പുതിയ സിം വാങ്ങുന്നവർ ഇനി DoTന്റെ ഈ നിയമങ്ങള്‍ തീർച്ചയായും പാലിക്കുക!

മുഴുവര്‍ ആധാര്‍ വിവരങ്ങളും ടെലികോം ഓപ്പറേറ്ററുമായി പങ്കുവയ്‌ക്കേണ്ടതില്ല

ഒരു പുതിയ സിം കാര്‍ഡ് എടുക്കാന്‍ ആധാര്‍ കാര്‍ഡ് നിര്‍ബന്ധമില്ല എന്ന് ഡോട്ട് അടുത്തിടെ ഒരു കരാര്‍ ഉണ്ടാക്കിയിരുന്നു. എന്നാല്‍ ഇപ്പോള്‍ e-KYC പ്രക്രിയ പരിഗണിക്കുമ്പോള്‍ ആധാര്‍ കാര്‍ഡ് ഉപയോഗിച്ച് മാത്രമേ പുതിയ സിം കാര്‍ഡ് ലഭ്യമാവുകയുളളൂ. കാരണം ബയോമെട്രിക് അംഗീകാരത്തിന് ആധാര്‍ കാര്‍ഡ് തന്നെ വേണം. ഇത്തവണ നിങ്ങളുടെ മുഴുവര്‍ ആധാര്‍ വിവരങ്ങളും ടെലികോം ഓപ്പറേറ്ററുമായി പങ്കുവയ്‌ക്കേണ്ടതില്ല. പകരം വെര്‍ച്ച്വല്‍ ഐഡി ഉപയോഗിച്ച് ഓപ്പറേറ്റര്‍ക്ക് ആവശ്യമുളള ഡേറ്റകള്‍ മാത്രം പങ്കിടുക.

എന്താണ് വെര്‍ച്ച്വല്‍ ഐഡിയും പരിമിത e-KYC യും?

ആധാര്‍കാര്‍ഡ് ഉടമകളുടെ സ്വകാര്യതകള്‍ കാത്തു സൂക്ഷിക്കാനാണ് വിര്‍ച്ച്വല്‍ ഐഡി UIDAI കൊണ്ടു വന്നത്. ആധാര്‍ കാര്‍ഡിലെ 12 അക്ക നമ്പറിനു പകരം 16 അക്കങ്ങളും ബയോമെട്രിക് വിവരങ്ങളുമാകും വെര്‍ച്ച്വല്‍ ഐഡിയില്‍ ഉണ്ടാകുക. സിം വേരിഫിഫിക്കേഷന്‍ ഉള്‍പ്പെടെ വിവിധ സേവനങ്ങള്‍ ലഭിക്കുന്നതിന് ആധാറിനു പകരം ഈ വെര്‍ച്ച്വല്‍ ഐഡി ഉപയോഗിക്കാം.

ഗുണങ്ങൾ

സിം കാര്‍ഡ് വേരിഫിക്കേഷന്‍ പോലുളള ആവശ്യങ്ങള്‍ക്ക് പേര്, വിലാസം, ഫോട്ടോ എന്നീ വിവരങ്ങള്‍ മാത്രമേ ആവശ്യമുളളൂ. വെര്‍ച്ച്വല്‍ ഐഡി വഴി ബന്ധപ്പെട്ട കമ്പനിക്ക് ഈ വിവരങ്ങള്‍ ലഭിക്കും. വ്യക്തികളുടെ ബയോമെട്രിക് വിവരങ്ങള്‍ സുരക്ഷിതമാക്കും എന്നാതാണ് വെര്‍ച്ച്വല്‍ ഐഡിയുടെ പ്രത്യേകത. ഏതൊരു ഉപയോക്താവിനും തങ്ങളുടെ ആവശ്യത്തിനനുസരിച്ച് എത്ര വിര്‍ച്ച്വല്‍ ഐഡികള്‍ വേണമെങ്കിലും ഉണ്ടാക്കാം. പുതിയ ഐഡി ഉണ്ടാക്കുമ്പോള്‍ പഴയ ഐഡികള്‍ സ്വമേധയ റദ്ദു ചെയ്യപ്പെടും.

ആധാര്‍ നമ്പര്‍ ഉപയോഗിച്ച് വിര്‍ച്ച്വല്‍ ഐഡി ഉണ്ടാക്കാനായി ഇവിടെ ക്ലിക്ക് ചെയ്യുക.

ലിമിറ്റഡ് e-KYC എന്ന പ്രക്രിയയിലൂടെ ടെലികോം ഓപ്പറേറ്റര്‍ക്ക് നിങ്ങളുടെ വിലാസവും പേരും അറിയാന്‍ സാധിക്കും. ഈ പ്രക്രിയ നിമിഷങ്ങള്‍ക്കുളളില്‍ തന്നെ പൂര്‍ത്തിയാകും. ഉപയോക്താവ് വിര്‍ച്ച്വല്‍ ഐഡി നല്‍കണം അതിനു ശേഷം ബയോമെട്രിക് സ്ഥിരീകരണ പ്രക്രിയ ഉപയോഗിച്ച് ആധികാരികത സ്ഥിരീകരിക്കപ്പെടും. നിങ്ങളുടെ പരിമിത ഡേറ്റ ഓപ്പറേറ്ററുമായി പങ്കിടുമ്പോള്‍ അതില്‍ ആധാര്‍ നമ്പര്‍ പ്രസിദ്ധീകരിക്കില്ല.

ഉപഭോക്താക്കള്‍ക്ക് ലഭിക്കുന്ന ഗുണം?

ഡേറ്റ ലംഘനത്തെ കുറിച്ച് വളരെ ആകുലപ്പെടുന്നവര്‍ക്ക് ഇത് വളരെ പ്രയോജനകരമാണ്. ആധാറിലെ എല്ലാ വിവരങ്ങളും പങ്കു വയ്‌ക്കേണ്ട ആവശ്യമില്ല. കൂടാതെ ആധാര്‍ നമ്പര്‍ അജ്ഞാതമാക്കി വയ്ക്കുകയും ചെയ്യാം. കൂടാതെ വിര്‍ച്ച്വല്‍ ഐഡി ഉപയോഗിച്ച് ആധാര്‍ നമ്പര്‍ കണ്ടു പിടിക്കാനും കഴിയില്ല. നിങ്ങള്‍ ഓരോ പ്രാവശ്യം നിര്‍മ്മിക്കുന്ന വിര്‍ച്ച്വല്‍ ഐഡി 24 മണിക്കൂര്‍ മാത്രമേ നിലനിര്‍ക്കൂ. അതു കഴിഞ്ഞാല്‍ അടുത്ത ആവശ്യത്തിനു വേണ്ടി വീണ്ടും പുതിയതു സൃഷ്ടിക്കേണ്ടി വരും.