ബെസ്റ്റ് എന്ന് പറഞ്ഞാൽ ഇതാണ്, ഒന്നല്ല, ഒരുപാടുണ്ട് നേട്ടം...! വിഐയുടെ ​ഒരു സൂപ്പർസ്റ്റാർ പ്ലാൻ

ഇന്ത്യയിലുടനീളം ടെലിക്കോം സേവനങ്ങൾ മികച്ച രീതിയിൽ നൽകിവരുന്ന കമ്പനിയാണ് വൊഡാഫോൺ ഐഡിയ (VI). പ്രീപെയ്ഡ്, പോസ്റ്റ്പെയ്ഡ് വിഭാഗങ്ങളിൽ വിഐയുടെ പ്ലാനുകൾക്ക് നിരവധി ആരാധകരുണ്ട്. അ‌തിൽത്തന്നെ ഏറ്റവുമധികം പേർ ഉപയോഗിക്കാൻ ഇഷ്ടപ്പെടുന്നത് വിഐയുടെ പോസ്റ്റ്പെയ്ഡ് പ്ലാനുകളാണ്. മറ്റൊരു പ്ലാനും നൽകാത്തത്ര മികച്ച ആനുകൂല്യങ്ങൾ നൽകുന്നൊരു പ്ലാൻ വിഐക്കുണ്ട്.

അ‌ൺലിമിറ്റഡ് ഡാറ്റ വാഗ്ദാനം ചെയ്യുന്നു എന്നതാണ് ഈ വിഐ പ്ലാനിന്റെ പ്രത്യേകതകളിലൊന്ന്. എഫ്യുപി (ഫെയർ യൂസേജ് പോളിസി) അ‌ടിസ്ഥാനമാക്കിയുള്ള നിയന്ത്രണങ്ങളൊന്നുമില്ലാതെ അ‌ൺലിമിറ്റഡ് ഡാറ്റ വാഗ്ദാനം ചെയ്യാൻ ഈ വിഐ പ്ലാനിന് കഴിയുന്നുണ്ട്. ഇതുകൂടാതെ ഒട്ടനേകം ആകർഷകമായ ആനുകൂല്യങ്ങളും ഈ വിഐ പ്ലാൻ വാഗ്ദാനം ചെയ്യുന്നു.

ഇതൊരു പോസ്റ്റ്പെയ്ഡ് പ്ലാൻ ആണ്. 701 രൂപയാണ് ഈ വിഐ പോസ്റ്റ്പെയ്ഡ് പ്ലാനിന്റെ നിരക്ക്. എന്നാൽ നികുതിയും കൂടി ഉൾപ്പെടുമ്പോൾ പ്ലാനിന്റെ ചെലവ് ഏതാണ്ട് 900 രൂപയാകും. എങ്കിലും ഉപയോക്താക്കൾക്ക് മികച്ച ആനുകൂല്യങ്ങൾ ഈ പ്ലാൻ വാഗ്ദാനം ചെയ്യുന്നു. അ‌തിനാൽത്തന്നെ വിഐയുടെ ഏറ്റവും മികച്ച പോസ്റ്റ്പെയ്ഡ് പ്ലാനുകളിൽ ഒന്നായാണ് ഈ പ്ലാൻ വിശേഷിപ്പിക്കപ്പെടുന്നത്.

വിഐയുടെ 701 രൂപയുടെ പ്ലാനിന്റെ പ്രത്യേകതകൾ: വോഡഫോൺ ഐഡിയയുടെ 701 രൂപയുടെ പ്ലാൻ വ്യക്തിഗത ഉപയോക്താക്കൾക്ക് മാത്രമുള്ളതാണ്. ഈ പ്ലാൻ ഉപയോക്താക്കൾക്ക് പ്രതിമാസം 3000 എസ്എംഎസിനൊപ്പം അൺലിമിറ്റഡ് വോയ്‌സ് കോളിങ്ങും വാഗ്ദാനം ചെയ്യുന്നു. ഇതിൽ ഉയർന്ന വേഗതയിൽ അ‌ൺലിമിറ്റഡ് ഡാറ്റ ലഭ്യമാകും.

