ഏറെ പ്രതീക്ഷയോടെ കാത്തിരിക്കുന്ന വാട്ട്‌സ്ആപ്പ് സവിശേഷതകളെ പരിചയപ്പെടാം

മൾട്ടി-ഡിവൈസ് സപ്പോർട്ട്

ഒരേസമയം രണ്ട് വ്യത്യസ്ത ഉപകരണങ്ങളിൽ വാട്ട്‌സ്ആപ്പ് ഉപയോഗിക്കാൻ ഉപയോക്താക്കളെ അനുവദിക്കുന്ന ഒരു സവിശേഷതയിലാണ് വാട്ട്‌സ്ആപ്പ് പ്രവർത്തിക്കുന്നതെന്ന് റിപ്പോർട്ട്. വാട്‌സ്ആപ്പ് മാസങ്ങളായി മൾട്ടി-ഡിവൈസ് സപ്പോർട്ടിന്റെ പരീക്ഷണങ്ങളിൽ മുഴുകിയിരിക്കുകയാണ്. ഇത് ഒരേ സമയം ഒന്നിലധികം ഉപകരണങ്ങളിൽ നിന്ന് ഉപയോക്താക്കൾക്ക് അവരുടെ വാട്സ്ആപ്പ് അക്കൗണ്ടിലേക്ക് ലോഗിൻ ചെയ്യാൻ അനുവദിക്കുന്നു. നിലവിൽ, ഉപയോക്താക്കൾക്ക് അവരുടെ ഫോണിൽ നിന്ന് മാത്രമേ തങ്ങളുടെ വാട്സ്ആപ്പ് അക്കൗണ്ടിൽ ലോഗ് ഇൻ ചെയ്യാൻ സാധിക്കൂകയുള്ളൂ.

എന്നാൽ ഈ പുതിയ വാട്ട്സ്ആപ്പ് അപ്ഡേറ്റ് മറ്റൊരു ഡിവൈസിൽ നിന്ന് ലോഗ്-ഇൻ ചെയ്യാൻ ശ്രമിച്ചാൽ ആദ്യത്തെ ഡിവൈസിൽ നിന്ന് ലോഗ്ഔട്ട് ആകാറാണ് പതിവ്. ഉദാഹരണത്തിന്, നിങ്ങൾ ഫോണിൽ വാട്ട്‌സ്ആപ്പ് ഉപയോഗിക്കുകയാണെങ്കിൽ ഒരേ സമയം നിങ്ങളുടെ ടാബ്‌ലെറ്റിൽ ഇത് ഉപയോഗിക്കാൻ കഴിയും. ഓരോ തവണയും ഒരു പുതിയ ഉപകരണം ചേർക്കുമ്പോൾ അപ്ലിക്കേഷനിൽ ഒരു നോട്ടിഫിക്കേഷൻ ദൃശ്യമാകും.

സെൽഫ്-ഡിസ്ട്രക്കറ്റിങ് (ഡിസ്പ്പിയറിങ് മെസ്സേജസ്)

വാട്ട്‌സ്ആപ്പിലെ സന്ദേശങ്ങൾ ഇല്ലാതാക്കുക (സെൽഫ്-ഡിസ്ട്രക്കറ്റിങ്) എന്ന സവിശേഷത ഉപയോക്താക്കളെ അവരുടെ ചാറ്റുകളിലേക്ക് സമയപരിധി നിശ്ചയിക്കാൻ പ്രാപ്തമാക്കും. ഗ്രൂപ്പ് അല്ലെങ്കിൽ വ്യക്തിഗത ചാറ്റുകൾക്കായി ഈ സവിശേഷത നിങ്ങളെ പ്രാപ്തമാക്കാം. ഉദാഹരണത്തിന്, ഒരു പ്രത്യേക ചാറ്റിനായി നിങ്ങൾ "ഡിലീറ്റഡ് മെസ്സേജസ്" ടോഗിൾ ഓണാക്കുമ്പോൾ, നിങ്ങളുടെ ചാറ്റുകൾക്കായി ഒരു സമയ പരിധി സജ്ജമാക്കാൻ നിങ്ങൾക്ക് കഴിയും.

അത്തരം സന്ദർഭങ്ങളിൽ, നിങ്ങളുടെ സന്ദേശം ഒരു മണിക്കൂറോ ആഴ്ചയോ വരെ നീട്ടാൻ കഴിയും. ഈ ടോഗിൾ ഓഫ് ചെയ്യാനും നിങ്ങൾക്ക് ഓപ്ഷനുണ്ട്. വാട്ട്‌സ്ആപ്പ് ഇപ്പോഴും ഈ സവിശേഷതയിൽ പ്രവർത്തിക്കുന്നുണ്ടെങ്കിലും ഇത് ആൻഡ്രോയിഡ് ബീറ്റ പതിപ്പിൽ കണ്ടെത്തി. സവിശേഷതയുടെ ഔദ്യോഗിക ലോഞ്ചിനെക്കുറിച്ച് ഒരു അറിയിപ്പും ഇല്ല.

