ഐഫോണിലെ ക്യാമറയ്ക്കും ഫ്‌ളാഷിനും ഇടയിലെ ചെറിയ സുഷിരം എന്താണ്?

ഐഫോണ്‍ 5നു ശേഷമാണ് ഈ മാറ്റം

ഐഫോണ്‍ 5നു ശേഷം ഇറങ്ങിയ ഫോണുകള്‍ക്കാണ് ഇത്തരത്തിലൊരു മാറ്റം സംഭവിച്ചിരിക്കുന്നത്. ഇതിനു മുന്‍പ് ഇത്തരമൊരു സവിശേഷത ഐഫോണുകളില്‍ ഇല്ലായിരുന്നു.

ഫോണിലെ ഈ ചെറിയ സുഷിരത്തിന്റെ പ്രയോജനം?

ഈ ചെറിയ സുഷിരം ഒരു മൈക്രോ ഫോണ്‍ ആണ്. 'റിയര്‍ മൈക്രോഫോണ്‍' എന്നാണ് ഇതിന്റെ പേര്. ശബ്ദകോലാഹങ്ങളെ ഇല്ലാതാക്കുക എന്ന ധര്‍മ്മമാണ് ഇത് നിര്‍വ്വഹിക്കുന്നത്.

ശബ്ദത്തിനു മൂര്‍ച്ച നല്‍കുന്നു

പശ്ചാത്തലത്തില്‍ ഉണ്ടാകുന്ന ശബ്ദലോഹങ്ങളെ ഒഴിവാക്കി നല്ല മൂര്‍ച്ചയുളള ശബ്ദം നല്‍കാന്‍ സഹായിക്കുന്നു. ശബ്ദം റെക്കോര്‍ഡ് ചെയ്യുന്ന സമയത്തും വീഡിയോ റെക്കോര്‍ഡ് ചെയ്യുമ്പോഴും ഫേസ് ടൈം കോള്‍ ചെയ്യുമ്പോഴും ഈ ചെറിയ സുഷിരം മറ്റു ശബ്ദങ്ങളെ ഒഴിവാക്കിത്തരും.

മൂന്നു മൈക്രോ ഫോണുകള്‍!

ഐഫോണ്‍ 5നു ശേഷം ഇറങ്ങുന്ന എല്ലാ ഐഫോണുകള്‍ക്കും മൂന്നു മൈക്രോഫോണുകളാണുളളത്. ഒന്നാമത്തേത് ഏറ്റവും താഴെ, രണ്ടാമത്തേത് പിന്നില്‍, മൂന്നാമത്തേത് സ്പീക്കര്‍ ഗ്രില്ലിന്റെ അടിയിലായും.