800 രൂപയ്ക്ക് ഓൺലൈൻ പർച്ചേസ് നടത്തിയ സ്ത്രിക്ക് നഷ്ടപ്പെട്ടത് 80,000 രൂപ

| Updated: Tuesday, November 26, 2019, 11:03 [IST]

ഓൺലൈൻ തട്ടിപ്പ് ഇന്ന് ഒരു പൊതുവായി നടക്കുന്ന ഒരു സംഭവമാണ്. അനവധിപേർ ഇതിന് ഇരയാവുകയും തുടർന്ന് നഷ്ട്ടപ്പെടുന്ന രൂപ ഒരു പക്ഷെ ചിന്തിക്കാൻ കഴിയുന്നതിലപ്പുറമാണ്. ഓൺലൈൻ പോർട്ടൽ വഴി പണം നഷ്ട്ടപെടുന്നവരും, ലഭിക്കുന്ന ഓ.ടി.പി ഷെയർ ചെയ്യ്ത് പണം അക്കൗണ്ടിൽ നിന്നും നഷ്ടപ്പെടുത്തുന്നവരും ഇന്ന് അനവധിയാണ്. ഒരു നിമിഷം പോലും ചിന്തിക്കാതെയാണ് ഇത്തരക്കാർ തങ്ങൾക്ക് ലഭിക്കുന്ന ഓ.ടി.പി മറ്റൊരാളുമായി ഷെയർ ചെയ്യുന്നത്. തുടർന്ന് സംഭവിക്കുന്നതാകട്ടെ അക്കൗണ്ടിൽ നിന്നും ഇത്ര തുക നഷ്ട്ടമായിരിക്കുന്നു എന്ന വാർത്തയാണ്. എന്നിരുന്നാലും, അനവധി വാർത്തകൾ ഇതിനെ ചുറ്റിപറ്റി ദിനംപ്രതി വരുന്നുണ്ടെങ്കിലും ആരും ഇത് ശ്രദ്ധിക്കാതെയാണ് വീണ്ടും വീണ്ടും ചതികുഴികളിൽ ചെന്നുപ്പെടുന്നത്. ഇപ്പോഴിതാ, തുടർക്കഥയായി വീണ്ടും ഓൺലൈൻ തട്ടിപ്പ് വഴി ഒരു സ്ത്രീക്ക് നഷ്ടമായത് 80,000 രൂപയാണ്.

ഓൺലൈൻ പോർട്ടൽ തട്ടിപ്പ്

ഒരു ഓൺലൈൻ പോർട്ടലിൽ നിന്ന് 800 രൂപയ്ക്ക് കുർത്ത വാങ്ങുവാൻ ശ്രമിച്ച സ്ത്രീക്ക് നഷ്ട്ടമായത് 80,000 രൂപ. നവംബർ എട്ടിന് ഒരു ഇ-കൊമേഴ്‌സ് ആപ്പ് ഡൗൺലോഡ് ചെയ്തതായും, തുടർന്ന് ഒരു കുർത്തയ്ക്ക് ഓർഡർ നൽകിയതായും ബെംഗളൂരുവിലെ ഗോട്ടിഗെറിലെ ശ്രാവണ എ.എ എന്ന സ്ത്രീ താൻ സമർപ്പിച്ച പരാതിയിൽ പറയുന്നു. ഓർഡർ ചെയ്യ്തതിനെ തുടർന്ന് കുർത്ത ലഭിക്കാത്തപ്പോൾ, അപ്ലിക്കേഷനിൽ നൽകിയിരിക്കുന്ന നമ്പറിലെ കസ്റ്റമർ കെയർ സെല്ലുമായി ബന്ധപ്പെടുവാൻ ശ്രമിച്ചു.