ഫോർവേഡഡ് മെസ്സേജുകൾ പരിശോധിക്കുക

മാരകമായ കൊറോണ വൈറസിനൊപ്പം സോഷ്യൽ മീഡിയയിലൂടെ കൂടുതലും വരുന്ന തെറ്റായ വിവരങ്ങൾ പലപ്പോഴും സൃഷ്ട്ടിക്കുന്ന പ്രശ്നങ്ങൾ ചില്ലറയല്ല. വാട്ട്‌സ്ആപ്പും മിക്കപ്പോഴും വ്യാജ വാർത്തകളുടെ കാരിയറായി മാറുന്നു. അതിനാൽ തെറ്റായ വിവരങ്ങൾ തടയുന്നതിനായി വാട്ട്‌സ്ആപ്പിൽ ഉപയോക്താക്കൾക്ക് ലഭിക്കുന്ന സന്ദേശങ്ങൾ സ്ഥിരീകരിക്കാൻ അനുവദിക്കുന്ന ഒരു സവിശേഷതയിൽ വാട്ട്‌സ്ആപ്പ് പ്രവർത്തിക്കുന്നതായി റിപ്പോർട്ടുണ്ട്.

ഡബ്ള്യുഎ ബീറ്റഇൻഫോ റിപ്പോർട്ടനുസരിച്ച്, "ഫോർവേഡഡ് മെസ്സേജുകൾക്കായി" ചില ഓപ്ഷനുകൾ അവതരിപ്പിക്കാൻ വാട്ട്‌സ്ആപ്പ് പ്രവർത്തിക്കുന്നു എന്നാണ്. സവിശേഷത അവതരിപ്പിച്ച് കഴിഞ്ഞാൽ ഉപയോക്താക്കൾ ഫോർവേഡഡ് മെസ്സേജസിന് തൊട്ടടുത്തായി ഒരു സെർച്ച് ഐക്കൺ കാണും. നിങ്ങൾ സെർച്ച് ഐക്കണിൽ ക്ലിക്കുചെയ്യുകയാണെങ്കിൽ സന്ദേശത്തിന്റെ ആധികാരികത പരിശോധിക്കുന്നതിനായി ഗൂഗിളിൽ മെസ്സേജ് തിരയണോ വേണ്ടയോ എന്ന് വാട്ട്‌സ്ആപ്പ് ചോദിക്കും.

ക്യുആർ കോഡ്

ക്യുആർ കോഡ് വഴി കോൺടാക്റ്റിൽ ആളെ ചേർക്കാം. സ്നാപ്പ്ചാറ്റിലും ഇൻസ്റ്റഗ്രാമിലുമുള്ള ഈ സവിശേഷത ഉടൻ തന്നെ വാട്സ്ആപ്പിന്റെ ആൻഡ്രോയ്ഡ്, ഐഒഎസ് പതിപ്പുകളിലും കൊണ്ടുവരും. അതിനാൽ തന്നെ ഉപഭോക്താക്കൾക്ക് ക്യുആർ കോഡ് സ്കാൻ ചെയ്ത് വാട്സ്ആപ്പിൽ കോൺടാക്റ്റ് ആഡ് ചെയ്യാവുന്നതാണ്. ഇനി പഴയതുപോലെ നമ്പർ നൽകി സേവ് ചെയ്യേണ്ട ആവശ്യകത വരുന്നില്ല എന്നർത്ഥം.

ഇൻ-ആപ്പ് ബ്രൗസിംങ്

വെബ് ബ്രൗസറിലേക്ക് റീഡയറക്ട് ചെയ്യാതെ തന്നെ മെസ്സേജിങ് ആപ്പിൽ ചാറ്റുകളിലൂടെ അയച്ച ലിങ്കുകൾ തുറക്കാൻ ഉപയോക്താക്കളെ അനുവദിക്കുന്ന ഒരു ഇൻ-ആപ്പ് ബ്രൗസർ സവിശേഷതയും വാട്സ്ആപ്പ് അവതരിപ്പിച്ചേക്കും. അപ്ലിക്കേഷനിലെ ബ്രൗസർ സവിശേഷത ലിങ്കുകൾ തുറക്കുന്നതിനുള്ള സമയം കുറയ്ക്കുന്നു. ട്വിറ്റർ, ലിങ്ക്ഡ് ഇൻ എന്നിവയുൾപ്പെടെ ധാരാളം ആപ്ലിക്കേഷനുകളിൽ ഇത് ലഭ്യമാണ്. സുരക്ഷിതമല്ലാത്ത വെബ് പേജുകൾ കണ്ടെത്താനുള്ള സാകര്യവും ഈ സവിശേഷതയിൽ ഉൾപ്പെടുന്നു.

