വെറും 3 രൂപ ചിലവിൽ ഒരു ജിബി ഡാറ്റ; ബിഎസ്എൻഎല്ലിന്റെ കിടിലൻ പ്രീപെയ്ഡ് പ്ലാൻ

ബിഎസ്എൻഎൽ

യൂസേഴ്സിനായി അടുത്തിടെ ബിഎസ്എൻഎൽ അവതരിപ്പിച്ച പ്രീപെയ്ഡ് പ്ലാനുകളിൽ ഒന്നിനേക്കുറിച്ചാണ് സംസാരിക്കുന്നത്. ഈ പ്ലാൻ ഉപയോക്താക്കൾക്ക് വെറും മൂന്ന് രൂപ ചിലവിൽ ഒരു ജിബി ഡാറ്റ ഓഫർ ചെയ്യുന്നു. പ്ലാനിന്റെ വിലയല്ല ഒരു രൂപയെന്നത് മനസിലാക്കണം. ഈ പ്ലാനിന് ഒപ്പം ലഭിക്കുന്ന ഡാറ്റ ആനുകൂല്യം കണക്ക് കൂട്ടുമ്പോൾ ഒരു ജിബിയ്ക്ക് വെറും മൂന്ന് രൂപ മാത്രമാണ് ചിലവ് വരുന്നത്. ഡാറ്റയ്ക്ക് പുറമെ മറ്റ് ആനുകൂല്യങ്ങളും പ്ലാൻ ഓഫർ ചെയ്യുന്നുണ്ട്. ഈ പുതിയ ബിഎസ്എൻഎൽ പ്ലാനിനെക്കുറിച്ചുള്ള വിശദാംശങ്ങൾ അടുത്ത പാരഗ്രാഫിൽ നൽകിയിരിക്കുന്നു.

347 രൂപയുടെ ബിഎസ്എൻഎൽ പ്ലാൻ

347 രൂപ വില വരുന്ന ബിഎസ്എൻഎൽ പ്ലാനാണ് വെറും മൂന്ന് രൂപയ്ക്ക് ഒരു ജിബി ഡാറ്റ നൽകുന്നത്. 56 ദിവസത്തെ വാലിഡിറ്റിയാണ് 347 രൂപയുടെ ബിഎസ്എൻഎൽ പ്ലാൻ ഓഫർ ചെയ്യുന്നത്. യൂസേഴ്സിന് പ്രതിദിനം 2 ജിബി അതിവേഗ ഡാറ്റയും പ്ലാൻ ഓഫർ ചെയ്യുന്നു. അതായത് 56 ദിവസത്തെ വാലിഡിറ്റി കാലയളവിലേക്ക് മൊത്തം 112 ജിബി ഡാറ്റ യൂസേഴ്സിന് ലഭിക്കുന്നു.

ഇതിൽ നിന്നും ഒരു ജിബി ഡാറ്റയ്ക്ക് വരുന്ന ചിലവ് കണക്കാക്കുമ്പോൾ അത് ഏകദേശം 3 രൂപയാണെന്ന് മനസിലാക്കാം. ഡാറ്റ ആനുകൂല്യങ്ങൾക്കൊപ്പം അൺലിമിറ്റഡ് കോളിങ്, 100 എസ്എംഎസുകൾ, ഗെയിമിങ് സേവനങ്ങൾ എന്നിവയെല്ലാം 347 രൂപ വില വരുന്ന ബിഎസ്എൻഎൽ പ്രീപെയ്ഡ് പ്ലാൻ ഓഫർ ചെയ്യുന്നുണ്ട്.

മറ്റ് കമ്പനികളുമായി താരതമ്യം ചെയ്യുമ്പോൾ

രാജ്യത്തെ പ്രധാന ടെലിക്കോം കമ്പനികളുമായി താരതമ്യം ചെയ്യുമ്പോഴും 347 രൂപയുടെ ബിഎസ്എൻഎൽ പ്ലാൻ ഏറെ മുന്നിലാണ്. റിലയൻസ് ജിയോയുടെ 479 രൂപ പ്ലാൻ നോക്കാം. 479 രൂപ വില വരുന്ന റിലയൻസ് ജിയോ പ്ലാൻ 56 ദിവസത്തെ വാലിഡിറ്റിയാണ് നൽകുന്നത്. ഈ പ്ലാൻ പ്രതിദിനം 1.5 ജിബി ഡാറ്റയും ഓഫർ ചെയ്യുന്നു. ഏകദേശം 84 ജിബി ആണ് യൂസേഴ്സിന് ലഭിക്കുന്ന മൊത്തം ഡാറ്റ ആനുകൂല്യം. ഇത് 347 രൂപയുടെ ബിഎസ്എൻഎൽ പ്ലാൻ നൽകുന്നതിനേക്കാൾ 28 ജിബിയുടെ കുറവ് കാണിക്കുന്നു.

എയർടെലിന്റെ 359 രൂപയുടെ പ്ലാനുമായും 347 രൂപയുടെ ബിഎസ്എൻഎൽ പ്ലാൻ താരതമ്യം ചെയ്യാം. 28 ദിവസത്തെ വാലിഡിറ്റിയിലാണ് ഈ എയർടെൽ പ്രീപെയ്ഡ് പ്ലാൻ വരുന്നത്. ഏകദേശം 56 ജിബിയാണ് വാലിഡിറ്റി കാലയളവിലേക്ക് എയർടെലിന്റെ 359 രൂപയുടെ പ്ലാൻ നൽകുന്നതെന്നും ഓർക്കണം. അൺലിമിറ്റഡ് കോളിങ്, പ്രതിദിനം 100 എസ്എംഎസുകൾ, പ്രൈം വീഡിയോ മൊബൈൽ പതിപ്പ് എന്നിവയും പ്ലാൻ ഓഫർ ചെയ്യുന്നു.

