വിന്‍ഡോസ് 10-നെക്കുറിച്ച് അറിഞ്ഞിരിക്കേണ്ട 10 കാര്യങ്ങള്‍....!

1

വിന്‍ഡോസ് 7, 8.1 ലൈസന്‍സ്ഡ് പതിപ്പുളളവര്‍ക്ക് സൗജന്യമായി ആദ്യ ഒരു വര്‍ഷത്തേക്ക് വിന്‍ഡോസ് 10-ലേക്ക് പരിഷ്‌ക്കരിക്കാവുന്നതാണ്.

2

വിന്‍ഡോസ് 8-നു ശേഷം 9 ഇല്ലാതെ മൈക്രോസോഫ്റ്റ് നേരിട്ട് വിന്‍ഡോസ് 10-ലേക്ക് പോകുകയായിരുന്നു.

3

നിങ്ങളുടെ കമ്പ്യൂട്ടറുകള്‍ക്ക് വിന്‍ഡോസ് 7, 8 എന്നിവ ഇന്‍സ്റ്റാള്‍ ചെയ്യാന്‍ വേണ്ട അതേ സവിശേഷതകളാണ് വിന്‍ഡോസ് 10-ഉം ആവശ്യപ്പെടുക. 1ഗിഗാഹെര്‍ട്ട്‌സ് പ്രൊസസ്സര്‍, റാം - 1ജിബി (32ബിറ്റ്) അല്ലെങ്കില്‍ 2ജിബി (64ബിറ്റ്).

4

ടാബ്ലറ്റിലും പിസിയിലും ആണ് വിന്‍ഡോസ് 10 ആദ്യം എത്തുന്നത്. തുടര്‍ന്നാണ് സ്മാര്‍ട്ട്‌ഫോണുകളില്‍ അവതരിപ്പിക്കുന്നത്.

5

സ്റ്റാര്‍ട്ട് മെനു വിന്‍ഡോസ് 10-ലേക്ക് മടക്കി വിളിക്കുകയാണ്. കൊര്‍ട്ടാന, എഡ്ജ് ബ്രൗസര്‍ തുടങ്ങിയ സവിശേഷതകള്‍ വിന്‍ഡോസ് 10-ല്‍ അവതരിപ്പിക്കുന്നുണ്ട്.

6

വിന്‍ഡോസ് എക്‌സ്പി, വിസ്ത തുടങ്ങിയ ഒഎസുകളാണ് ഉപയോഗിക്കുന്നതെങ്കില്‍ വിന്‍ഡോസ് 10 വില കൊടുത്ത് വാങ്ങിക്കേണ്ടി വരും. വിന്‍ഡോസ് 10 ഹോം പതിപ്പിന് 119 ഡോളറും, പ്രൊഫഷണല്‍ പതിപ്പിന് 199 ഡോളറുമാണ് അമേരിക്കന്‍ വിപണിയില്‍ വില.

7

ബയോ മെട്രിക്ക് ഓതിന്റിക്കേഷന്‍ സംവിധാനമായ ഹലോ ആണ് വിന്‍ഡോസ് 10-ന്റെ മറ്റൊരു പ്രത്യേകത. ഉപയോക്താക്കളുടെ മുഖം, കൈ, വിരലുകള്‍ എന്നിവ പാസ്‌വേഡുകള്‍ ആക്കാന്‍ സാധിക്കുന്ന സവിശേഷതയാണ് ഇത്.

8

നിലവില്‍ വിന്‍ഡോസ് മുന്‍ പതിപ്പുകളില്‍ പ്രവര്‍ത്തിക്കുന്ന എല്ലാ സോഫ്റ്റ്‌വെയറുകളും വിന്‍ഡോസ് 10-ലും ഉപയോഗിക്കാന്‍ സാധിക്കും.

9

20 മിനിറ്റ് മുതല്‍ 1 മണിക്കൂര്‍ വരെ അപ്ഗ്രഡേഷന് ചിലവാകുമെന്ന് കമ്പനി പറയുന്നു.

10

വിന്‍ഡോസിന്റെ അവസാന പതിപ്പാണ് വിന്‍ഡോസ് 10 എന്നും നിലവിലുളളയ്ക്ക് അപ്‌ഡേറ്റുകള്‍ മാത്രമാണ് ഇനി ഉണ്ടാകുകയെന്നുമാണ് മൈക്രോസോഫ്റ്റ് പറയുന്നത്.