വെബ് വേഗതയില്‍ മുമ്പിലാര്? പിറകിലാര്?

By Super

Updated: Friday, April 12, 2013, 10:37 [IST]

ഇന്റര്‍നെറ്റ് വേഗതയില്‍ ഒന്നാം സ്ഥാനം ഏത് രാജ്യത്തിനാണെന്ന ചോദ്യത്തിന് ചിലരെങ്കിലും യുഎസ് എന്നാകും മറുപടി നല്‍കുക. എന്നാല്‍ തെറ്റി. ഗൂഗിളില്‍ സെര്‍ച്ച് ചെയ്യുമ്പോള്‍ അതിവേഗ റിസള്‍ട്ട് വേണ്ടവര്‍ സ്ലോവാക് റിപ്പബ്ലിക്കിലോ ദക്ഷിണ കൊറിയയിലോ പോകേണ്ടി വരും.

വെബ് പേജ് ലോഡ് ചെയ്യുന്ന സമയത്തെ ആധാരമാക്കി ഗൂഗിള്‍ നടത്തിയ പഠനത്തില്‍ ഏറ്റവും വേഗതയേറിയ ഇന്റര്‍നെറ്റുള്ള രാജ്യവും ഏറ്റവും മോശം ഇന്റര്‍നെറ്റുള്ള രാജ്യവും ഉള്‍പ്പെടുന്നു. ഡെസ്‌ക്ടോപുകളിലേയും മൊബൈലിലേയും ഇന്റര്‍നെറ്റ് കണക്ഷനെ വെവ്വേറെയാണ് ഗൂഗിള്‍ പഠിച്ചത്.

ഡെസ്‌ക്ടോപ് കമ്പ്യൂട്ടറില്‍ വെബ് പേജ് ലോഡ് ചെയ്യാന്‍ ഏറ്റവും കുറവ് സമയമെടുക്കുന്നത് സ്ലൊവാക്ക് റിപ്പബ്ലിക്കിലാണ്. വെറും 3.3 സെക്കന്റ്. മൊബൈലുകളുടെ കാര്യത്തില്‍ മുന്നിട്ടുനില്‍ക്കുന്നത് 4.8 സെക്കന്റുമായി ദക്ഷിണ കൊറിയയുമാണ്.

ഡെസ്‌ക്ടോപ് വെബ് പേജ് ലോഡിംഗില്‍ ഏറ്റവും പിറകില്‍ ഇന്തോനേഷ്യയാണ്. 20.3 സെക്കന്റ് വേണം വെബ് റിസള്‍ട്ടുകള്‍ ലോഡ് ചെയ്യാന്‍. മൊബൈല്‍ വെബ് പേജ് ലോഡിംഗില്‍ ഏറ്റവും പതുക്കെ ലോഡ് ചെയ്യുന്നത് യുഎഇയാണ്. 26.7 സെക്കന്റാണ് യുഎഇയിലെ വെബ് പേജ് ലോഡിംഗ് സമയം.

അപ്പോള്‍ ഇന്ത്യ എവിടെ വരും എന്നറിയേണ്ട? എന്തായാലും ഏറ്റവും മികച്ചതിലും ഏറ്റവും മോശത്തിലും ഇന്ത്യ വരുന്നില്ല എന്ന് മുമ്പിലെ വിവരങ്ങള്‍ ഉറപ്പു നല്‍കുന്നുണ്ടല്ലേ. താഴെ കൊടുത്തിരിക്കുന്ന പട്ടികയില്‍ നിന്ന് ഇന്ത്യയുടെ സ്ഥാനം കണ്ടെത്താം.

ഡെസ്‌ക്ടോപ് വേഗതയില്‍ ആദ്യ പത്ത് സ്ഥാനമുള്ള രാജ്യങ്ങള്‍ (സെക്കന്റില്‍)