ഹാക്കിങ്ങിനെ കുറിച്ച് നിങ്ങള്‍ തീര്‍ച്ചയായും അറിഞ്ഞിരിക്കേണ്ടവ!!

ഹാക്കര്‍മാരുടെ പേര് നിശ്ചയിക്കുന്നത് ഇങ്ങനെ

ഹാക്കര്‍മാരുടെ പ്രവര്‍ത്തന രീതിയേയും ലക്ഷ്യത്തേയും അടിസ്ഥാനമാക്കിയാണ് ഹാക്കിങ്ങിന്റെ പേര് നിര്‍വചിക്കുന്നത്. പല തരത്തിലുളള ഹാക്കര്‍മാറാണ് ഇപ്പോള്‍ ഉളളത്.

ബ്ലാക്ക് ഹാറ്റ് ഹാക്കര്‍

ഒരു കമ്പ്യൂട്ടറില്‍ നിന്നും മറ്റു കമ്പ്യൂട്ടറുകളിലേക്കോ സര്‍വ്വറുകളിലേക്കോ അനുവാദമില്ലാതെ നുഴഞ്ഞു കയറി മറ്റുളളവരുടെ വിവരങ്ങള്‍ ചോര്‍ന്ന് എടുക്കുന്നവരെയാണ് ബ്ലാക്ക് ഹാറ്റ് ഹാക്കര്‍മാര്‍ എന്നു പറയുന്നത്. എത്തിക്കല്‍ ഹാക്കിങ്ങിന് വിപരീതമാണ് ഈ ഹാക്കിങ്ങ്. ഇവര്‍ വൈറസുകളെ സൃഷ്ടിക്കുകയും ചെയ്യുന്നു.

എത്തിക്കല്‍ ഹാക്കിങ്ങ്

എത്തിക്കല്‍ ഹാക്കിങ്ങിന്റെ മറ്റൊരു പേരാണ് വൈറ്റ് ഹാക്കിങ്ങ്. കമ്പ്യൂട്ടര്‍ ശൃംഖലകളുടേയും ഇന്റര്‍നെറ്റിന്റേയും അനുബന്ധസാമഗ്രികളുടേയും സുഗമമായ നടത്തിപ്പിനും സുരക്ഷിതത്വത്തിനും വേണ്ടി വൈറസുകളും നുഴഞ്ഞു കയറ്റക്കാരും വരാന്‍ സാധ്യതയുളള സ്ഥലങ്ങള്‍ കണ്ടെത്തുകയും അവ തടയുകയും ചെയ്യുന്നു.

ഗ്രേ ഹാറ്റ് ഹാക്ക്

വൈറ്റ് ഹാക്ക്, ബ്ലാക്ക് ഹാക്ക് എന്നിവ കൂടി ചേര്‍ന്നതാണ് ഗ്രേ ഹാക്കര്‍മാര്‍. ഇവര്‍ നെറ്റ്വര്‍ക്കുകളെ ബ്ലാക്ക് ഹാക്കര്‍മാരില്‍ നിന്നും സംരക്ഷിക്കുന്നു. എന്നാല്‍ അക്രമി ആരെന്ന് അറിയാതെയാണ് ആക്രമണം നടത്തുന്നത്. ഇങ്ങനെ നടത്തുന്ന ആക്രമണത്തെ പെനിട്രേഷന്‍ ടെസ്റ്റ് എന്നു പറയുന്നു.