പ്രധാന ആനുകൂല്യങ്ങൾക്ക് പുറമേ എന്റർടെയ്​ൻമെന്റ് ആനുകൂല്യങ്ങളും ഈ പ്ലാനിൽ ലഭ്യമാകും. ഒരു മാസത്തേക്ക് ഹംഗാമ മ്യൂസിക് സൗജന്യ ആക്‌സസ് ലഭിക്കും എന്നതാണ് അ‌തിലൊന്ന്. പരസ്യമില്ലാതെ മ്യൂസിക് ആസ്വദിക്കാൻ ഈ സബ്സ്ക്രിപ്ഷൻ സഹായിക്കും. ഇത് കൂടാതെ വിഐ മൂവീസ് ആൻഡ് വിഐ ഗെയിംസ് ആനുകൂല്യങ്ങളും ഉണ്ട്.

ഇതിനെല്ലാം പുറമേ മറ്റ് 8 ആനുകൂല്യങ്ങളിൽ നിന്ന് ഇഷ്ടമുള്ള മൂന്ന് ആനുകൂല്യം തെരഞ്ഞെടുക്കുകയും ചെയ്യാം. ആ ആനുകൂല്യങ്ങൾ ഇവയാണ്: ആറ് മാസത്തേക്ക് ആമസോൺ പ്രൈം, ഒരു വർഷത്തേക്ക് ഡിസ്നി+ ഹോട്ട്സ്റ്റാർ മൊബൈൽ സബ്സ്ക്രിപ്ഷൻ, സോണിലിവ് പന്ത്രണ്ട് മാസ സബ്സ്ക്രിപ്ഷൻ, ഒരു വർഷത്തേക്ക് സൺനെക്സ്റ്റ് സബ്സ്ക്രിപ്ഷൻ.

സ്വിഗ്ഗി വൺ ഇയർ സബ്സ്ക്രിപ്ഷന്റെ രണ്ട് ത്രൈമാസ അംഗത്വ കൂപ്പണുകളിലേക്കുള്ള ആക്സസ്, EazyDiner ഒരു വർഷത്തെ രണ്ട് ത്രൈമാസ മെമ്പർഷിപ്പ് കൂപ്പണുകളിലേക്ക് ആക്സസ്, ഈസീ​മൈട്രിപ്പിന്റെ ഒരു വർഷത്തെ ആക്‌സസ്, റിട്ടേൺ ​ഫ്ലൈറ്റ് ടിക്കറ്റിൽ എല്ലാ മാസവും 750 രൂപ ഡിസ്കൗണ്ട്, നോർട്ടൺ മൊബൈൽ സെക്യൂരിറ്റിയുടെ ഒരു വർഷത്തെ സബ്സ്ക്രിപ്ഷൻ.

വിഐയുടെ ഈ പോസ്റ്റ്പെയ്ഡ് പ്ലാനിനോട് തൊട്ടടുത്തു നിൽക്കുന്നത് ജിയോയുടെ 699 രൂപയുടെ പോസ്റ്റ്പെയ്ഡ് പ്ലാൻ ആണ്. പ്രതിമാസം 100 ജിബി ഡാറ്റയും അൺലിമിറ്റഡ് വോയ്‌സ് കോളിംഗും പ്രതിദിനം 100 എസ്എംഎസ് എന്നിവ ഈ ജിയോ പോസ്റ്റ്പെയ്ഡ് പ്ലാനിൽ ലഭിക്കും. ഈ പ്ലാനിനൊപ്പം ഉപയോക്താക്കൾക്ക് 3 അധിക സിമ്മുകളും ലഭിക്കും.

ഈ ജിയോ പ്ലാനിനൊപ്പം ലഭിക്കുന്ന അ‌ധിക സിമ്മുകളിൽ ഓരോന്നിനും പ്രതിമാസം 99 രൂപയ്ക്ക് 5GB പ്രതിമാസ ഡാറ്റ ജിയോ വാഗ്ദാനം ചെയ്യുന്നു. കൂടാതെ ഈ പ്ലാൻ അൺലിമിറ്റഡ് 5G ഡാറ്റയും നൽകുന്നു. ഈ പ്ലാനിന്റെ അധിക നേട്ടങ്ങളിൽ നെറ്റ്ഫ്ലിക്സ് (ബേസിക്), ആമസോൺ പ്രൈം, ജിയോ ടിവി, ജിയോസിനിമ, ജിയോക്ലൗഡ് എന്നിവയുടെ സബ്‌സ്‌ക്രിപ്‌ഷനുകളും ഉൾപ്പെടുന്നു.