ഓൺലൈൻ തട്ടിപ്പ്

ഒരു കസ്റ്റമർ കെയർ എക്സിക്യൂട്ടീവ് ഉടൻ തന്നെ കുർത്ത അയക്കുമെന്ന് ഉറപ്പുനൽകുകയും ഒരു ഓൺലൈൻ ലിങ്ക് വഴി അയച്ച ഫോം പൂരിപ്പിക്കാൻ ആവശ്യപ്പെടുകയും ചെയ്തു. യുവതി ഫോം പൂരിപ്പിച്ച് ബാങ്ക് അക്കൗണ്ട് വിശദാംശങ്ങൾ ആവശ്യപ്പെട്ടിരിക്കുന്നതുപോലെ നൽകി. താമസിയാതെ, ഈ ഉപയോക്താവിന് ഒറ്റത്തവണ പാസ്‌വേഡ് (ഒടിപി) ലഭിച്ചു. ഈ സ്ത്രീയുടെ അഭ്യർത്ഥന പ്രക്രിയ ആരംഭിക്കുന്നതിനായി ഒടിപി ഷെയർ ചെയ്യാൻ എക്സിക്യൂട്ടീവ് ആവശ്യപ്പെടുകയും ചെയ്തു. യാതൊരു സൂചനയുമില്ലാതെ, ശ്രാവണ ഒടിപി എക്സിക്യൂട്ടീവ്മായി ഷെയർ ചെയ്തു. മിനിറ്റുകൾക്കുള്ളിൽ 79,600 രൂപ അവളുടെ അക്കൗണ്ടിൽ നിന്ന് നാല് തവണകളായി പിൻവലിച്ചതായാണ് പിന്നിട് അറിയുവാൻ സാധിച്ചത്.

സൈബർ ക്രൈം

ശ്രാവണനെ ഈ ദാരുണമായ സംഭവത്തെ തുടർന്ന് കൊണനകുന്തെ പോലീസിൽ പരാതിപ്പെട്ടു. പക്ഷെ കസ്റ്റമർ കെയർ ഓഫീസറുമായി ബന്ധപ്പെടാനുള്ള ശ്രമങ്ങൾ വിജയം കണ്ടില്ല. ഫിഷിംഗും വൈഷിംഗും സൈബർ ആക്രമണത്തിന്റെ സാധാരണ രൂപങ്ങളാണെങ്കിലും, ഗൂഗിളിൻറെ പ്ലേസ്റ്റോറിലും ഐ.ഓ.സിലും ഹോസ്റ്റുചെയ്‌തിരിക്കുന്ന അപ്ലിക്കേഷനുകൾ അക്രമികൾ വഞ്ചനാപരമായി നെറ്റിസൻ‌മാരെ കബളിപ്പിക്കാൻ തിരഞ്ഞെടുക്കുന്ന ഒരു ഇടം തന്നെയാണ്. ഈ പ്ലാറ്റ്‌ഫോമുകളിൽ സംശയാസ്പദമായ ഒരു അപ്ലിക്കേഷനെക്കുറിച്ച് ആരെങ്കിലും പരാതിപ്പെടുന്നതിന് മുമ്പുതന്നെ സൈബർ കുറ്റവാളികൾ അവരുടെ ജോലി നിർത്തി ലഭിച്ച തുകയുമായി രക്ഷപ്പെടുകയുമാണ് പതിവെന്ന് സൈബർ ക്രൈം വിദഗ്ധർ പറഞ്ഞു.

സ്ത്രിക്ക് നഷ്ടപ്പെട്ടത് 80,000 രൂപ

സൈബർ പീസ് ഫൗണ്ടേഷൻ പ്രസിഡന്റ് വിനീത് കുമാർ പറയുന്നത്, പ്ലേസ്റ്റോറിൽ നിന്ന് സുരക്ഷിതമായ ആപ്ലിക്കേഷനുകൾ മാത്രമേ ഉപയോഗിക്കാൻ പാടുള്ളു. "പലർക്കും ഇത് അറിയില്ല: നിങ്ങളുടെ ഫോണിൽ‘ പ്ലേ പ്രൊട്ടക്റ്റ് 'സവിശേഷത പ്രവർത്തനക്ഷമമാക്കുമ്പോൾ, നിങ്ങൾ ഡൗൺലോഡുചെയ്‌ത അപ്ലിക്കേഷനുകളുടെ സുരക്ഷാ നിലവാരം ഇത് വ്യതമാക്കുന്നു. ‘ദോഷകരമായ അപ്ലിക്കേഷൻ കണ്ടെത്തൽ മെച്ചപ്പെടുത്തുക' ക്രമീകരണം ഓണാക്കുന്നതിലൂടെ ഒരാൾക്ക്ഗൂഗിൾ പ്ലേയ്ക്ക് പുറത്തുള്ള അപ്ലിക്കേഷനുകളുടെ ഉറവിടങ്ങൾ റിപ്പോർട്ട് ചെയ്യാനാകും, "അദ്ദേഹം പറഞ്ഞു.