബിയിൽ നിന്ന് 8 ജിബിയിലേക്ക് ഇരട്ടി ആകും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.