അതിനാൽ, മറ്റ് കമ്പനികളെ അപേക്ഷിച്ച് ബിഎസ്എൻഎൽ പ്രീപെയ്ഡ് പ്ലാൻ കൂടുതൽ ലാഭകരമാണെന്ന് തെളിയിക്കപ്പെട്ടിരിക്കയാണ്. എന്നാൽ ബിഎസ്എൻഎല്ലിന്റെ ഏറ്റവും വലിയ പോരായ്മ അവരുടെ 4ജി സർവീസ് ആണ്. രാജ്യത്തിന്റെ എല്ലാ ഭാഗത്തും 4ജി സേവനങ്ങൾ ലഭ്യമാക്കാൻ ബിഎസ്എൻഎല്ലിന് കഴിഞ്ഞിട്ടില്ല. അതിനാൽ തന്നെ എണ്ണം പറഞ്ഞ പ്ലാനുകൾ ഉപയോഗമില്ലാതെ പോകുകയും ചെയ്യുന്നു. കുറഞ്ഞ നിരക്കിൽ വരുന്ന രണ്ട് മികച്ച ബിഎസ്എൻഎൽ പ്ലാനുകളെക്കുറിച്ച് അറിയാൻ തുടർന്ന് വായിക്കുക.

49 രൂപ വില വരുന്ന ബിഎസ്എൻഎൽ പ്ലാൻ

നിരക്ക് കുറഞ്ഞ പ്ലാനുകൾ തപ്പുന്ന യൂസേഴ്സിന് ചേരുന്ന മികച്ച ബിഎസ്എൻഎൽ പ്ലാൻ ആണ് എസ്ടിവി 49. 1 ജിബി ഡാറ്റയാണ് 49 രൂപയുടെ പ്ലാൻ യൂസേഴ്സിന് ഓഫ‍ർ ചെയ്യുന്നത്. 100 മിനിറ്റ് നേരത്തേക്ക് വോയിസ് കോളിങ് ആനുകൂല്യങ്ങളും 49 രൂപയുടെ ബിഎസ്എൻഎൽ പ്ലാൻ നൽകുന്നു. മൊത്തം 20 ദിവസത്തെ വാലിഡിറ്റിയും 49 രൂപയുടെ ബിഎസ്എൻഎൽ പ്ലാൻ ഓഫ‍ർ ചെയ്യുന്നുണ്ട്. കുറഞ്ഞ നിരക്കിൽ കുഴപ്പമില്ലാത്ത വാലിഡിറ്റിയാണ് പ്ലാൻ നൽകുന്നത്. 49 രൂപ വില വരുന്ന ബിഎസ്എൻഎൽ പ്ലാനിൽ ഡാറ്റ, കോളിങ് ആനുകൂല്യങ്ങൾ കാര്യമായില്ല എന്നതും ശ്രദ്ധിക്കണം. സെക്കൻഡറി സിം കാ‍‍ർഡുകൾ ഉപയോ​ഗിക്കുന്നവർക്ക് സെലക്റ്റ് ചെയ്യാവുന്ന മികച്ച ഓപ്ഷനുകളിൽ ഒന്നാണ് 49 രൂപ വില വരുന്ന ബിഎസ്എൻഎൽ പ്ലാൻ.

87 രൂപ വില വരുന്ന ബിഎസ്എൻഎൽ പ്ലാൻ

ബിഎസ്എൻഎൽ പ്രീപെയ്ഡ് യൂസേഴ്സിന് ലഭിക്കുന്ന ഏറ്റവും വില കുറഞ്ഞ ഡെയിലി ഡാറ്റ പ്ലാൻ ആണിത്. ഇത്രയും കുറഞ്ഞ നിരക്കിൽ ഡെയിലി ഡാറ്റ പ്ലാൻ മറ്റൊരു ടെലിക്കോം കമ്പനിയും നൽകുന്നില്ല എന്നതും ശ്രദ്ധിക്കണം. 14 ദിവസത്തെ സ‍ർവീസ് വാലിഡിറ്റിയാണ് 87 രൂപ വില വരുന്ന ബിഎസ്എൻഎൽ പ്ലാൻ ഓഫ‍ർ ചെയ്യുന്നത്. പ്രതിദിനം 1 ജിബി ഡാറ്റയും ഈ പ്ലാൻ ഓഫ‍‍ർ ചെയ്യുന്നു. പ്രതിദിന ഡാറ്റ പരിധി അവസാനിച്ചാൽ ഇന്റ‍‍ർനെറ്റ് സ്പീഡ് 40 കെബിപിഎസ് ആയി കുറയുമെന്ന് മാത്രം. മൊത്തം വാലി‍ഡിറ്റി കാലയളവിലേക്ക് 14 ജിബി ഡാറ്റയാണ് 87 രൂപ വില വരുന്ന ബിഎസ്എൻഎൽ പ്ലാൻ ഓഫ‍ർ ചെയ്യുന്നത്. അൺലിമിറ്റഡ് കോളിങ് ആനുകൂല്യങ്ങൾ. പ്രതിദിനം 100 എസ്എംഎസുകളും ഈ പ്ലാൻ ഓഫ‍‍ർ ചെയ്യുന്നു.