വാട്ട്‌സ്ആപ്പ് ഗ്രൂപ്പ് കോളുകളുടെ പരിധി

ഈ ലോക്ക്ഡൗൺ സമയത്ത് ആളുകൾ വീട്ടിൽതന്നെ ആയതിനാൽ ഗ്രൂപ്പ് വീഡിയോ കോളുകളുടെ ഉപയോഗം വർധിച്ചുവരുന്നു. നിലവിൽ നാല് പേരെ മാത്രമേ ഗ്രൂപ്പ് കോളിന്റെ ഭാഗമാകാൻ വാട്ട്‌സ്ആപ്പ് അനുവദിക്കുന്നുള്ളൂ. അതിനാൽ ആളുകൾ മറ്റ് വീഡിയോ കോളിംഗ് പ്ലാറ്റ്‌ഫോമുകളിലേക്ക് മാറുകയാണ്. പക്ഷേ ഫേസ്ബുക്കിന്റെ ഉടമസ്ഥതയിലുള്ള സേവനം ഈ പരിധി വർദ്ധിപ്പിക്കാൻ പദ്ധതിയിടുന്നതായി റിപ്പോർട്ടുകളുണ്ട്. ഒരു റിപ്പോർട്ട് അനുസരിച്ച്, സമീപഭാവിയിൽ ഒരു ഗ്രൂപ്പ് ഓഡിയോ അല്ലെങ്കിൽ വീഡിയോ കോളിൽ പങ്കെടുക്കുന്നവരുടെ പരമാവധി എണ്ണം വർദ്ധിപ്പിക്കാൻ വാട്ട്‌സ്ആപ്പ് തയ്യാറെടുക്കുന്നു എന്നാണ്.

ഫോൺ ബന്ധമില്ലാതെ വെബ് വാട്ട്‌സ്ആപ്പ്

നിലവിൽ ഫോണിൽ വാട്ട്‌സ്ആപ്പ് ആക്റ്റീവ് ആയിരിക്കുകയും ഇന്റർനെറ്റ് കണക്ഷൻ ഉണ്ടെങ്കിലും മാത്രമാണ് നമുക്ക് ഡെസ്ക്ടോപ്പിൽ വാട്ട്‌സ്ആപ്പ് ഉപയോഗിക്കാൻ സജ്ജമാകുകയുള്ളു. വാട്സ്ആപ്പ് ബീറ്റ ഇൻഫോയുടെ റിപ്പോർട്ട് പ്രകാരം യൂണിവേഴ്സൽ വിൻഡോസ് പ്ലാറ്റ്‌ഫോം സിസ്റ്റം നിലവിൽ വന്നാൽ ഫോൺ ആക്റ്റീവ് അല്ലെങ്കിലും ഡെസ്ക്ടോപ്പിൽ വാട്ട്‌സ്ആപ്പ് ഉപയോഗിക്കാൻ കഴിയും. അതിനാൽ തന്നെ യൂണിവേഴ്സൽ വിൻഡോസ് പ്ളാറ്റ്ഫോം സിസ്റ്റത്തിനായി വാട്ട്‌സ്ആപ്പ് ഇപ്പോൾ പരിശ്രമിച്ച് കൊണ്ടിരിക്കുകയാണ്.

ലോകത്തിലെ ഏറ്റവും ജനപ്രിയമായ മെസേജിംഗ് പ്ലാറ്ഫോമാണ് വാട്ട്‌സ്ആപ്പ്. 2 ബില്ല്യൺ ഉപയോക്താക്കളാണ് നിലവിൽ വാട്ട്‌സ്ആപ്പിനുള്ളത്. അതിനാൽ തന്നെ ഉപഭോക്താക്കൾക്ക് അവർ ആഗ്രഹിക്കുന്ന തരത്തിൽ വാട്ട്‌സ്ആപ്പ് സവിശേഷതകൾ നൽകാനായി കമ്പനി പലതരത്തിൽ ശ്രമിക്കാറുണ്ട്. അതിന്റെ ഭാഗമായി അടുത്തിടെ വാട്ട്‌സ്ആപ്പ് ഡാർക്ക് മോഡും വീഡിയോ കോളിംഗിൽ കൂടുതൽ ആളുകളെ ഉൾപ്പെടുത്തുക തുടങ്ങി നിരവധി സവിശേഷതകളാണ് കമ്പനി അവതരിപ്പിച്ചത്.